Page Text
________________
एतेसिं तु पयाणं विभावणा होइ कायव्वा । [५५२] नेरइया णं भंते किं सचित्ताहारा अचित्ताहारा मीसाहारा गोयमा नो सचित्ताहारा अचित्ताहारा नो मीसाहारा एवं असुरकुमारा जाव वेमाणिया ओरालियसरीरी जाव मणूसा सचित्ताहारा वि अचित्ताहारा वि मीसाहारा वि
नेरइया णं भंते आहारट्ठी हंता गोयमा आहारट्ठी नेरइयाणं भंते केवतिकालस्स आहारहे समुप्पज्जति गोयमा नेरइयाणं आहारे दुविहे पन्नत्ते तं जहा- आभोगनिव्वत्तिए य अणाभोगनिव्वत्तिए य तत्थ णं जेसे अणाभोगणिव्वत्तिए से णं अणुसमयमविरहिए आहारट्टे समुप्पज्जति तत्थ णं जेसे आभोगनिव्वत्तिए से णं असंखेज्जसमइए अंतोमुहुत्तिए आहारट्टे समुप्पज्जति
नेरइया णं भंते किमाहारमाहारेंति गोयमा दव्वओ अनंतपदेसियाइं दव्वइं खेत्तओ असंखेज्जपदेसोगाढाइं कालतो अण्णतरठितियाई भावओ वण्णमंताई गंधमंताई रसमंताई फासमंताई, जाई भावओ वण्णमंताई आहारेंति ताइं किं एगवण्णइं आहारेंति जाव किं पंचवण्णाई आहारेंति गोयमा ठाणमग्गणं पडुच्च एगवण्णाइं पि आहारेंति जाव पंचवण्णाई पि आहारेंति विहाणमग्गणं पडुच्च कालवण्णाई पय-२८
पि आहारेंति जाव सुक्किलाइं पि आहारेंति जाइं वण्णओ कालवण्णाइं आहारेति ताइं किं एगगुणकालाई आहारेंति जाव दसगुणकालाइं आहारेंति संखेज्जगुणकालाइं असंखेज्जगुणकालाइं अनंतगुणकालाइं आहारेंति गोयमा एगगुणकालाइं पि आहारेंति जाव अनंतगुणकालाई पि आहारेंति एवं जाव सुक्किलाइं पि एवं गंधओ वि रसतो वि जाइं भावओ फासमंताइं ताइं नो एगफासाइं आहारेंति नो दुफासाइं आहारेंति नो तिफासाइं आहारेंति चउफासाइं आहारेंति जाव अट्ठफासाइं पि आहारेंति विहाणमग्गणं पडुच्च कक्खडाइं पि आहारेंति जाव लुक्खाई पि जाइं फासओ कक्खडाइं आहारेति ताइं किं एगगुणकक्खडाइं आहारेंति जाव अनंतगुणक्खडाइं आहारेंति गोयमा एगगुणकक्खडाइं पि आहारेंति जाव अनंतगुणक्खडाइं पि आहारेंति एवं अट्ठ वि फासा भाणियव्वा जाव अनंतगुणलुक्खाई पि आहारेंति जाइं भंते अनंत-गुणलुक्खाइं आहारेंति ताई किं पुट्ठाइं आहारेंति अपुट्ठाई आहारेति गोयमा पुट्ठाइं आहारेंति नो अपुट्ठाइं आहारेंति जहा- भांसुद्देसए जाव नियमा छद्दिसिं आहारेति ।
ओसण्णकारणं पडुच्च वण्णओ काल-नीलाई गंधओ दुब्भिगंधाइं रसतो तित्तरसकडुयाइं फासओ कक्खड-गरुय-सीय-लुक्खाइं तेसिं पोराणे वण्णगुणे गंधगुणे रसगुणे फासगुणे विप्परिणामइत्ता परिपीलइत्ता परिसाडइत्ता परिविद्धंसइत्ता अण्णे अपव्वे वण्णगुणे गंधगुणे रसगुणे फासगुणे उप्पएत्ता आयसरीरखेत्तोगाढे पोग्गले सव्वप्पणायए आहारमाहारेंति नेरडया णं भंते सव्वतो आहारेंति सव्वतो परिणामेंति सव्वओ ऊससंति सव्वओ नीससंति अभिक्खणं आहारेंति अभिक्खणं परिणामेंति अभिक्खणं ऊससंति अभिक्खणं नीससंति आहच्च आहारेंति आहच्च परिणामेति आहच्च ऊससंति आहच्च नीससंति हंता गोयमा नेरइया सव्वतो आहारेंति एवं तं चेव जाव आहच्च नीससंति नेरइया णं भंते जे पोग्गले आहारत्ताए गेण्हंति ते णं तेसिं पोग्गलामं सेयालंसि कतिभागं आहारेंति कतिभागं आसाएंति गोयमा असंखेज्जतिभागं आहारेंति अणंतभागं अस्साएंति नेरइया णं भंते जे पोग्गले आहारत्ताए गेण्हंति ते किं सव्वे आहारेंति नो सव्वे आहारेति गोयमा ते सव्वे अपरिसेसिए आहारेंति नेरइया णं भंते जे पोग्गले आहारत्ताए गेण्हति ते णं तेसिं पोग्गला कीसत्ताए भुज्जो-भुज्जो परिणमंति गोयमा सोइंदियत्ताए जाव फासिंदियत्ताए अणिद्वत्ताए अकंतत्ताए अप्पियत्ताए असुभत्ताए अमणुण्णत्ताए अमणामत्ताए
दीपरत्नसागर संशोधितः]
[177]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |