Page Text
________________
वेदणं वेदेति ओवक्कमियं वेदणं वेदेति एवं जाव चउरिंदिया पंचेंदियतिरिक्खजोणिया मणूसा य दुविहं पि वेदणं वेदेति वाणमंतर-जोइसिय-वेमाणिया जहा- नेरइया ।
[५९८] कतिविहा णं भंते वेदणा पन्नत्ता गोयमा दुविहा वेदणा पन्नत्ता तं जहा- निदा य अणिदा य नेरइया णं० गोयमा निदायं पि वेदणं अणिदायं पि वेदणं वेदेति से केणटेणं भंते एवं वुच्चति. गोयमा नेरइया दुविहा पन्नत्ता तं जहा- सण्णिभूया य असण्णि भूया य तत्थ णं जेते सण्णिभूया ते णं निदायं वेदणं वेदेति तत्थ णं जेते असण्णिभया ते णं अनिदायं वेदणं वेदेति से तेणद्वेणं गोयमा एवं वुच्चति-नेरइया निदायं पि वेदणं वेदेति अणिदायं पि वेदणं वेदेति एवं जाव थणियकुमारा पुढविक्काइयाणं पच्छा गोयमा नो निदायं वेदणं वेदेति अणिदायं वेदणं वेदेति से केणदेणं भंते एवं वच्चति० गोयमा पुढविक्काइया सव्वे असण्णी असण्णिभूतं अणिदायं वेदणं वेदेति से तेणटेणं गोयमा एवं वुच्चति०पुढविक्काइया नो निदायं वेदणं वेदेति अणिदायं वेदणं वेदेति एवं जाव चरिंदिया पंचेंदियतिरिक्खजोणिया मणूसा वाणमंतरा जहा- नेरइया जोइसियाणं पुच्छा गोयमा निदायं पि वेदणं वेदेंति अणिदायं पि वेदणं वेदेति से केणटेणं भंते एवं वुच्चति० गोयमा जोतिसिया दुविहा पन्नत्ता तं जहामाइमिच्छदिद्विउववण्णगा य अमाइसम्मदिट्ठिउववण्णगा य तत्थ णं जेते माइमिच्छद्दिट्ठीउव-वण्णगा ते णं अणिदायं वेदणं वेदेति तत्थ णं जेते अमाइसम्मद्दिट्ठीउववण्णगा ते णं निदायं वेदणं वेदेति से तेणद्वेमं गोयमा एवं वच्चति-जोतिसि विहं पि वेदणं वेदेति एवं वेमाणिया वि । मुनि दीपरत्नसागरेण संसोधितः संपादितश्च पंचतीसइमं पयं समत्तं
छत्तीसइमं समुग्घाय पयं । [५९९] वेयण कसाय मरणे वेउव्विय तेयए य आहारे ।
केवलिए चेव भवे जीव-मणुस्साण सत्तेव । [६००] कति णं भंते समुग्घाया पन्नत्ता गोयमा सत्त समुग्घाया पन्नत्ता तं जहावेदणासमुग्घाए कसायसमग्घाए मारणंतियसमुग्घाए वेउव्वियसमुग्घाए तेयासमुग्घाए आहारगस मुग्धाए केवलिसमुग्घाए वेदणासमुग्धाए णं भंते० गोयमा असंखेज्जसमइए अंतोमुहुत्तिए पन्नत्ते एवं जाव आहारगसमुग्घाए, केवलिसमुग्घाए णं भंते कतिसमइए गोयमा अट्ठसमइए पन्नत्ते ।
नेरइयां भंते कति समग्घाया पन्नत्ता गोयमा चत्तारि समग्घाया पन्नत्ता तं जहावेदणासमुग्घाए कसायसमुग्घाए मारणंतियसमुग्घाए वेउव्वियसमुग्घाए असुरकुमाराणं भंते पुच्छा गोयमा पंच समुग्घाया पन्नत्ता तं जहा- वेदणासमुग्घाए कसायसमुग्घाए मारणंतियसमुग्घाए वेउव्वियसमुग्घाए पय-३६
तेयासमुग्घाए एवं जाव थणियकुमाराणं, पुढविक्काइयाणं भंते पुच्छा गोयमा तिन्नि समुग्घाया पन्नत्ता तं जहा- वेदणासमुग्घाए कसायसमुग्घाए मारणंतियसमुग्घाए एवं जाव चउरिंदियाणं नवरं-वाउक्काइयाणं चत्तारिं समुग्घाया पन्नत्ता तं जहा- वेदणासमुग्घाए कसायसमुग्घाए मारणंतियसमुग्घाए वेउव्वियसमुग्घाए पंचेंदियतिरिक्खजोणियाणं जाव वेमाणियाणं भंते. पंच समुग्घाया पन्नत्ता तं जहावेदणासमुग्घाए कसायसमुग्घाए मारणंतियसमुग्घाए वेउव्वियसमुग्घाए तेयासमुग्घाए नवरं-मणूसाणं सत्तविहे समुग्घाए पन्नत्ते तं जहा- वेदणाणुसमुग्घाए कसायसमुग्धाए जाव आहारगसमुग्घाए केवलिसमुग्घाए ।
दीपरत्नसागर संशोधितः]
[193]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |