Page Text
________________
[६०१] एगमेगस्स णं भंते नेरइयस्स केवतिया वेदणासमग्घाया अतीता गोयमा अनंता केवतिया पुरेक्खडा गोयमा कस्सइ अत्थि कस्सइ नत्थि जस्सत्थि जहन्नेणं एक्को वा दो वा तिण्णि वा उक्कोसेणं संखेज्जा वा असंखेज्जा वा अनंता वा एवं असुरकुमारस्स वि निरंतरं जाव वेमाणियस्स एवं जाव तेयगसमग्घाए एवं एते पंच चवीसा दंडगा एगमेगस्स णं भंते नेरइयस्स केवतिया आहारगसमुग्घाया अतीता गोयमा कस्सइ अत्थि कस्सइ नत्थि जस्सत्थि जहण्णेणं एक्को वा दो वा उक्कोसेणं तिण्णि केवतिया रेक्खडा कस्सइ अत्थि कस्सइ नत्थि जस्सत्थि जहण्णेणं एक्को वा दो वा तिण्णि वा उक्कोसेणं चत्तारि एवं निरंतरं जा वेमाणियस्स नवरं-एगमेगस्स णं भंते [मणूसस्स केवतिया आहारगसमुग्घाया अतीता गोयमा कस्सइ अत्थि कस्सइ नत्थि जस्सत्थि जहण्णेणं एक्को वा दो वा तिण्णि वा उक्कोसेणं चत्तारि केवतिया पुरेक्खडा कस्सइ अत्थि कस्सइ नत्थि जस्सत्थि जहण्णेणं एक्को वा दो वा तिण्णि वा उक्कोसेणं चत्तारि] एगमेगस्स णं भंते नेरइयस्स केवतिया केवलिसमुग्घया अतीता गोयमा नत्थि केवतिया पुरेक्खडा गोयमा कस्सइ अत्थि कस्सइ नत्थि जस्सत्थि एक्को एवं जाव वेमाणियस्स नवरं-मणूसस्स अतीता कस्सइ अत्थि कस्सइ नत्थि जस्सत्थि एक्को एवं पुरेक्खडा वि ।
[६०२] नेरइयाणं भंते केवतिया वेदणासमग्घाया अतीता गोयमा अनंता केवतिया परेक्खडा गोयमा अनंता एवं जाव वेमाणियाणं एवं जाव तेयगसमुग्घाए एवं एते वि पंच चउवीसा दंडगा नेरइयाणं भंते केवतिया आहारगसमग्घाया अतीता गोयमा असंखेज्जा केवतिया पुरेक्खडा गोयमा असंखेज्जा एवं जाव वेमाणियाणं नवरं-वणप्फइकाइयाणं मणूसाण य इमं नाणत्तं-वणप्फइकाइयाणं भंते केवतिया आहारगसमग्घाया अतीता गोयमा अनंता मणूसाणं भंते केवतिया आहारगसमग्घाया अतीता गोयमा सिय संखेज्जा सिय असंखेज्जा एवं पुरेक्खडा वि नेरइयाणं भंते पुच्छा केवलिसमुग्घाया नत्थि केवतिया पुरेक्खडा गोयमा असंखेज्जा एवं जाव वेमाणियाणं नवरं-वणप्फइकाइय-मणूसेसु इमं नाणत्तं,-वणप्फइकाइयाणं भंते केवतिया केवलिसमुग्घाया अतीता गोयमा नत्थि केवतिया पुरेक्खडा गोयमा अनंता मणूसाणं भंते केवतिया केवलियसमग्घाया अतीता गोयमा सिय अत्थि सिय नत्थि जदि अत्थि जहण्णेणं एक्को वा दो वा तिण्णि वा उक्कोसेमं सतपुहत्तं केवतिया पुरेक्खडा गोयमा सियं संखेज्जा सिय असंखेज्जा |
[६०३] एगमेगस्स णं भंते नेरइयस्स नेरइयत्ते केवतिया वेदणासमुग्गाया अतीता गोयमा अनंता केवतिया पुरेक्खडा गोयमा कस्सइ अत्थि कस्सइ नत्थि जस्सत्थि जहण्णेणं एक्को वा दो वा तिण्णि वा उक्कोसेणं संखेज्जा वा असंखेज्जा वा अनंता वा एवं असुरकुमारत्ते जाव वेमाणियत्ते एगमेगस्स णं भंते असुरकुमारस्स नेरइयत्ते केवतिया वेदणासमुग्घाया अतीता गोयमा अनंता केवतिया पुरेक्खडा गोयमा कस्सइ अत्थि कस्सइ नत्थि जस्सत्थि तस्स सिय संखेज्जा सिय असंखेज्जा सिय अनंता एगमेगस्स णं भंते असुरकुमारस्स असुरकुमारत्ते केवतिया वेदणासमुग्घाया अतीता गोयमा अनंता केवतिया पय-३६
पुरेक्खडा गोयमा कस्सइ अत्थि कस्सइ नत्थि जस्सत्थि जहण्णेणं एक्को वा दो वा तिण्णि वा उक्कोसेणं संखेज्जा वा असंखेज्जा वा अनंता वा एवं नागकुमारत्ते वि जाव वेमाणियत्ते एवं जहा- वेदणासमुग्घाएणं असुरकुमारे नेरइयादिवेमाणियपज्जवसाणेसु भणिए तहा नागकुमारादीया अवसेसेसु सट्ठाण-परहाणेसु भाणियव्वा जाव वेमाणियस्स वेमाणियत्ते एवमेते चउव्वीसं चउव्वीसा दंडगा भवंति ।
दीपरत्नसागर संशोधितः]
[194]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |