Page Text
________________
पय-३६
तिसत्तखुत्तो अणुपरियट्टित्ताणं हव्वमागच्छेज्जा से नूणं गोयमा से केवलकप्पे जंबुद्दीवे दीवे तेहिं घाणपोग्गलेहिं फुडे हंता फुडे छउमत्थे णं गोयमा मणूसे तेसिं घणपोग्गलाणं किंचि वण्णेणं वण्णं गंधेणं गंधं रसेणं रसं फासेणं फासं जाणति पासति भगवं, नो इणट्ठे समट्ठे से तेणट्टेणं गोयमा एवं वुच्चतिछउमत्थे णं मणूसे तेसिं निज्जरापोग्गलाणं नो किंचि वण्णेणं वण्णं गंधेणं गंधं रसेणं रसं फासेणं फासं जाणति पासति एसुहुमा णं ते पोग्गला पन्नत्ता समणाउसो सव्वलोगं पि य णं फुसित्ता णं चिट्ठति । [६१५] कम्हा णं भंते केवली समुग्धायं गच्छति गोयमा केवलिस्स चत्तारि कम्मंसा अक्खीणा अवेदिया अणिज्जिण्णा भवंति तं जहा - वेयणिज्जे आउए नामे गोए सव्वबहुप्पएसे से वेदणिज्जे कम्मे भवति सव्वत्थोवे से आउए कम्मे भवति विसमं समं करेति बंधणेहिं ठितीहि य विसमसमीकरणयाए बंधणेहिं ठितीहि य एवं खलु केवली समोहण्णति एवं खलु समुग्धायं गच्छंति सव्वे वि णं भंते केवली समुग्धायं गच्छंति गोयमा नो इणट्ठे समट्ठे ।
[६१६] जस्साउएण तुल्लाइं बंधणेहि ठितीहि य I भवोवग्गहकम्माइं समुग्धायं से न गच्छति I [६१७] अगंतूणं समुग्धायं अनंता केवली जिणा I जरमरणविप्पमुक्का सिद्धिं वरगतिं गता I
[६१८] कतिसमइए णं भंते आउज्जीकरणे पन्नत्ते गोयमा असंखेज्जसमइए अंतोमुहुत्तिए
आउज्जीकरणे पन्नत्ते ।
[६१९] कतिसमइए णं भंते केवलिसमुग्धाए पन्नत्ते गोयमा अट्ठसमइए पन्नत्ते तं जहापढमे समए दंड करेति बिइए समए कवाडं करेति ततिए समए मंथ करेति चउत्थे समए लोगं पूरेइ पंचमे समए लोग पडिसाहरति छट्ठे समए मथं पडिसाहरेति सत्तमे समए कवाडं पडिसाहरति अट्ठमे अमए दंड पडिसाहरति पडिसाहरित्ता ततो पच्छा सरीरत्थे भवति, से णं भंते तहासमुग्धायगते किं मण जोगं जुंजति वइजोगं जुंजति कायजोगं जुंजति गोयमा नो मणजोगं जुंजइ नो वइजोगं जुंजइ कायजोगं जुंजति कायजोगण्णं भंते जुंजमाणे किं ओरालियसरीरकायजोगं जुंजति ओरालियमीसासरीरकायजोगं जुंजति किं वेउव्वियसरीरकायजोगं जुंजति वेउव्वियमीसासरीरकायजोगं जुजंति किं आहारगसरीरकायजोगं जुंजइ आहारगमीसासरीरकायजोगं जुंजति कि कम्मगसरीरकायजोगं जुंजइ गोयमा ओरालियसरीरकायजोगं पि जुंजति ओरालियमीसासरीरकायजोगं पि जुंजति नो वेउव्वियसरीरकायजोगं जुंजति नो वेउव्वियमीसासरीरकायजोगं जुंजति नो आहारगसरीरकायजोगं जुंजति नो आहारगमीसासरीरकायजोगं जुंजति कम्गसरीरकायजोगं पि जुंजति पुढमट्ठमेसु समएस ओरालियसरीरकायजोगं जुंजति बितिय छट्ठ-सत्तमेसु समेसु ओरालियमीसगसरीकायजोगं जुंजति ततिय चउत्थ-पंचमेसुसमएसुकम्मगसरीरकायजोगं जुंजति ।
[६२०] से णं भंते तहासमुग्धायगते सिज्झइ बुज्झइ मुच्चइ परिणिव्वाइ सव्वदुक्खाणं अंतं करेइ गोयमा नो इणट्ठे समट्ठे से णं तओ पडिनियत्तति पडिनियत्तित्ता ततो पच्छा मणजोगं पि जुंजति वइजोगं पि जुंजति कायजोगं पि जुंजति मणजोगण्णं जुंजमाणे किं सच्चमणजोगं जुंजति मोसमणजोगं जुंजति सच्चामोसमणजोगं जुंजति असच्चामोसमणजोगं जुंजति गोयमा सच्चमणजोगं जुंजति नो मोसमणजोगं जुंजति नो सच्चामोसमणजोगं जुंजति असच्चामोससमणजोगं पि जुंजइ वइजोगं जुंजमाणे किं सच्चवइजोगं जुजंति मोसवइजोगं जुंजति सच्चामोसवइजोगं जुजंति असच्चामोसवइजोगं जुंजति [दीपरत्नसागर संशोधितः ]
[१५- पन्नवणा]
[200]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |