Page Text
________________
देवा परिवसंति-महिड्ढिया जहा ओहिया जाव विहरंति काले यत्थ पिसायइंदे पिसायराया परिवसतिमहिड्ढीए जाव पभासेमाणे से णं तत्थ तिरियमसंखेज्जाणं भोमेज्जगनगरावाससतसहस्साणं चउण्हं सामाणिय-साहस्सीणं चउण्हमग्गमहिसीणं सपरिवाराणं तिण्हंपरिमाणं सत्तण्हं अणियाणं सत्तण्हं अणियाधिवतीणं सोलसण्हं आतरक्खदेवसाहस्सीणं अण्णेसिं च बहूणं दाहिणिल्लाणं वाणमंतराणं देवाण य देवीण य आहेवच्चं जाव विहरति उत्तरिल्लाणं पुच्छा गोयमा जहेव दाहिणिल्लाणं वत्तव्वया तव उत्तरिल्लाणं पि नवरंमंदरस्स पव्वयस्स उत्ततरेणं महाकाले यत्थ पिसायइंदे पिसायराया परिवसति जाव विहरति एवं जहा पिसायाणं तहा भूयाणं पि जाव गंधव्वाणं नवरं- इंदेसु नाणत्तं भाणियव्वं इमेण विहिणाभूयाणं सुरूव-पडिरूवा जक्खाणं पुन्नभद्द-भाणिभद्दा रक्खसाणं भीम- महाभीमा किन्नराणं किन्नरकिंपुरिसा किंपुरिसाणं सप्पुरिस-महापुरिसा महोरगाणं अड्काय- महाकाया गंधव्वाणं गीतरतिगीतजसे जाव विहरति । [२१९] कालेय महाकाले सुरूव पडिरूव पुन्नभद्दे य I
अमरवइ माणिभद्दे भीमे य तहा महाभीमे I
[२२०] किण्णर किंपुरिसे खलु सप्पुरिसे खलु तहा महापुरिसे । अइकाय महाका गीयरई चेव गीतजसे I
[२२१] कहि णं भंते अणवन्नियाणं देवाणं पज्जत्तापज्जत्ताणं ठाणा पन्नत्ता कहि णं भंते अणवण्णिया देवा परिवसंति गोयमा इमीसे रयणप्पभाए पुढवीए रयणामयस्स कंडस्स जोयणसहस्सबाहल्लस्स उवरिं हेट्ठा य एगं जोयणसयं वज्जेत्ता मज्झे अट्ठसु जोयणसतेसु एत्थ णं अणवणियाणं देवाणं तिरियमसंखेज्जा भोमेज्जा नगरावाससयसहस्सा भवंतीतिमक्खातं ते णं जाव पडिरूवा एत्थ णं अणवण्णियाणं देवाणं ठाणा उववाएणं लोयस्स असंखेज्जइभागे समुग्धाएणं लोयस्स असंखेज्जइभागे सट्ठाणेणं लोयस्स असंखेज्जइभागे तत्थ णं बहवे अणवन्निया देवा परिवसंति- महड्ढिया जहा पिसाया जाव विहरंति सन्निहिया-सामाणा यत्थ दुवे अणवण्णिंदा अणवण्णियकुमाररायाणो परिवसंति-महिड्ढीया जहा काल-महाकाला एवं जहा काल - महाकालाणं दोन्हं पि दाहिणिल्लाणं उत्तरिल्लाण य भणिया तहा सन्निहिय-सामाणाणं पि भाणियव्वा ।
[२२२] अणवन्निय पणवन्निय इसिवाइय भूयवाइया चेव । कंदिय महांदिय कोहंडी पयगए चेव | [२२३] सण्णिहिया सामाणा धाय विधाए इसी य इसिपासे । ईसर महेसरे या हवइ सुवच्छे विसाले य I [२२४] हासे हासरई वि य सेते य तहा भवे महासते । पयत्ते पययपई वि य नेयव्वा आणुपुव्वी ।
[२२५] कहि णं भंते जोइसियाणं देवाणं पज्जत्तापज्जत्ताणं ठाणा पन्नत्ता कहि णं भंते जोइसिया देव परिवसंति गोयमा इमीसे रयणप्पभाए पुढवीए बहुसमरमणिज्जाओ भूमिभागाओ सत्ताणउते जोयणसते उड्ढं उप्पइत्ता दसुत्तरे जोयणसतबाहल्ले तिरियमसंखेज्जे जोतिसविसये एत्थ णं जोइसियाणं देवाणं तिरियमसंखेज्जा जोइसियविमाणावाससतसहस्सा भवंतीति मक्खातं ते णं विमाणा अद्धकविट्ठगपद - २
संठाणसंठिता सव्वफालियामया अब्भुग्गयमूसियपहसिया इव विविहमणि-कणग-रतणभत्तिचित्ता वाउद्धुतविजयवेजयंतीपडाग-छत्ताइछत्तकलिया
तुंगा
[दीपरत्नसागर संशोधितः ]
[34]
गगणतलमणुलिहमाणसिहरा
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |