Page Text
________________
तमतमापुढविनेरइयाणं पज्जत्तापज्जत्ताणं ठाणा पन्नत्ता उववाएणं लोयस्स असंखेज्जइभागे जाव सट्ठाणेणं लोयस्स असंखेज्जइभागे तत्थ णं बहवे तमतमापुढविनेरइया परिवसंति काला कालोभासा जाव पच्चणुभवमाणा विहरंति ।
[१९७] आसीतं बत्तीसं अट्ठावीसं च होइ वीसं च ।
अट्ठारस सोलसगं अद्दुत्तरमेव हिडिमिया । [१९८] अद्भुत्तरं च तीसं छव्वीसं चेव सतसहस्सं तु ।
अट्ठारस सोलसगं चोद्दसमहियं तु छट्ठीए । [१९९] अद्धतिवण्णसहस्सा उवरिमऽहे वज्जिऊण तो भणियं ।
मज्झे उ तिसहस्सेसु हाँति नरगा तमतमाए । [२००] तीसा य पन्नवीसा पन्नरसदसेव सयसहस्साइं ।
तिण्णि य पंचूणेगं पंचेव अनुत्तरा नरगा । [२०१] कहि णं भंते पंचिंदियतिरिक्खजोणियाणं पज्जत्ताणं ठाणा पन्नत्ता गोयमा उड्ढलोए तदेक्कदेसभाए अहोलोए तदेक्कदेसभाए तिरियलोए-अगडेसु तलाएसु जाव जलवाणेसु एत्थ णं पंचिंदियतिरिक्खजोणियाणं पज्जत्तापज्जत्ताणं ठाणा पन्नत्ता उववाएणं लोयस्स असंखेज्जइभागे समुग्धाएणं लोयस्स असंखेज्जइभागे सट्ठाणेणं लोयस्स असंखेज्जइभागे ।
[२०२] कहि णं भंते मणुस्साणं पज्जत्तापज्जत्ताणं ठाणा पन्नत्ता गोयमा अंतोमणुस्सखेत्ते पणतालीसाए जोयणसतसहस्सेसु अड्ढाइज्जेसु दीवसमुद्देसु पन्नरससु कम्मभूमीसु तीसाए अकम्मभूमीसु छप्पणाए अंतरदीवेसु एत्थ णं मणुस्साणं पज्जत्तापज्जत्ताणं ठाणा पन्नत्ता उववाएणं लोयस्स असंखेज्जइभागे समुग्धाएणं सव्वलोए सहाणेणं लोयस्स असंकेज्जइभागे ।
[२०३] कहि णं भंते भवणवासीणं देवाणं पज्जत्तापज्जत्ताणं ठाणा पन्नत्ता कहि णं भंते भवणवासी देवा परिवसंति गोयमा इमीसे रयणप्पभाए पुढवीए असीउत्तरजोयणसतसहस्सबाहल्लाए उवरिं एग जोयणसहस्सं ओगाहित्ता हेट्ठा वेगं जोयणसहस्सं वज्जेत्ता मज्झे अट्ठहत्तरे जोयणसतसहस्से एत्थ णं भवणवासीणं देवाणं सत्त भवणकोडीओ बावत्तरिं च भवणावाससतसहस्साभवंतीति मक्खातं ते णं भवणा बाहिं वट्टा अंतो समचउरंसा अहे पुक्खरकण्णियासंठाणसंठिता उक्किण्णतरविउलगंभीरखात-परिहा पागारट्टालय-कवाड-तोरण-पडिदुवारदेसभागा जंतसयग्घि-मुसल-मुसुंढिपरिवारिया अओज्झा सदाजता सदागुत्ता अडयालकोटगरइया अडयालकयवणमाला खेमा सिवा किंकरामदंडोवरक्खिया लाउल्लोइयमहिया गोसीस-सरसत्तचंदणदद्दरदिण्णपंचंगुलितला उवचियवंदणकलसा वंदणघडसुकततोरणपडिदुवारदेसभागा आसत्तोसत्तविउलवडवग्घारियमल्लदामकलावा पंचवण्ण
वियारकलिया कालागरुपवरपद-२
कुंदुरुक्क-तुरुक्क-धूमघमघेतगंधुदुयाभिरामा सुगंध-वरगंध-गंधिय गंधवट्टिभूता अच्छरगण-संघ-संविगिण्णा दिव्वतुडितसद्दसंपणदिता सव्वरयणामयाअच्छा सण्हा लण्हाघट्ठा मट्ठा नीरया निम्मला निप्पंका निक्कंकडच्छाया सप्पहा सस्सिरीया समिरीया सउज्जोया पासादीया दरिसणिज्जा अभिरुवा पडिरूवा एत्थ णं भवणवासीणं देवाणं पज्जत्तापज्जत्ताणं ठाणा पन्नत्ता उववाएणं लोगस्स असंखेज्जइभागे समुग्घाएम लोगस्स असंखेज्जइभागे सट्ठाणेणं लोयस्स असंखेज्जइभागे तत्थ णं बहवे भवणवासी देवा परिवसंति [तं जहा] -
दीपरत्नसागर संशोधितः]
[28]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |