Page Text
________________
अफासाइज्जमाणाण य कतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा पोग्गला अणासाइज्जमाणा अफासइज्जमाणा अनंतगुणा बेइंदिया णं भंते जे पोग्गले आहारत्ताए [गेण्हंति ते णं तेसिं पोग्गला कीसत्ताए भुज्जो - भुज्जो परिणमंति] गोयमा जिब्भिंदिय-फासिंदियवेमायत्ताए ते सिं भुज्जो - भुज्जो परिणमंति एवं जाव चउरिंदिया नवरं नेगाइं च णं भागसहस्साइं अणग्धाइज्जमाणाइं अफासाइज्जमाणाइं अणस्साइज्जमाणाइं विद्धंसमागच्छंति, एतेसि णं भंते पोग्गलाणं अणाघाइज्जमाणाणं अणासाइज्जमाणाणं अफासाइजज्माणाण य कतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा पोग्गला अणग्घाइज्जमाणा अणस्साइज्जमाणा अनंतगुणा अफासाइज्जमाणा अनंतगुणा तेइंदिया णं भंते जे पोग्गले [आहारत्ताए गेण्हंति ते णं तेसिं पोग्गला कीसत्ताए भुज्जो - भुज्जो परिणमंति] गोयमा धाणिंदिय-जिब्भिंदिय-फासिंदियवेमायत्ताए ते तेसिं परिणमंति चउरंदियाणं चक्खिंदिय-धाणिंदिय-जिब्भिंदिय-फासिंदियवेमायत्ताए ते तेसिं परिणमंति चउरिंदियाणं चक्खिंदिय-धाणिंदिय-जिब्भिंदिय-फासिंदियवेमायत्ताए ते तेसिं परिणमंति सेसं जहातेइंदियाणं पंचेंदियतिरिक्खजोणिया जहा - तेइंदिया नवरं तत्थ णं जेसे आभोगणिव्वत्तिए से जहण्णेणं अंतोमुहुत्तस्स उक्कोसेणं छट्ठत्तस्स आहारट्ठे समुप्पज्जति पंचेंदियतिरिक्खजोणिया णं भंते जे
भुज्जो - भुज्जो भुज्जो - भुज्जो भुज्जो - भुज्जो
पय-२८
पोग्गले आहारत्ताए [गेण्हंति ते णं तेसिं पोग्गला कीसत्ताए भुज्जो - भुज्जो परिणमंति] गोयमा सोइंदियचक्खिंदिय-धाणिंदिय-जिब्भिंदिय-फासेंदियवेमायत्ताए भुज्जो - भुज्जो परिणमंति ।
[मणूसा णं भंते आहारट्ठी हंता गोयमा आहारट्ठी मणूसा णं भंते केवतिकालस्स आहारट्ठे समुपज्जति गोयमा मणूसाणं आहारे दुविहे पन्नत्ते तं जहा- आभोगनिव्वत्तिए य अणाभोग-निव्वति य तत्थ णं जेसे अनाभोगनिव्वत्तिए से णं अणुसमयविरहिए आहारट्ठे समुप्पज्जति तत्थ णं जेसे आभोगनिव्वत्तिए से णं जहणणेणं अंतोमुहुत्तस्स उक्कोसेणं अट्ठमभत्तस्स आहारट्ठे समुप्पज्जजति मणूसा णं भंते किमाहारमाहारेंति गोयमा दव्वओ अनंतपदेसियाइं खेत्तओ असंखेज्जप- देसोगाढाई कालो अण्णतरठितियाइं भावओ वण्णमंताइं गंधमंताई रसमंताई फासमंताई जाई भावओ वण्णंमंताई आहारेंति ताइं किं एगवण्णाइं आहारेंति जाव किं पंचवण्णाइं आहारेंति गोयमा ठाणमग्गणं पडुच्च एगवण्णाई प आहारेंति जाव पंचवण्णाइं पि आहारेंति विहाणमग्गणं पडुच्च कालवण्णाइं पि आहारेंति जाव सुक्किलाई पि आहारेंति जाइं वण्णओ कालवण्णाई आहारैति ताई किं एगगुणकालाई आहारेंति जाव दसगुणकालाई आहारेंति संखेज्जगुणकालाई असंखेज्जगुकालाई अनंतगुणकालाई आहारेंति गोयमा एगगुणकालाई पि आहारेंति जाव अनंतगुणकालाई पि आहारेंति एवं जाव सुक्किलाई पि एवं गंधओ वि रसतो वि जाई भावओ फासमंताइं ताइं नो एगफासाइं आहारेंति नो दुफासाइं आहारेंति नो तिफासाइं आहारेंति चउफासाइं आहारेंति जाव अट्ठफासाइं पि आहारेंति विहाणमग्गणं पडुच्च कक्खडाइं पि आहारेंति जाव लुखाइं प जाइं फासओ कक्खडाइं आहारेंति ताई किं एगगुणकक्खडाई आहारैति जाव अनंतगुणक्खडाई आहारैति गोयमा एगगुणक्खडाइं पि आहारेंति जाव अनंतगुणक्खडाई पि आहारेंति एवं अट्ठ वि फासा भाणिव्वा जाव अनंतगुणलुक्खाइं पि आहारेंति जाई भंते अनंतगुणलुक्खाई आहारेंति ताइं किं पुट्ठाई आहारैति अपुट्ठाइं आहारेंति गोयमा पुट्ठाई आहारेंति नो अपुट्ठाई आहारेंति जाई भंते पुट्ठाई आहारेंति ताई किं ओगाढाइं आहारेंति अनोगाढाई आहारेंति गोयमा ओगाढाई आहारेंति नो अणोगाढाई आहारेंति जाई भंते ओगाढाई आहारेंति ताइं किं अनंतरोगाढाई आहारेंति परंपरोगाढाई आहारेंति गोयमा अनंतरोगाढाई आहारेंति [दीपरत्नसागर संशोधितः ]
[१५- पन्नवणा]
[179]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |