Page Text
________________
कायपरियारणा जाव मणपरियारणा गोयमा भवणवति वाणमंतर - जोइस सोहम्मीसाणेसु कप्पेसु देवा कायपरियारगा सणंकुमार - माहिंदेसु कप्पेसु देवा फासपरियारगा बंभलोय-लंतगेसु कप्पेसुदेवा रूवपरियारगा महासुक्क-सहस्सारेसु देवा सद्द-परियारगा आणय-पाणय- आरण- अच्चुएसु कप्पेसु देवा मणपरियारगा गेवेज्जअनुत्तरोववाइया देवा अपरियारगा से तेणट्ठेणं गोयमा एवं वुच्चति-पंचविहा परियारणा पन्नत्ता तं जहाकायपरियारगा जाव मणपरियारगा तत्थ णं जेते कायपरियारगा देवा तेसि णं इच्छामणे समुप्पज्जइइच्छामो णं अच्छराहि सद्धिं कायपरियारं करेत्तए तए णं तेहिं देवेहिं एवं मणसीकए समाणे खिप्पामेव ताओ अच्छराओ ओरलाई सिंगाराइं मणुण्णाइं मणोहराइं मणोरमाइं उत्तरवेउव्वियाइं रुवाइं विव्वंति विउवित्ता तेसिं देवाणं अंतियं पादुब्भवंति तए णं ते देवा ताहिं अच्छराहिं सद्धिं कायपरियारणं करेति । [५९०] से जहानामए - सीता पोग्गला सीतं पप्प सीतं चेव अतिवत्तित्ता णं चिट्ठति उसणा वा पोग्गला उसिणं पप्प उसिणं चेव अइवइत्ताणं चिट्ठति एवमेव तेहिं देवेहिं ताहिं अच्छराहिं सद्धिं कायपरियाणे कते समाणे से इच्छमाणे खिप्पामेवावेति ।
[५९१] अत्थि णं भंते तेसिं देवाणं सुक्कपोग्गला हंता अत्थि ते णं भंते तासिं अच्छराणं कीसत्ताए भुज्जो - भुज्जो परिणमंति गोयमा सोइंदियत्ताए चक्खिंदियत्ताए धाणिदियत्ताए रसिंदियत्ता फासिंदियत्ता इट्ठत्ताए कंतत्ताए मणुण्णत्ताए मणामत्ताए सुभगत्ताए सोहग्ग- रूव- जोव्वणगुणलायण्णत्ताए ते तासिं भुज्जो - भुज्जो परिणमति ।
[५९२] तत्थ णं जेते फासपरियागा देवा तेसि णं इच्छामणे समुप्पजइ-इच्छामो णं अच्छराहिं सद्धिं फासपरियारं करेत्तए तए णं तेहिं देवेहिं एवं मणसीकए समाणे खिप्पामेव ताओ अच्छाराओ ओरालाई सिंगाराई मणुण्णाई मणोरमाइं उत्तरवेउव्वियाइं रूवाइं विउव्वंति विउव्वित्ता तेसिं देवाणं अंतियं पादुब्भवंति तए णं ते देवा ताहिं अच्छराहिं सद्धिं फासपरियारणं करेंति एवं जहेव कायपरियारगा तहेव निरवसेसं भाणियव्वं तत्थ णं जेते रुवपरियारगा देवा तेसि णं इच्छामणे समुप्पज्जइ-इच्छामो णं अच्छराहिं सद्धिं रूवपरियारणं करेत्तए तए णं तेहिं देवेहिं एवं मणसीकए समाणे तहेव जाव उत्तरवेउव्वियाइं रुवाइं विउव्वंति विउव्वित्ता जेणामेव ते देवा तेणामेव उवागच्छंति उवागच्छित्ता तेसिं देवाणं अदूरसामंते ठिच्चा ताई ओरालाई जाव मणोरमाइं उत्तरेवउव्वियाई रुवाई उवदंसेमाणीओ-उवदंसेमाणीओ चिट्ठति तए णं ते देवा ताहिं अच्छराहिं सद्धिं रूवपरियारणं करेंति सेसं तं
जाव
चेव
पय-३४
भुज्जो - भुज्जो परिणमंति तत्थ णं जेते सद्दपरियारगा देवा तेसि णं इच्छामणे समुप्पज्जति - इच्छामो णं अच्छराहिं सद्धिं सद्दपरियारणं करेत्तए तए णं तेहिं देवेहिं एवं मणसीकए समाणे तहेव जाव उत्तरवेउव्वियाइं रुवाइं विउव्वंति विउव्वित्ता जेणामेव ते देवा तेणामेव उवागच्छंति उवागच्छित्ता तेसिं देवाणं अदूरसामंते ठिच्चा अनुत्तराइं उच्चावयाइं सद्दानं समुदीरेमाणीओ - समुदीरेमाणीओ चिट्ठति त णं ते देवा ताहिं अच्छराहिं सद्धिं सद्दपरियारणं करेंति सेसं तं चेव जाव भुज्जो - भुज्जो परिणमंति तत्थ णं जेते मणपरियारगा देवा तेसिं इच्छामणे समुप्पज्जइइच्छामो णं अच्छाराहिं सद्धिं पमणपरियारणं करेत्त त णं तेहिं देवेहिं एवं मणसीकए समाणे खिप्पामेव ताओ अच्छराओ तत्थगताओ चेव समाणीओ अनुत्तराई अच्चावयाइं मणाइं पहारेमाणीओपहारेमाणीओ चिट्ठति तए णं ते देवा ताहिं अच्छाराहिं सद्धिं मणपरियारणं करेंति सेसं निरवसेसं तं चेव जाव भुज्जो - भुज्जो परिणमति ।
[दीपरत्नसागर संशोधितः ]
[191]
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |