Page Text
________________
[ ५९३ ] एतेसि णं भंते देवाणं कायपरियारगाणं जाव मणपरियारगाणं अपरियारगाण य कतरे कतरेहिंतो अप्पा वा तुल्ला वा विसेसाहिया वा गोयमा सव्वत्थोवा देवा अपरियारगा मणपरियारगा संखेज्जगुणा सद्दपरियारगा असंखेज्जगुणा रूवपरियारगा असंखेज्जगुणा फासपरियारगा असंखेज्जगुणा कायपरियारगा असंखेज्जगुणा ।
मुनि दीपरत्नसागरेण संसोधितः संपादितश्च चउत्तीसइमं पयं समत्तं | पंचतीसइमं वेयणा पयं ॥
[ ५९४] सीता य दव्व सरीरा सात तह वेदणा हवति दुखा अब्भुवगमोवक्कमिया निदा य अणिदा य नायव्वा ।
[५९५] सातमसातं सव्वे सुहं च दुक्खं अदुक्खमसुहं च माणसरहियं विगलिंदिया उ सेसा दुविहमेव ।।
[५९६] कतिविहा णं भंते वेदणा पन्नत्ता गोयमा तिविहा वेदणा पन्नत्ता तं जहा- सीता उसिणा सीतोसिणा नेरइयाण णं भंते किं सीतं वेदणं वेदेंति उसिणं वेदणं वेदेंति सीतोसिण वेदणं वेदेंति गोयमा सीयं पि वेदणं वेदेंति उसिणं पि वेदणं वेदेंति नो सीतोसिणं वेदणं वेदेंति केई एक्केक्की पुढ वेदणाओ भणति-रयणप्पभापुढविनेरइया णं भंते पुच्छा गोयमा नो सीयं वेदणं वेदेंति उसिणं वेदणं वेदेंति नो सीतोसिणं वेदणं वेदेंति एवं जाव वालुयप्पभापुढविनेरइया, पंकप्पभापुढविनेरइयाणं पुच्छा गोयमा सयं पि वेदणं वेदेंति उसिणं पि वेदणं वेदेंति नो सीओसिणं वेदणं वेदेंति ते बहुयतरागा जे उसिणं वेदणं वेदेंति ते थोवतरागा जे सीयं वेदणं वेदेंति धूमप्पभाए एवं चेव दुविहा नवरं ते बहुयतरागा जे सीयं वेदणं वेदें ते थोवतरागा जे उसिणं वेयणं वेदेंति तमाए तमतमाए य सीयं वेदणं वेदेंति नो उसिणं वेदणं वेदेंति नो सीओसिणं वेदणं वेदेंति, असुरकुमाराणं पुच्छा गोयमा सीयं पि वेदणं वेदेंति उसिणं पि वेदणं वेदेंति सीतोसि पि वेदणं वेदेंति एवं जाव वेमाणिया कतिविहा णं भंते वेदणा पन्नत्ता गोयमा चउव्विह वेदणा पन्नत्ता तं जहा- दव्वओ खेत्तओ कालओ भावओ नेरइया णं पुच्छा गोयमा दव्वओ वि वेदणं वेति व भावओ वि वेदणं वेदेंति एवं जाव वेमाणिया कतिविहा णं भंते वेदणा पन्नत्ता गोयमा तिविहा वेदणा पन्नत्ता तं जहा- सरीरा माणसा सारीरमाणसा नेरइया णं भंते किं सारीरं वेदणं वेदेंति माणसं वेदणं वेदेंति सारीरमाणसं वेदणं वेदेंति गोयमा सरीरं पि वेदणं वेदेंति माणसं पि वेदणं वेदेंति नो माणसं वेदणं वेदेंति
पय-३५
नो सारीरमाणसं वेदणं वेदेंति, कतिविहा णं भंते वेयणा पन्नत्ता तिविहा वेयणा पन्नत्ता तं जहा - साता असाता सातासाता नेरइया णं भंते किं सातं वेदणं वेदेंति असातं वेदणं वेदेंति सातासातं वेदणं वेदेंति गोयमा तिविहं पि वेदणं वेदेंति एवं सव्वजीवा जाव वेमाणिया कतिविहा णं भंते वेयणा पन्नत्ता गोयमा तिविहा वेयणा पन्नत्ता तं जहा- दुक्खा सुहा अदुक्खमसुहा नेरइया णं भंते किं दुक्खं वेदणं वेदेंति पुच्छा गोयमा दुक्खं पि वेदणं वेदेंति सुहं पि वेदणं वेदेंति अदुक्खमसुहं पि वेदणं वेदेंति एवं जाव वेमाणिया । [५९७] कतिविहा णं भंते वेदणा पन्नत्ता गोयमा दुविहा० अब्भोवगमिया य ओवक्कमिया य नेरइया णं भंते किं अब्भोवगमियं वेदणं वेदेंति ओवक्कमियं वेदणं वेदेंति गोयमा नो अब्भोवगमियं
[दीपरत्नसागर संशोधितः ]
[192]
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |