Page Text
________________
जालंतररतणपंजरुम्मिलियव्वमणि-कणगथूभियागा
वियसियसयवत्तपुंडरीयतिलयरयणद्धचंदचचित्तानानामणिमयदामालंकिया अंतो बहिं च सण्हा तवणिज्जरुहइलवालयापत्थडा सुहफासा सस्सिरीया सुरूवा पासाईयादरिसणिज्जा अभिरूवा पडिरूवा एत्थ णं जोइसियाणं देवाणं पज्जत्तापज्जत्ताणं ठाणा पन्नत्ता तिसु वि लोगस्स असंखिज्जतिभागे तत्थ णं बहवे जोइसिया देवा परिवसंति तं जहा- बहस्सती चंदा सूरा सुक्का सणिच्छरा राहू धूमकेऊ बुहा अंगारगा तत्ततवणिज्जकणगवण्णा जे य गहा जोइसम्मि चारं चरंति केतू य गइरइया अट्ठावीसतिविहा य नक्खत्तदेवयगणा नानासंठाणसंठियाओ य पंचवण्णाओ तारयाओ ठितलेस्सा चारिणो अविस्सममंडलगई पत्तेयनामंकपागडियचिंधमउडा महिढिया जाव पभासेमाणा ते णं तत्थ साणं-साणं विमाणावास-सतसहस्साणं साणं-साणं सामाणियसाहस्सीमं जाव अण्णेसिं च बहूणं जोइसियाणं देवाणं य देवीण य आहेवच्चं पोरेवच्चं जाव विहरंति चंदिम-सूरिया यत्थ दुवे जोइसिंदा जोयसियरायाणो परिवसंति-महिड्ढिया जाव पभासेमाणा ते णं तत्थ साणं-साणं जोइसियविमाणावाससतसहस्साणं चउण्हं सामाणियसाहस्सीणं चउण्हं अग्गमहिसीणं सपरिवाराणं तिण्हं परिसाणं सत्तण्हं अणियाणं सत्तण्हं अणियाधिवतीणं सोलसण्हं आयरक्ख-देवसाहस्सीणं अण्णेसिं च बहूणं जोइसियाणं देवाणं य देवीण य आहेवच्चं पोरेवच्चं जाव विहरंति ।
[२२६] कहि णं भंते वेमाणियाणं देवाणं पज्जत्तापज्जत्ताणं ठाणा पन्नत्ता कहि णं भंते वेमाणिया देवा परिवसंति गोयमा इमीसे रयणप्पभाए पुढवीए बहुसमरमणिज्जातो भूमिभागातो उड्ढं चंदिम-सूरहिय-गह-नक्खत्त-तारारूवाणं बहूइं जोयणसताई बहूइं जोयणसहस्साई बहूई जोयणसयसहस्साइं बहुगीओ जोयणकोडीओ बहुगीओ जोयणकोडाकोडीओ उड्ढं दूरं उप्पइत्ता एत्थ णं सोहम्मीसाण-सणंकुमारमाहिंद-बंभलोय-लंतग-महासुक्क-सहस्सार-आणय-पाणय-आरण-अच्चुत-गेवेज्ज-अनुत्तरेसु, एत्थ णं वेमाणियाण देवाणं चउरासीइ विमाणावाससतसहस्सा सत्ताणउइं च सहस्सा तेवीसं च विमाणा भवंतीति मक्खातं ते णं विमाणा सव्वरयणामया अच्छा सण्हा जाव पडिरूवा एत्थ णं वेमाणियाणं देवाणं पज्जत्तापज्जत्ताणं ठाणा पन्नत्ता तिसु वि लोयस्स असंखेज्झइभागे तत्थ णं बहवे वेमाणिया देवा परिवसंति तं जहा- सोहम्मीसाण जाव अनुत्तरोववाइया देवा ते णं मिग-महिस-वराह-सीह-छगल-दडुर-हय-गयवइ-भुयगखग्गउसभंक-विडिमपागडियचिंधमउडा पसढिलवरमउड-तिरीडधारिणो वरकुंडलुज्जोइयाणणा मउडदित्तसिराया रत्ताभा पउमपम्हगोरा सेया सुहण्ण-गंध-फासा उत्तमवेण्णिणो पवरवत्थ-गंध-मल्लाणुलेवण-धरा महिड्ढीया महज्जुइया जाव असुरकुमाराणं एवं चेव दस दिसाओ उज्जोवेमाणा पभासेमाणा ते णं तत्थ साणं-साणं विमाणावससयसहस्साणं साणं-साणं सामाणियसाहस्सीणं जाव असुरकुमाराणं एवण चेवं अण्णेसिं च बहूणं वेमाणियाणं देवाणं देवीण य आहेवच्चं पोरेवच्चं जाव विहरंति ।
[२२७] कहि णं भंते सोहम्मदेवाणं पज्जत्तापज्जत्ताणं ठाणा पन्नत्ता कहि णं भंते सोहम्मगदेवा परिवसंति गोयमा जंबुद्दीवे दीवे मंदरस्स पव्वतस्स दाहिणेणं इमीसे रयणप्पभाए पुढवीए बहुसमरणिज्जाओ भूमिभागाओ उड्ढं जाव दूरं उप्पइत्ता एत्थ णं सोहम्मे नामं कप्पे पन्नत्तेपाईणपडीणायते उदीण-दाहिणवित्थिपणे अद्धचंदसंठाणसंठिते अच्चिमालिभासरासिवण्णभे असंखेज्जाओ जोयणकोडीओ असंखेज्जाओ जोयणकोडीकोडीओ आयाम-विक्खंभेणं असंखेज्जाओ जोयणकोडाकोडीओ परिक्खेवेणं सव्वरयणामए अच्छे जाव पडिरूवे तत्थ णं सोहम्मगदेवाणं बत्तीसं विमाणावास-सतसहस्सा पद-२
दीपरत्नसागर संशोधितः]
[35]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |