Page Text
________________
[६१३] जीवे णं भंते वेठव्वियसमग्घाएणं समोहए समोहणित्ता जे पोग्गले निच्छुभति तेहि णं भंते पोग्गलेहिं केवतिए खेत्ते अफुण्णे केवतिए खेत्ते फुडे गोयमा सरीरप्पमाणमेत्ते विक्खंभबाहल्लेणं आयामेणं जहन्नेणं अंगुलस्स असंखेज्जतिभागं उक्कोसेणं संखेज्जाइं जोयणाइं एगदिसिं विदिसिं वा एवतिए खेत्ते अफण्णे एवतिए खेत्ते फुडे से णं भंते खेत्ते केवतिकालस्स अफण्णे केवतिकालस्स फुडे गोयमा एगसमइएण वा दुसमइएण वा तिसमइएण वा विग्गहेण एवतिकालस्स अफुण्णे एवतिकालस्स फुडे सेसं तं चेव जाव पंचकिरिया वि एवं नेरइए वि नवरं-आयामेणं जहण्णेणं अंगुलस्स संखेज्जइभागं उक्कोसेणं संखेज्जाइं जोयणाई एगदिसिं एवतिए खेत्ते केवतिकालस्स तं चेव जहा- जीवपए एवं जहानेरइयस्स तहा असुरकुमारस्स नवरं-एगदिसिं पंचेंदियतिरिक्खजोणियस्स निरवसेसं जहा- नेरयस्स मणसवाणमंतर-जोतिसिय-वेमाणियस्स निरवसेसं जहा- असुरकुमारस्स जीवे णं भंते तेयगसमुग्धाएणं समोहए समोहणित्ता जे पोग्गले निच्छुभइ तेहि णं भंते पोग्गलेहिं केवतिए खेत्ते अफुण्णे एवं जहेव वेउव्वियसमुग्धाए तहेव नवरं-आयामेणं जहण्णेणं अंगुलस्स संखेज्जतिभागं सेसं ते चेव एवं जाव वेमाणियस्स नवरं-पंचेंदियतिरिक्खजोणियस्स एगदिसिं एवतिए खेत्ते अफुण्णे जीवे णं भंते आहारसमुग्घाएणं समोहए समोहणित्ता जे पोग्गले निच्छुभइ तेहि णं भंते पोग्गलेहिं केवतिए खेत्ते अफण्णे केवतिए खेत्ते फुडे गोयमा सरीरपमाणमेत्ते विक्खंभ-बाहल्लेणं आयामेणं जहण्णेणं अंगुलस्स संखेज्जतिभागं उक्कोसेणं संखेज्जाइं जोयणाइं एगदिसिं एवइए खेत्ते अफुण्णे एवइए खेत्ते फुडे, से णं भंते केवइकालस्स अफुण्णे केवइकालस्स फुडे गोयमा एगसमइएणं वा दुसमइएण वा तिसमइएण वा विग्गहेण एवतिकालस्स अफण्णे एवतिकालस्स फूडे ते णं भंते पोग्गला केवतिकालस्स निच्छभति गोयमा जहण्णेणं वि उक्कोसेणं वि अंतोमुत्तस्स ते णं भंते पोग्गला निच्छूढा समाणा जाई तत्थ पाणाइं भूयाई जीवाइं सत्ताई अभिहणंति जाव उद्दति तओ णं भंते जीवे कतिकिरिए गोयमा सिय तिकिरिए सिय चउकिरिए सिय पंचकिरिए ते णं भंते जीवा तातो जीवाओ कतिकिरिए गोयमा सिय तिकिरिए सिय चउकिरिए सिय पंचकिरिए ते णं भंते जीवा तातो जीवाओ कतिकिरिया गोयमा एवं चेव से णं भंते जीवे ते य जीवा अन्नेसिं जीवाणं परंपराघाएणं कतिकिरिया गोयमा तिकिरिया वि चउकिरिया वि पंचकिरिया वि एवं मणूसे वि ।
[६१४] अणगारस्स णं भंते भावियप्पणो केवलिसमग्घाएणं समोहयस्स जे चरिमा निज्जरापोग्गला सुहमा णं ते पोग्गला पन्नत्ता समाणाउसो सव्वलोगं पि य णं ते फुसिता णं चिट्ठति हंता गोयमा अणगारस्स भावियप्पणो केवलिसमुग्घाएणं समोहयस्स जे चरिमा निज्जरापोग्गला सुहमा णं ते पोग्गला पन्नत्ता समणाउसो सव्वलोगं पि य णं ते फुसित्ता णं चिट्ठति छउमत्थे णं भंते मणूसे तेसिं निज्जरापोग्गलाणं किंचि वण्णेणं वण्णं गंधेणं गंधं रसेणं रसं फासेण वा फासं जाणति पासति गोयमा नो इणढे समढे से केणटेणं भंते एवं वुच्चति० गोयमा अयण्णं जंबुद्दीवे दीवे सव्वदीव-समद्दाणं सव्वब्भं-तराए सव्वखुड्डाए वट्टे तेल्ला-पूयसंठाणसंठिए वट्टे रहचक्कवालसंठाणसंठिए वट्टे पक्खरसक वट्टे पडिपन्नचंदसंठाणसंठिए एगं जोयणसयसहस्सं आयाम-विक्खंभेणं तिण्णि य जोयण-सयसहस्साई सोलस य सहस्साइं दोण्णि य सत्तावीसे जोयणसते तिण्णि य कोसे अट्ठावीसं च धणुसत्तं तेरस य अंगुलाई अद्धंगुलं च किंचि विसेसाहिए परिक्खवेवेणं पन्नत्ते, देवे णं महिड्ढीए महज्जुतीए महायसे महब्बले महाणुभागे महासोक्खे एगं महं सविलेवणं गंधसमुग्गयं गहाय तं अवदालेति तं महं एगं सविलेवणं गंधसमुग्गयं अवदालेत्ता इणामेव कट्ट केवलकप्पं जंबुद्दीवं दीवं तिहिं अच्छराणिवातेहिं
दीपरत्नसागर संशोधितः]
[199]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |