________________
दाहिणिल्लाणं सुवण्णकुमाराणं पज्जत्तापज्जत्ताणं ठाणापन्नत्ता तिसु वि लोगस्स असंखेज्जइभागे एत्थ णं बहवे सुवण्ण-कुमारा देवा परिवसंति वेणुदेवे यत्थ सुवण्णिंदे सुवण्णकुमारराया परिवसइ सेसं जहा नागकुमाराणं, कहि णं भंते उत्तरिल्लाणं सुवण्णकुमाराणं देवाणं पज्जत्तापज्जत्ताणं ठाणा पन्नत्ता कहि णं भंते उत्तरिल्ला सुवण्ण-कुमारादेवा परिवसंति गोयमा इमीसे रयणप्पभाए जाव एत्थ णं उत्तरिल्लाणं सुवण्णकुमाराणं चोत्तीसं भवणावाससतसहस्सा भवंतीति मक्खातं ते णं भवणा बाहिं वट्टा जाव एत्थ णं बहवे उत्तरिल्ला सुवण्णकुमारा देवा परिवसंति-महिड्ढिया जाव विहरंति वेणुदाली यत्थ सुवण्णकुमारिंदे सुवण्णकुमारराया परिवसतिमहिड्ढीए सेसं जहा नागकुमाराणं, एवं जहा सुवण्णकुमाराणं वत्तव्वया भणिता तहा सेसाण वि चोद्दसण्हं इंदाणं भाणितव्वा नवरं-भवणनाणत्तं इंदनाणत्तं वण्णनाणत्तं परिहाणनाणत्तं च इमाहिं गाहाहिं
[२०६] चोवहिँ असुराणं चुलसीती चेव होति नागाणं ।
बावत्तरि सुवण्णेवाउकुमाराण छण्णउई [२०७] दीव-दिसा-उदहीणं विज्जुकुमारिंद-थणिय-मग्गीणं ।
छण्हं पि जुवलयाणं छावत्तरिमो सतसहस्सा । [२०८] चोत्तीसा चोयाला अद्वतीसं चसयसहस्साइं ।
पन्ना चत्तालीसा दाहिणओ होति भवणाई । [२०९] तीसा चत्तालीसा चोत्तीसं चेव सयसहस्साइं ।
छायाला छत्तीसा उत्तरओ हॉति भवणाई । [२१०] चउसट्ठी सट्ठी खलु छच्च सहस्सा उ असुरवज्जाणं ।
सामाणिया उ एए चउग्गुणा आयरक्खा उ । [२११] चमरे धरणे तह वेणुदेव हरिकंत अग्गिसीहे य ।
पुन्ने जलकंते या अमिय विलंबे य घोसे य । [२१२] बलि भूयाणंदे वेणुदालि हरिस्सहे अग्गिमाणव विसिटे ।
जलप्पहेअमियवाहण पभंजणे या महाघोसे । [२१३] काला असुरकुमारा नागा उदही य पंडरादो वि ।
वरकणगणिहसगोरा होंति सवण्णा दिसा थणिया । [२१४] उत्तत्तकणगवण्णा विज्जू अग्गी य हॉति दीवा य । __सामा पियंगुणवण्णा वाउकुमारा मुणेयव्वा । [२१५] असुरेसु होति रत्ता सिलिंधपुप्फप्पभा य नागुदही ।
आसासगवसणधरा होंति सुवण्णा दिसा थणिया । [२१६] नीलाणुरागवसणा विज्जू अग्गी य हॉति दीवा य ।
संझाणुरागवसणा वाउकुमारा मुणेयव्वा । पद-२
[२१७] कहि णं भंते वाणमंतराणं देवाणं पज्जत्तापज्जत्ताणं ठाणा पन्नत्ता कहि णं भंते वाणमंतरा देवा परिवसंति गोयमा इमीसे रयणप्पभाए पुढवीए रयणामयस्स कंडस्स जोयणसहस्सबाहल्लस्स उवरिं एगं जोयणसतं ओगाहित्ता हेढा वि एगं जोयणसतं वज्जेत्ता मज्झे अट्ठसु जोयणसएस
दीपरत्नसागर संशोधितः]
[32]
[१५-पन्नवणा]
