Page Text
________________
[२०४] असुरा नाग सुवण्णा विज्जू अग्गी यदीव उदही य ।
दिसि पवण थणिय नामा दसहा एए भवणवासी । [२०५] चूडामणिमउडरयण-भूसणनागफडगरुलवइर-पुन्नकलसंकिउप्फेस-सीहहयवर-गयअंकमगर-वद्धमाण-निज्जुत्तचित्तचिंधगता सुरूवा महिड्ढीया महज्जुतीया महायसा महब्बला महाणुभागा महासोक्खा हारविराइयवच्छा कडग-तुडियर्थभियभुया अंगद-कुंडल-मट्ठगंड-तल-कण्णपीढधारी विचित्तहत्थाभरणा विचित्तमाला-मउलिमउडा कल्लाणगपवरवत्थपरिहिया कल्लाणगपवरमल्लाणलेवणधरा भासरबोंदी पलंबवणमालधरा दिव्वेणंवण्णेणं दिव्वेणंगंधेणं दिव्वेणं फासेणं दिव्वेणंसंघयणेणं दिव्वेणंसंठाणेणं दिव्वाएडडढीए दिव्वाएजतीए दिव्वाएपभाए दिव्वाएछायाए दिव्वाएअच्चीए दिव्वेणंतेएणं दिव्वाएलेसाए दस दिसाओ उज्जोवेमाणा पभासेमाणा ते णं तत्थ साणं-साणं भवणावाससयसहस्साणं साणं-साणं सामाणियसाहस्सीणं साणं-साणं तावत्तीसाणं साणं-साणं लोगपालाणं साणं-साणं अग्गमहिसीणं साणं-साणं परिसाणं साणं-साणं अणियाणं साणं-साणं अणियाहिवतीणं साणं-साणं आयरुक्खदेवसाहस्सीणं अण्णेसिं च बहूणं भवणवासीणं देवाण य देवीण य आहेवच्चं पोरेवच्चं सामित्तं भट्टित्तं महत्तरगत्तं आणाईसरसेणावच्चं कारेमाणा पालेमाणा महताहत-नट्ट-गीत-वाइत-तंती-तल-ताल-तुडिय-घण-मुइंगपडुप्प-वाइयरवेणं दिव्वाइं भोगभोगाइं भुंजमाणा विहरंति ।
कहि णं भंते असुरकुमाराणं देवाणं पज्जत्तापज्जत्ताणं ठाणा पन्नत्ता कहि णं भंते असुरकुमारा देवा परिवति गोयमा इमीसे रयणप्पभाए पुढवीए असीउत्तरजोयणसतसहस्सबाहल्लाए उवरिं एग जोयणसहस्सं ओगाहित्ता हेट्ठा वेगं जोयणसहस्सं वज्जेत्ता मज्झे हवंतीति मक्खायं ते णं भवणा बाहिं वट्टा अंतो चउरंसा अहे पुक्खरकण्णियासंठाणसंठिता उक्किण्णतरविउलगंभीरखाय-परिहा पागारट्टालयकवाड-तोरण-पडिदुवारदेसभागा जंतसयग्घि-मुसल-मुसुंढिपरिवारिया अओज्झा सदाजया सदागुत्ता अडयालकोढगरइया अडयालकयवणमाला खेमा सिवा किंकरामरदंडोवरक्खिया लाउल्लोइयमहिया गोसीससरसरत्तचंदणददरदिण्णपंचंगुलितला उचितवंदणकलसा वंदणघडसुकयतोरणपडिदुवारदेसभागा आसत्तोसत्तविउलवट्टवग्घारियमल्लदामकलावा पंचवण्मसरससुरभिमुक्कपुप्फपुंजोवयारकलिया कालागरु-पवरकुंदुरुक्कतुरुक्कधूवमघमघेतगंधुघुयाभिरामा सुगंधवरगंधगंधिया गंधवट्टिभूता अच्छरगणसंधसंविगिण्णा दिव्वतुडियसद्दसंपणदिया सव्वरयणामया अच्छा सण्हालण्हा घट्ठा नीरया निम्मला निप्पंका निक्कंडच्छाया सप्पभा सस्सिरीया समिरीया सउज्जोया पासाईया दरिसणिज्जा अभिरुवा पडिरूवा एत्थ णं असुरकुमाराणं देवाणं पज्जत्तापज्जत्ताणं ठाणा पन्नत्ता उववाएणं लोयस्स असंखेजज्इभागे समुग्धाएणं लोयस्स असंखेज्जइभागे सहाणेणं लोयस्स असंखेज्जइभागे तत्थ णं बहवे असुरकुमारा देवा परिवसंति-काला लोहियक्खबिंबोट्ठा धवलपुप्फदंता असियकेसा वामेयकुंडलधरा अद्दचंदणाणुलित्तगत्ता ईसीसिलिंघपुप्फपगासाइं
असंकिलिट्ठाई पद-२
सुहुमाइं वत्थाई पवर परिहिया वयं च पढमं समइक्कंता बिइयं च असंपत्ता भद्दे जोवण्णे वट्टमाणा तलभंगय-तुडित-पवरभूसण-निम्मलमणि-रयणमंडितभुया दसमुद्दामंडियग्गहत्था चूडामणिचित्तचिंधगता सुरूवा महिढिया महज्जुइया महायसा महब्बला महाणुभागा महसोक्खा हारविराइयवच्छा कडयतुडियर्थभियभुया अंगय-कुंडल-मट्ठगंडयलकण्णपीढधारी विचित्तहत्थाभरणा विचित्तमाला-मउली कल्लाणगपवरवत्थपरिहिया कल्लाणगपवरमल्लाणु-लेवणधरा भासुरबोंदी पलंबवणमालधरा दिव्वेणंवण्णेणं [दीपरत्नसागर संशोधितः]
[29]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |