Page Text
________________
मानसमुग्घाएणं समोहया कोहसमुग्घाएणं समोहया विसेसाहिया मायासमुग्घाएणं समोहया विसेसाहिया लोभसमुग्घाएणं समोहया विसेसाहिया असमोहया संखेज्जगुणा एवं जाव पंचेंदियतिरिक्खजोणिया मणुस्सा जहा- जीवा नवरं-मानसमग्घाएणं समोहया असंखेज्जगुणा ।
[६११] कति णं भंते छाउमत्थिया समग्घाया पन्नत्ता गोयमा छ छाउमत्थिया समग्घाया पन्नत्ता तं जहा- वेदणासमुग्घाए कसायसमुग्घाए मारणंतियसमुग्घाए वेउव्वियसमुग्घाए तेयगसमुग्घाए आहारगसमुग्घाए नेरइयाणं भंते कति छाउमत्थिया समुग्घाया पन्नत्ता गोयमा चत्तारि छाउमत्थिया समुग्घाया पन्नत्ता तं जहा- वेदणासमुग्घाए कसायसमुग्घाए मारणंतियसमग्घाए वेउव्वियसमुग्घाए असुरकुमाराणं पुच्छा गोयमा पंच छाउमत्थिया समुग्घाया पन्नत्ता तं जहा- वेदणासमुग्घाए जाव तेयगसमुग्घाए एगिदिय-विगलिंदियाणं पुच्छा गोयमा तिण्णि छाउमत्थिया समुग्घाया पन्नत्ता तं जहावेदणासमुग्घाए कसायसमुग्घाए मारणंतियसमुग्घाए नवरं-वाउक्काइयाणं चत्तारि समुग्घाया पन्नत्ता तं जहा- वेदणास-मुग्घाए जाव वेउव्वियसमुग्घाए पंचेंदियतिरिक्खजोणियाणं पुच्छा गोयमा पंच समुग्घाया पन्नत्ता तं जहा- वेदणासमुग्घाए जाव तेयगसमुग्घाए मणूसाणं भंते कति छाउमत्थिया समुग्घाया पन्नत्ता गोयमा छ छाउमत्थिया समग्घाया पन्नत्ता तं जहा- वेदणासमुग्घाए जा आहारगसमग्घाए ।
[६१२] जीवे णं भंते वेदणासमुग्घाए समोहए समोहणित्ता जे पोग्गले निच्छुभति तेहि णं भंते पोग्गलेहिं केवतिए खेत्ते अफुण्णे केवतिए खेत्ते फुडे गोयमा सरीरपमाणमेत्ते विक्खंभ-बाहल्लेणं नियमा छद्दिसिं एवइए खेत्ते अफुण्णे एवइए खेत्ते फुडे से णं भंते खेत्ते केवइकालस्स अफुण्णे केवइकालस्स फुडे गोयमा एगसमइएणं वा दुसमइएण वा तिसमइएण वा विग्गहेण वा एवइकालस्स अफुण्णे एवइकालस्स फुडे ते णं भंते पोग्गला केवइकालस्स निच्छुभति गोयमा जहण्णेणं अंतोमुत्तस्स उक्कोसेणं वि अंतोमहत्तस्स ते णं भंते पोग्गला निच्छुढा समाण जाई तत्थ पाणाई भूयाणं जीवाई सत्ताइं अभिहणंति वत्तेति लेसेंति संघाएतिं संघर्टेति परियाति किलावेंति उद्दवेंति तेहिंतो णं भंते से जीवे कतिकिरिए गोयमा सिय तिकिरिए सिय चउकिरिए सिय पंचकिरिए ते णं भंते जीवाओ कतिकिरिया गोयमा सिय तिकिरिया सिय चउकिरिया सिय पंचकिरिया से णं भंते जीवे ते य जीवा अण्णेसिं जीवाणं परंपराघाएणं कतिकिरिया गोयमा तिकिरिया वि चउकिरिया वि पंचकिरिया वि नेरइए णं भंते वेदणासमुग्घाएणं समोहए एवं जहेव जीवे नवरं-नेरइयाभिलावो एवं निरवसेसं जाव वेमाणिए एवं कसायसमग्घातो वि भाणियव्वो जीवे णं भंते मारणंतियसमुग्घाएणं समोहए समोहणित्ता जे पोग्गले निच्छुभति तेहिं णं भंते पोग्गलेहिं केवतिए खेत्ते अफुण्णे केवतिए खेत्ते फुडे गोयमा सरीरपमाणमेत्ते विक्खंभ-बाहल्लेणं आयामेणं जहन्नेणं अंगुलस्स असंखेज्जतिभागं उक्कोसेणं असंखेज्जाइं जोयणाई एगदिसि एवइए खेत्ते अफुण्णे एवतिए खेत्ते फुडे से णं भंते खेत्ते केवतिकालस्स फुडे गोयमा एगसमइएण वा दसमइएण वा तिसमइएण वा चउसमइएणवा विग्गहेणं एवतिकालस्स अफण्णे एवतिकालस्स फुडे सेसं तं चेव जाव पंचकिरिया एवं नेरइए वि नवरं-आयमेणं जहण्णेणं सातिरेगं जोयणसहस्सं उक्कोसेणं असंखेज्जाइं जोयणाइं एगदिसिं एवतिए खेत्ते अफुण्णे एवतिए खेत्ते फुडे विग्गहेणं एगसमइएण वा दुसमइएण वा तिसमइएण वा नवरं-चउसमइएण न भन्नति सेसं तं चेव जाव पंचकिरिया वि, असुरकुमारस्स जहा- जीवपए नवरं-विग्गहो तिसमइओ जहा- नेरयस्स सेसं तं चेव जहाअसुरकुमारे एवं जाव वेमाणिए नवरं-एगिदिए जहा- जीवे निरवसेसं | पय-३६
दीपरत्नसागर संशोधितः]
[198]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |