________________ पय-३६ गोयमा सच्चवइजोगं जुजति नो मोसवइजोगं मुंजइ नो सच्चामोसवइजोगं जुजति असच्चामोसवइजोगं पि जंजइ कायजोगं जंजमाणे आगच्चेज्ज वा गच्छेज्ज वा चिटेज्जा वा निसीएज्ज वा तुयडेज्ज वा उल्लंघेज्ज वा पलंघेज्ज वा पाडिहारियं पीढ-फलग-सेज्जा-संथारगं पच्चप्पिणेज्जा / [621] से णं भंते तहासजोगी सिज्झति [बुज्झति मुच्चति परिणिव्वाति सव्वदुक्खाणं] अंतं करेति गोयमा नो इणढे समढे से णं पुव्वामेव सण्णिस्स पंचेंदियस्स पज्जत्तयस्स जहण्णजोगिस्स हेट्ठा असंखेज्जगुणपरिहीणं पढमं मणजोगं निरंभइ तओ अनंतरं च णं बेइंदियस्स पज्जगत्तस्स जहण्मजोगिस्स हेढा असंखेज्जगुणपरिहीणं दोच्चं वइजोगं निरंभति तओ अनंतरं च णं सुहमस्स पणगजीवस्स अपज्जत्तयस्स जहण्मजोगिस्स हेढा असंखेज्जगुणपरिहीणं तच्चं कायजोगं निरंभति से णं एतेणं उवाएणं पढमं मणजोगं निरंभइ निलंभित्ता वइजोगं निरंभति निलंभित्ता कायजोगं निरंभति निरुभित्ता जोगनिरोहं करेति करेत्ता अजोगयं पाउणति पाउणित्ता ईसीहस्सपंचक्खरुच्चारणद्धाए असंखेज्जसमइयं अंतोमुहुत्तियं सेलेसिं पडिवज्जइ पुव्वरइतगुणसेढीयं च णं कम्मं तीसे सेलेसिमद्धाए असंखेज्जाहिं गुणसेढीहिं असंखेज्जे कम्मखंधे खवयति खवइत्ता वेदणिज्जाउय-नाम-गोत्ते इच्चेते चत्तारि कम्मसे जुगवं खवेति खवेत्ता ओरालियतेया-कम्मगाइं सव्वाहिं विप्पजहणाहिं विप्पजहति विप्पजहित्ता उजुसेढीपडिवण्णे अफुसमाणगतीए एगसमएणं उगहेणं उड्ढं गंता सागारोवउत्ते सिज्झति, ते णं तत्थ सिद्धा भवंति-असरीरा जीवघणा दंसण-नाणोवउत्ता निट्ठियट्ठा नीरया निरेयणा वितिमिरा विसुद्धा सासयणागतद्धं कालं चिट्ठति से केणटेणं भंते एवं वच्चति गोयमा से जहानामए-बीयाणं अग्गिदड्ढाणं पुणरवि अंकुरुप्पत्ती न हवइ एवामेव सिद्धाण वि कम्मबीएस पुणरवि जम्मुप्पत्ती न हवती से तेणटेणं गोयमा एवं वुच्चति-ते णं तत्थ सिद्धा भवंति-असरीरा जीवघणा दंसण-नाणोवउत्ता निडियट्ठा नीरया निरेयणा वितिमिरा विसुद्धा सासयमणागयद्धं कालं चिट्ठति / [622] निच्छिण्णसव्वदुक्खा जाति-जरा-मरण-बंधणविमुक्का / सासयमव्वाबाहं चिट्ठति सुही सुहं पत्ता / मुनि दीपरत्नसागरेण संसोधितः संपादितश्च छत्तीसइमं पयं समत्तं * मुनि दीपरत्नसागरेण संशोधितः सम्पादित्तश्च पन्नवणा सूत्तं समत्तं० 15 पन्नवणा - चउत्थं उवंगं समत्तं पण तमलत Proof correction is not done दीपरत्नसागर संशोधितः] [201] [१५-पन्नवणा]
