Page Text
________________
अणिच्छियत्ताए अभिज्झियत्ताए अहत्ताएनो उढत्ताए दुक्खत्ताए-नो सुहत्ताए ते तेसिं भुज्जो-भुज्जो परिणमंति ।
_[५५३] असुरकुमारा णं भंते आहारट्ठी हंता आहारट्ठी एवं जहा- नेरइयाणं तहा असुरकुमाराण वि भाणियव्वं जाव ते तेसिं भुज्जो-भुज्जो परिणमंति तत्थ णं जेसे आभोगनिव्वत्तिए से णं जहण्णेणं चउत्थभत्तस्स उक्कोसेणं सातिरेगस्स वाससहस्सस्स आहारट्टे समुप्पज्जति ओसण्णकारणं पडुच्च वण्णओ हालिद्द-सुक्किलाइं गंधओ सुब्भिगंधाइं रसओ अंबिल-महराई फासओ मउय-लहुअ-निझुण्हाइं तेसिं पोराणे वण्णगुणे जाव फासिंदियत्ताए जाव मणामत्ताए इच्छियत्ताए अभिज्झियत्ताए उड्ढत्ताए-नो अहत्ताए सुहत्ताए-नो दुहत्ताए ते तेसिं भुज्जो-भुज्जो परिणमंति सेसं जहा- नेरइयाणं एवं जाव थणिय-कुमाराणं नवरं-आभोगणिव्वत्तिए उक्कोसेणं दिवसपुहत्तस्स आहारट्टे समुप्पज्जति ।।
[५५४] पुढविकाइया णं भंते आहारट्ठी हंता आहारट्ठी पुढविक्काइयाणं भंते केवतिकालस्स आहारट्टे समुप्पज्जति गोयमा अणुसमयं अविरहिए आहारट्टे समुप्पज्जति पुढविक्काइया णं भते किमाहारमाहारेंति एवं जहा- नेरइयाणं जाव-ताइं भंते कति दिसिं आहारेति गोयमा निव्वाघाएणं छद्दिसिं वाघायं पडच्च सिय तिदिसिं सिय चउदिसिं सिय पंचदिसिं नवरं, ओसण्णकारणं न भवति वण्णत्तो कालपय-२८
नील-लोहिय-हालिद्द सुक्किलाई गंधओ सुब्भिगंध-दुब्भिगंधाइं रसओ तित्त-कडुय-कसाय-अंबिल-महुराई फासतो कक्खड-मध्य-गरुय-लहुय-सीय-उसिण-निद्ध-लुक्खाई तेसिं पोराणे वण्णगुणे [गंधगुणे रसगुणे फासगुणे विप्परिणामइत्ता परिपीलइत्ता परिसाडइत्ता परिविद्धंसइत्ता अन्ने अपव्वे वण्णगुणे गंधगुणे रसगुणे फासगुणे उप्पएत्ता आयसरीरखेत्तोगाढे पोग्गले सव्वप्पणयाए आहारमाहारेंति पुढविक्काइयाणं भंते सव्वतो आहारेंति सव्वत्तो परिणामेंति सव्वतो ऊससंति सव्वतो नीससंति अभिक्खणं आहारेंति अभिक्खणं परिणामेंति अभिक्खणं ऊससंति अभिक्खाणं नीससंति आहच्च आहारेंति परिणामेंति आहच्च ऊससंति आहच्चं नीससंति हंता गोयमा पढविक्काइया सव्वतो आहारेंति एवं तं चेव जाव] आहच्च नीससंति पढविक्काइया णं भंते जे पोग्गले आहारत्ताए गेण्हंति तेसिं णं भंते पोग्गलाणं सेयालंसि कतिभागं आहारेंति कतिभागं आसाएंति गोयमा असंखेज्जति भागं आहारेंति अनंतभागं आसाएंति पुढविक्काइया णं भंते जे पुग्गले आहारत्ताए गेण्हति ते किं सव्वे आहारेंति नो सव्वे आहारेंति [गोयमा ते सव्वे अपरिसेसिए आहारेंति] पुढविक्काइया णं भंते जे पोग्गले आहारत्ताए गेहंति ते णं तेसिं पोग्गला कीसत्ताए भुज्जोभुज्जो परिणमंति गोयमा फासेंदियवेमायत्ताए भुज्जो-भुज्जो परिणमंति एवं जाव वणप्पइकाइयाणं ।
[५५५] बेइंदिया णं भंते आहारट्ठी हंता गोयमा आहारट्ठी बेइंदिया णं भंते केवतिकालस्स आहारट्टे समुप्पज्जति जहा- नेरइयाणं नवरं-तत्थ णं जेसे आभोगनिव्वत्तिए से णं असंखेज्जसमइए अंतोमुहत्तिए वेमायए आहारढे समुप्पज्जति सेसं जहा- पुढविक्काइयाणं जाव आहच्च नीससंति नवरंनियमा छद्दिसिं बेइंदिया णं भंते जे पोग्गले आहारत्ताए गेण्हंति ते णं तेसिं पोग्गलाणं सेयालंसि कतिभागं आहारेंति कतिभागं अस्साएंति [गोयमा असंखेज्जतिभागं आहारेंति अनंतभागं अस्साएंति बेइंदिया णं भंते जे पोग्गले आहारत्ताए गेण्हंति ते किं सव्वे आहारेंति नो सव्वे आहारेति गोयमा बेइंदियाणं दविहे आहारे पन्नत्ते तं जहा- लोमाहारे य पक्खेवाहारे य जे पोग्गले लोमाहारत्ताए गेहंति ते सव्वे अपरिसेसे आहारेंति जे पोग्गले पक्खेवाहारत्ताए गेहंति तेसिं असंखेज्जइभागमाहारेंति नेगाइं च णं भागसहस्साइं अफासाइज्जमाणाइं अणासाइज्जमाणाइअं विद्धंसमागच्छंति, एतेसि णं भंते पोग्गलाणं अणासाइज्जमाणाणं
दीपरत्नसागर संशोधितः]
[178]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |