Page Text
________________
[६०४] एगमेगस्स णं भंते नेरइयस्स नेरइयत्ते केवतिया कसायसमग्घाया अतीता गोयमा अनंता केवतिया पुरेक्खडा गोयमा कस्सइ अत्थि कस्सइ नत्थि जस्सत्थि एगुत्तरिया जाव अनंता एगमेगस्स णं भंते नेरइयस्स असुरकुमारत्ते केवतिया कसायसमुग्घाया अतीता गोयमा अनंता केवतिया पुरेक्खडा गोयमा कस्सइ अत्थि कस्सइ नत्थि जस्सत्थि सिय संखेज्जा सिय अनंता एवं जाव नेरइयस्स थणियकुमारत्ते पुढविकाइयत्ते एगुत्तरिया नेयव्वं एवं जाव मणूसत्ते वाणमंतरत्ते जहा- असुरकुमारत्ते जोतिसियत्ते अतीता अनंता पुरेक्खडा कस्सइ अत्थि कस्सइ नत्थि जस्सत्थि सिय असंखेज्जा सिय अनंता एवं वेमाणियत्ते वि सिय असंखेज्जा सिय अनंता असुरकुमारस्स नेरइयत्ते अतीता अनंता परेक्खडा कस्सह अत्थि कस्सइ नत्थि जस्सत्थि सिय संखेज्जा सिय असंखेज्जा सिय अनंता असुरकुमारस्स असुरकुमारत्ते अतीता अनंता पुरेक्खडा एगुत्तरिया एवं नागकुमारत्ते निरंतरं जाव वेमाणियत्ते जहा- नेरइयस्स भणियं तहेव भाणियव्वं एवं जाव थणियकुमारस्स वि जाव वेमाणियत्ते नवरं-सव्वेसिं सट्टाणे एगुत्तरिए परहाणे जहेव असुरकुमारस्स पुढविक्काइयस्स नेरइयत्ते जाव थणियकुमारत्ते अतीता अनंता पुरेक्खडा कस्सइ अत्थि कस्सइ नत्थि जस्सत्थि सिय संखेज्जा सिय असंखेज्जा सिय अनंता पुढविक्काइयस्स पुढविक्काइयत्ते जाव मणूसत्ते अतीता अनंता पुरेक्खडा कस्सइ अत्थि कस्सइ नत्थि जस्सत्थि एगुत्तरिया वाणमंतरत्ते जहा- नेरइयत्ते जोतिसिय-वेमाणियत्ते अतीता अनंता पुरेक्खडा कस्सइ अत्थि कस्सइ नत्थि जस्सत्थि सिय असंखेज्जा सिय अनंता एवं जाव मणूसे वि नेयव्वं वाणमंतर-जोतिसिय-वेमाणिया जहा- असुरकुमारे नवरं-सट्ठाणे एगुत्तरियाए भाणियव्वा जाव वेमाणियस्स वेमाणियत्ते एवं एते चउवीसं चउवीसा दंडगा ।
___ [६०५] मारणंतियसमुग्घाओ सट्टाणे वि परहाणे वि एगुत्तरियाए नेयव्वो जाव वेमाणियस्स वेमाणियत्ते एवमेते चउवीसं चउवीसा दंडगा भाणियव्वा वेउव्वियसमुग्घाओ जहा- कसायसमुग्घाओ तहा निरवसेसो भाणियव्वो नवरं-जस्स नत्थि तस्स न वच्चति एत्थ वि चउवीसं चउवीसा दंडगा भाणियव्वा तेयगसमुग्घाओ जहा- मारणंतियसमुग्घाओ नवरं-जस्स अत्थि एवं एते वि चउवीसं चउवीसा दंडगा भाणियव् एगमेगस्स णं भंते नेरइयस्स नेरइयत्ते केवतिया आहारगसमुग्घाया अतीता गोयमा नत्थि केवतिया परेक्खडा गोयमा नत्थि एवं जाव वेमाणियत्ते नवरं-मणसत्ते अतीता कस्सइ अत्थि कस्सइ नत्थि जस्सत्थि जहण्णेणं एक्को वा दो वा उक्कोसेणं चत्तारि एवं सव्वजीवाणं मणूसेसु भाणियव्वं
गृसत्ते अतीता कस्सइ अत्थि कस्सइ नत्थि जस्सत्थि जहण्णेणं एक्को वा दो तिणि वा उक्कोसेणं चत्तारि एवं पुरेक्खडा वि एवमेते चउवीसं चउवीसा दंडगा जाव वेमाणियस्स वेमाणियत्ते एगमेगस्स णं भंते नेरइयस्स नेरइयत्ते केवतियाकेवलिसमुग्घाया अतीता गोयमा नत्थि केवतिया पुरेक्खडा गोयमा नत्थि एवं जाव वेमाणियत्ते नवरं-मणूसत्ते अतीता नत्थि पुरेक्खडा कस्सइ अत्थि कस्सइ नत्थि जस्सत्थि एक्को एवं पुरेक्खडा वि एवमेते चउवीसं चउवीसा दंडगा |
[६०६] नेरइयाणं भंते नेरइयत्ते केवतिया वेदणासमुग्घाया अतीता गोयमा अनंता केवतिया परेक्खडा गोयमा अनंता एवं जाव वेमाणियत्ते एवं सव्वजीवाणं भाणियव्वं जाव वेमाणियाणं वेमाणियत्ते
एवं
पय-३६
जाव तेयगसमुग्घाओ नवरं-उवउज्जिऊणं नेयव्वं जस्सत्थि वेउव्वियतेयगा, नेरइयाणं भंते नेरइयत्ते केवतिया आहारगसमुग्घाता अतीता गोयमा नत्थि केवतिया रेक्खडा गोयमा नत्थि एवं जाव वेमाणियत्ते
[दीपरत्नसागर संशोधितः]
[195]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |