Page Text
________________
नवरं-मणूसत्ते अतीता असंखेज्जा पुरेक्खडा असंखेज्जा एवं जाव वेमाणियाणं नवरं वणस्सइकाइयाणं मणूस अतीता अनंता पुरेक्खडा अनंता मणूसाणं मणूसत्ते अतीता सिय संखेज्जा सिय असंखेज्जा एवं पुरेक्खडा वि सेसा सव्वे जहा- नेरइया एवं एते चउव्वीसं चउव्वीसा दंडगा नेरइयाणं भंते नेरइयत्ते केवतिया केवलिसमुग्घाया अतीता गोयमा नत्थि केवतिया पुरेक्खडा गोयमा नत्थि एवं जाव वेमाणियत्ते नवरं मणूसत्ते अतीता नत्थि पुरेक्खडा असंखेज्जा एवं जाव वेमाणिया नवरं वणप्फइकाइयाणं मणूसत्ते अतीता नत्थि पुरेक्खडा अनंता मणूसाणं मणूसत्ते अतीता सिय अत्थि सिय नत्थि जदि अत्थि जहणेणं एक्को वा दो वा तिण्णि वा उक्कोसेणं सतपुहत्तं केवतिया पुरेक्खडा गोयमा सिय संखेज्जा सि असंखेज्जा एवं एते चउव्वीसं चउव्वीसा दंडगा सव्वे पुच्छाए भाणियव्वा जाव वेमाणियाणं वेमाणियत्ते । [६०७] एतेसि णं भंते जीवाणं वेयणासमुग्धाए णं कसायसमुग्धाएणं मारणंतियसमुग्धाणं वेउव्वियसमुग्धाएणं तेयगसमुग्धाएणं केवलिसमुग्धाएणं समोहयाणं असमोहयाण य कतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा जीवा आहारसमुग्धाएणं समोहया केवलिसमुग्घाणं समोहया संखेज्जगुणा तेयगसमुग्धाएणं समोहया असंखेज्जगुणा वेउव्वियसमुग्धाएणं समोहया विसेसाहिया असमोहया असंखेज्जगुणा ।
[६०८] एतेसि णं भंते नेरइयाणं असमोहयाण य कतरे कतरेहिंतो मारणंतियसमुग्धाएणं वेउव्वियसमुग्घाएणं समोहयाणं असमोहयाण य कतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा नेरइया मारणंतिसमुग्धाएणं समोहया वेउव्वियसमुग्धाएणं समोहया संखेज्जगुणा कसाय समुग्धाएणं समोहयासंखेज्जगुणा वेदणा समुग्धाएणं समोहया संखेज्जगुणा असमोहया संखेज्जगुणा एतेसि णं भंते असुरकुमाराणं वेदणासमुग्धाएणं कसायसमुग्धाएणं मारणंतियसमुग्धाणं वेउव्वियसमग्घाएणं तेयगसमुग्घाएणं समोहयाणं असमोहयाण य कतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा असुरकुमारा तेयगसमुग्धाएणं समोहया मारणंतियसमुग्धाएणं समोहया असंखेज्जगुणा वेयणा-समुग्धाएणं समोहया असंखेज्जगुणा कसायसमुग्धाएणं समोहया संखेज्जगुणा वेउव्वियसमुग्घाएणं समोहया संखेज्जगुणा असमोहया असंखेज्जगुणा एवं जाव थणियकुमारा एतेसिं णं भंते पुढविक्काइयाणं वेदणासमुग्धाएणं कसायसमुग्धाएणं मारणंतियसमुग्धाएणं समोहयाणं असमोहयाण य कयरे कयरेहिंतो अप्पा वा० गोयमा सव्वत्थोवा पुढविक्काइया मारणंतियसमुग्धाएणं समोहया कसायसमुग्धाएणं समोहया संखेज्जगुणा वेदणासमुग्धाएणं समोहया विसेसाहिया असमोहया असंखेज्जगुणा एवं जाव वणप्फइकाइया नवरं सव्वत्थोवा वाउक्काइया वेउव्वियसमुग्धाएणं समोहया मारणंतियसमुग्धाणं समोहया असंखेज्जगुणा कसायसमुग्धाएमं समोहया संखेज्जगुणा वेदणासमुग्धाएणं समोहया विसेसाहिया असमोहया असंखेज्जगुणा बेइंदियाणं भंते वेयणासमुग्धाएमं कसायसमुग्धाएणं मारणंतियसमुग्घाएमं समोहयाणं असमोहयाण य कतरे कतरेहिंतो अप्पा० गोयमा सव्वत्थोवा बेइंदिया मारणंतियसमुग्घाणं समोहया वेदणासमुग्घाएणं समोहया असंखेज्जगुणा कसायसमुग्घाएणं समोहया संखेज्जगुणा असमोहया संखेज्जगुणा एवं जाव चउरिंदिया पंचेंदियतिरिक्खजोणियाणं भंते वेदणासमुग्धाएणं कसायसमुग्धाएणं मारणंतियसमुग्धाएणं वेउव्वियसमुग्धाएणं तेयासमुग्धाएमं समोहयाणं असमोहयाण य कतरे कतरेहिंतो
पय-३६
अप्पा वा० गोयमा सव्वत्थोवा पंचेंदियतिरिक्खजोणिया तेयासमुग्धाएणं समोहया वेउव्वियसमुग्धाएणं समोहया असंखेज्जगुणा मारणंतियसमुग्धाएमं समोहया असंखेज्जगुणा वेदणासमुग्धाएमं समोहया असं[दीपरत्नसागर संशोधितः ]
[196]
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |