________________
तणुयरी अंगुलस्स असंखेज्जतिभागं बाहल्लेणं पन्नत्ता ईसीपब्भाराए णं पुढवीए दुवालस
पन्नत्ता तं जहा- ईसीति वा ईसीपब्भाराति वा तणूति वा तणुवणूति वा सिद्धीति वा सिद्धा एति वा मुत्तीइ वा मुत्तालएति वा लोयग्गेइ वा लोयग्गथूभियाति वा लोयग्गपडिवुज्झाइ वा
पद - २
सव्वपाण-भूत-जीव-सत्तसुहावहाइ वा, ईसीपब्भारा णं पुढवी सेता संखदलविमलसोत्थिय- मुणाल- दगरयतुसार-गोक्खीर-हारवण्णा उत्ताणयछत्तसंठाणसंठिता सव्वज्जुणसुवण्णमती अच्छा सण्हा जाव पडिरुवा, ईसीपब्भाराए णं सीताए जोयणम्मि लोगंतो तस्स णं जोयणस्स जेसे उवरिल्ले गाउए तस्स णं गाउयस्स जेसे उवरिल्ले छब्भागे एत्थ णं सिद्धा भगवंतो सादिया अपज्जवसता अमेगजाति-जरा-मरणजोणियसंसारलंकलीभाव-पुणब्भवगब्भवसहीपवंचसमतिक्कंता सासयमणागतद्धं कालं चिट्ठति तत्थ विय तेअवेदा अवेदणा निम्ममा असंगाय संसारविप्पमुक्का पदेसनिव्वत्तसंठाणा ।
[२३६] कहिं पडिहता सिद्धा कहिं सिद्धा पइट्ठिता I कहिं बोंदिं चइत्ताणं कत्थ गंतूण सिज्झई । [२३७] अलोए पडिहता सिद्धा लोयग्गे य पइट्ठिया । इहं बोंदिं चइत्ताणं तत्थ गंतूण सिज्झई । [२३८] दीहं वा हस्सं वा जं चरिमभवे हवेज्ज संठाणं । तत्तो तिभागहीणा सिद्धाणोगाहणा भणिया [२३९] जं संठाणं तु इहं भवं चयंतस्स चरिमसमयम्मि । आसी य पदेसघणं तं संठाणं तहिं तस्स ' [२४०] तिण्णि सया तेत्तीसा धणुत्तिभागो य होति बोधव्वो
I
एसा खलु सिद्धाणं उक्कोसोगाहणा भणिया T [२४१] चत्तारि य रयणीओ रयणितिभागूणिया य बोधव्वा । एसा खलु सिद्धाणं मज्झिम ओगाहणा भणिया । [२४२] एगा य होइ रयणी अट्ठेव य अंगुलाई साहीया । एसा खलु सिद्धाणं जहण्ण ओगाहणा भणिया । [ २४३] ओगाहणाए सिद्धा भव- त्तिभागेण होंति परिहीणा संठाणमणित्थंथं जरा-मरणविप्पमुक्काणं [२४४] जत्थ यए गो सिद्धो तत्थ अनंताभवक्खयविमुक्का । अण्णोण्णसमोगाढा पुट्ठा स्वे वि लोयंते [२४५] फुसइ अनंते सिद्धेसव्वपएसेहिं नियमसो सिद्धो ।
I
ते वि असंखेज्जगुणा देस-पदेसेहिं जे पुट्ठा । [२४६] असरीरा जीवघणा उवउत्ता दंसणे य नाणे य । सागारमणागारं लक्खणमेयं तु सिद्धाणं [२४७] केवलनाणुवउत्ता जाणंती सव्वभावगुण-भावे पासंति सव्वतो खलु केवलदिट्ठीहिंनंताहिं
[40]
[दीपरत्नसागर संशोधितः ]
[१५- पन्नवणा]
