Page Text
________________
कहि णं भंते नागकुमाराणं देवाणं पज्जत्तापज्जत्ताणं ठाणा पन्नत्ता कहि णं भंते नागकुमारा देवा परिवसंति गोयमा इमीसे रयणप्पभाए पुढवीए असीउत्तरजोयणसयसहस्सबाहल्लाए उवरिं एगं जोयणसहस्सं ओगाहित्ता हेट्ठा वेगं जोयणसहस्सं वज्जित्ता मज्झे अट्ठहत्तरे जोयणसयसहस्से एत्थ णं नागकुमाराणं देवाणं पज्जत्तापज्जत्ताणं चुलसीइ भवणावाससयसहस्सा हवंतीति मक्खातं ते णं भवणा बाहिं वट्टा अंतो चउरंसा जाव पडिरूवा तत्थ णं नागकुमाराणं देवाणं पज्जत्तापज्जत्ताणं ठाणा पन्नत्ता तिसु वि लोगस्स असंखेज्जइभागे तत्थ णं बहवे नागकुमारा देवा परिवसंति-महिड्ढीया महाजुतीया सेसं जहा ओहियाणं जाव विहरंति धरण-भूयाणंदा एत्थ दुवे नागकुमारिंदा नागकुमारायाणो परिवसंति-महिड्ढीया सेसं जहा ओहियाणं जाव विहरंति, कहि णं भंते दाहिणिल्लाणं नागकुमाराणं देवाणं पज्जत्तापज्जत्ताणं ठाणा पन्नत्ता, कहि णं भंते दाहिणिल्ला नागकुमारा देवा परिवसंति गोयमा जंबुद्दीवे दीवे मंदरस्स पव्वयस्स दाहिणेणं इमीसे रयणप्पभाए पुढवीए असीउत्तरजोयणसयसहस्सबाहल्लाए उवरिं एगं जोयणसहस्सं ओगाहेत्ता हेढा वेगं जोयणसहस्सं वज्जेत्ता मज्झे अट्ठहत्तरे जोयणसयसहस्से एत्थ णं दाहिणिल्लाणं नागकुमाराणं देवाणं चोयालीसं भवणावाससयसहस्सा भवंतीति मक्खातं ते णं भवणा बाहिं वट्टा अंतो चउरंसा जाव पडिरूवा एत्थ णं दाहिणिल्लाणं नागकुमाराणं देवाणं पज्जत्तापज्जत्ताणं ठाणा पन्नत्ता तिस वि लोगस्स असंखेज्जइभागे एत्थ णं बहवे दाहिणिल्ला नागकुमारा देवा परिवसंतिमहिड्ढीया जाव विहरंति धरणे यत्थ नागकुमारिंदे नागकुमारराया परिवसति-महिड्ढीए जाव पभासेमाणे से णं तत्थ चोयालीसाए भवणावाससयसहस्साणं छण्हं सामाणियसाहस्सीणं तायत्तीसाए तावत्तीसगाणं जाव चउव्वीसाए आयरक्खदेवसाहस्सीणं अण्णेसिं च बहणं दाहिणिल्लाणं नागकुमाराणं देवाण य देवीण य आहेवच्चं पोरेवच्चं कुव्वमाणे विहरति, कहि णं भंते उत्तरिल्लाणं नागकुमाराणं देवाणं पज्जत्तापज्जत्ताणं ठाणा पन्नत्ता कहि णं भंते उत्तरिल्ला नागकुमारा देवा परिवसंति गोयमा जंबुद्दीवे दीवे मंदरस्स पव्वतस्स उत्तरेणं इमीसे रयणप्पभाए पुढवीए असीउत्तर-जोयणसतसहस्सबाहल्लाए उवरिं एगं जोयणसहस्सं ओगाहेत्ता हेट्ठा वेगं जोयणसहस्सं वज्जेत्ता मज्झे अट्ठहत्तरे जोयणसतसहस्से एत्थ णं उत्तरिल्लाणं नागकुमाराणं देवाणं चत्तालीसं भवणावास-सतसहस्सा भवंतीति मक्खातं ते णं भवणा बाहिं वट्टा सेसं जहा दाहिणिल्लाणं जाव विहरंति भूयाणंदे यत्थ नागकुमारिंदे नागकुमारराया परिवसति-महिड्ढीए जावपभासेमाणे से णं तत्थ चत्तालीसाए भवणावाससतसहस्साणं आहेवच्चं जाव विहरंति ।
कहि णं भंते सुवण्णकुमाराणं देवाणं पज्जत्तापज्जत्ताणं ठाणा पन्नत्ता कहि णं भंते सुवण्ण-कुमारा देवा परिवसंति गोयमा इमीसे रयणप्पभए पुढवीए जाव एत्थ णं सुवण्णकुमाराणं देवाणं बावत्तरिं भवणावाससतसहस्सा भवंतीति मक्खातं ते णं भवणा बाहिं वट्टा जाव पडिरूवा तत्थ णं सवण्णकुमाराणं देवाणं पज्जत्तापज्जत्ताणं ठाणा पन्नत्ता तिस् वि लोगस्स असंखेज्जइभा बहवे सुवण्णकुमारा देवा परिवसंति-महिड्ढिया सेसं जहा ओहियाणं विहरंति वेणुदेव-वेणुदाली यत्थ दुवे सुवण्णकुमारिंदा सुवण्णकुमाररायाणो परिवसंति-महिड्ढीया जाव विहरंति कहि णं भंते दाहिणिल्लाणं
सुवण्णकुमाराणं पद-२
पज्जत्तापज्जत्ताणं ठाणा पन्नत्ता, कहि णं भंते दाहिणिल्लाणं सुवण्णकुमारा देवा परिवसंति गोयमा इमीसे रयणप्पभाए जाव मज्झे अट्ठहत्तरे जोयणसतसहस्से एत्थ णं दाहिणिल्लाणं सुवण्णकुमाराणं अद्वतीसं भवणावाससतसहस्सा भवंतीति मक्खातं ते णं भवणा बाहिं वट्टा जाव पडिरूवा एत्थ णं
दीपरत्नसागर संशोधितः]
[31]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |