Page Text
________________
एत्थ णं वाणमंतराणं देवाणं तिरियमसंखेज्जा भोमेज्जनगरावाससतसहस्सा भवंतीति मक्खातं ते णं भोमेज्जानगरा बाहिं वट्टा अंतो चउरंसा अहे पुक्खरकण्णियासंठाणसंठिता उक्किण्णंतरविउलगंभीरखायपरिहा पागार-ट्टालय-कवाड-तोरण-पडिदुवारदेसभागा जंत-सयग्घि-मुसल-मुसुंढिपरिवारिया अओज्झा सदाजता सदागुत्ता अडयालकोटगरइया अडयालकयवणमाला खेमा सिवा किंकरामदंडोवरक्खिया लाउल्लोइमहिया गोसीस-सरसरत्तचंदणदद्दरदिन्नपंचंगुलितलाउवचितवंदणकलसा वंदणघसुकयतोरणपडि-दुवारदेसभागा आसत्तोसत्तविउलवदृवग्घारिय-मल्ल-दामकलावा पंचवण्णसरससुरभिमुक्कपुप्फपुंजोवयार-कलिया कालागरुजाव असुरकुमाराणं एवं चेव पडिरूवा एत्थ णं वाणमंतराणं देवणं पज्जत्तापज्जत्ताणं ठाणा पन्नत्ता तिस् वि लोगस्स असंखेज्जइभागे तत्थ णं बहवे वाणमंतरा देवा परिवसंति तं जहा- पिसाया भूया जक्खा रक्खसा किन्नरा किंपुरिसा भयगवइणो यमहाकाया गंधव्वगणा य निउणगंधव्व-गीतरइणो अणवणियपणवण्णिय-इसिवाइय-भूयवाइय-कंदित-महाकंदिय-सुहंड-पयगदेवा चंचलचलचव-लचित्तकी-लणदवप्पिया गहिरहसिय-गीय-नच्चणरई
वणमालामेल-मउल-कुंडल-सच्छंदविउव्वियाभरण-चारुभूसणधरा सव्वोउयसुराभिकुसुमसुरइयपलंबसोहंतकंतवियसंताचित्तवणमालरइयवच्छा कामगमा काम-रूवदेहधारी नानाविहण्णरागवरत्थ-चित्तचिल्लगणियंसणा विविहदेसिणेवच्छगहियवेसा पमुइयकंदप्प-कलह-केलिकोलाहलप्पिया हास-बोलबहुला असि-मोग्गर-सत्ति-कुंतहत्था अणेगमणि-रयणविविहनिजुत्तविचित्तचिंधगया सुरूवा महिड्ढीया महज्जुतीया जाव असुरकुमाराण एवं चेव दस दिसाओ उज्जोवेमाणा पभासेमाणा ते णं तत्थ साणं-साणं भोमेज्जगनगरावाससतसहस्साणं साणं-साणं सामाणियसा-हस्सीणं साणं-साणं अग्गमहिसीण साणं-साणं परिसाणं साणं-साणं अणियाणं साणं-साणं अणिया-धिवतीणं साणंसाणं आयरक्खदेवसाहस्सीणं अण्णेसिं च बहूणं बाणमंतराणं देवाण य देवीण य आहेवच्चं पोरेवच्चं जाव विहरति ।
[२१८] कहि णं भंते पिसायाणं देवाणं पज्जत्तापज्जत्ताणं ठाणा पन्नत्ता कहि णं भंते पिसाया देवा परिवसंति गोयमा इमीसे रयणप्पभाए पुढवीए रयणामयस्स कंडस्स जोयणसहस्सबाहल्लस्स उवरिं एगं जोयणसतं ओगाहित्ता हेट्ठा वेगं जोयणसतं वज्जेत्ता मज्झे अट्ठसु जोयणसएसु एत्थ णं पिसायाणं देवाणं तिरियमसंखेज्जा भोमेज्जानगरावाससतसहस्सा भवंतीति मक्खातं ते णं भोमेज्जानगरा बाहिं वा जहा ओहिओ भवणवण्णओ तहा भाणितव्वो जाव पडिरूवा एत्थ णं पिसायाणं देवाणं पज्जत्तापज्जत्ताणं ठाणा पन्नत्ता तिसु वि लोगस्स असंखेज्जइभागे तत्थ णं बहवे पिसाया देवा परिवसंति-महिड्ढिया जहा ओहिया जाव विहरंति कालमहाकाल यत्थ दुवे पिसायइंदा पिसायरायाणोपरिवसंति-महिड्ढिया महज्झुइया जाव विहरंति, कहि णं भंते दाहिणिल्लाणं पिसायाणं देवाणं पज्जत्तापज्जत्ताणं ठाणा पन्नत्ता कहि णं भंते दाहिणिल्ला पिसाया देवा परिवसंति गोयमा जंबुद्दीवे दीवे मंदरस्स पव्वयस्स दाहिणेणं इमीसे रयणप्पभाए पढवीए रयणामयस्स कंडस्स जोयणसहस्स बाहल्लस्स उवरिं एगं जोयणसतं ओगाहित्ता हेढा वेगं जोयणसतं वज्जेत्ता मज्झे अहसु जोयणसहस्सु एत्थ णं दाहिणिल्लाणं पिसायाणं देवाणं तिरियमसंखेज्जा भोमेज्जगनगरावाससतसहस्सा भवंतीति मक्खातं ते णं भोमेज्जगनगरा
बाहिं
पद-२
वट्टा जहा ओहिओ भवणवण्णओ तहा भाणियव्वो जाव पडिरूवा एत्थ णं दाहिणिल्लाणं पिसायाणं देवाणं पज्जत्तापज्जत्ताणं ठाणा पन्नत्ता तिसु वि लोगस्स असंखेज्जइभागे तत्थ णं बहवे दाहिणिल्ला पिसाया
दीपरत्नसागर संशोधितः]
[33]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |