Page Text
________________
छव्विहबंधगे य एगविहबंधए य चउभंगो अहवा सत्तविहबंधगा य अट्ठविहबंधए य छव्विहबंधए य एगविहबंधए य भंगा अट्ठ एवं एते सत्तावीसं भंगा एवं जहा- नाणावरणिज्जं तहा दरिसणावरणिज्जं पि अंतराइयं पि जीवे णं भंते वेयणिज्जं कम्मं वेदेमाणे कति कम्मपगडीओ बंधति गोयमा सत्तविहबंधए वा अट्ठविहबंधए वा छव्विहबंधए वा एगविहबंधए वा अबंधए वा एवं मणूसे वि अवसेसा नारगादीया सत्तविहबंधगा य अट्ठविहबंधगा य एवं जाव वेमाणिए जीवा णं भंते वेदणिज्जं कम्मं वेदमाणा कति कम्मपगडीओ बंधंति गोयमा सव्वे ति ताव होज्जा सत्तविहबंधगा य अट्ठविहबंधगा य एगविहबंधगा अहवा सत्तविहबंधगा य अट्ठविहबंधगा य एगविहबंधगा य छव्विहबंधगे य अहवा सत्तविहबंधगा य अट्ठविहबंधगा य एगविहबंधगा य छव्विहबंधगा य अबंधगेण वि समं दो भंगा भाणियव्वा अहवा सत्तविहबंधगा य अट्ठविहबंधगा य एगविहबंधगा य छव्विहबंधए य अबंधए य चउभंगो एवं एते नव भंगा एगिंदियाणं अभंगयं नारगादीणं तियभंगो जाव वेमाणियाणं नवरं मणूसाणं पुच्छा गोयमा सव्वे वि ताव होज्जा सत्तबिहबंधगाय एगविहबंधगा य अहवा सत्तविहबंधगा य एगविहबंधगा य छव्विहबंधए य अट्ठविह
पय-२६
बंधए य अबंधए य एवं एते सत्तावीसं भंगा भाणियव्वा जहा- किरियासु पाणाइवायविरतस्स एवं जहावेदणिज्जं तहा आउयं नामं गोयं च भाणियव्वा जहा - किरियासु पाणाइवायविरतस्स एवं जहा - वेदणिज्जं तहा आउयं नामं गोयं च भाणियव्वं मोहणिज्जं वेदेमाणे जहा- बंधे नाणावरणिज्जं तहा भाणियव्वं ।
मुनि दीपरत्नसागरेण संसोधितः संपादितश्च छवीसइमं पयं समत्तं
[] सत्तावीसइमं - कम्मवेयवेयग पयं ॥
[५४९] कति णं भंते कम्मपगडीओ गोयमा अट्ठ तं जहा- नाणावरणिज्जं जाव अंतराइयं एवं नेरइयाणं जाव वेमाणियाणं जीवे णं भंते नाणावरणिज्जं कम्मं वेदेमाणे कति कम्मपगडीओ वेदेति गोयमा सत्तविहवेदए वा अट्ठविहवेदए वा एवं मणूसे वि अवसेसा एगत्तेण वि पुहत्तेण वि नियमा अट्ठविहकम्मपगडीओ वेदेंति जाव वेमाणिया
जीवा णं भंते नाणावरणिज्जं कम्मं वेदेमाणा कति कम्मपगडीओ वेदेंति गोयमा सव्वे वि ताव होज्जा अट्ठविहवेदगा अहवा अट्ठविहवेदगा य सत्तविहवेदगे य अहवा अट्ठविहवेदगा य सत्तविहवेदगा य एवं मणूसा वि दरिसणावरणिज्जं अंतराइयं च एवं चेव भाणियव्वं
वेदणिज्ज-आउज्ज-आउअ - नाम - गोयाइं वेदेमाणे कति कम्मपगडीओ वेदेति गोयमा जहा - बंधगवेयगस्स वेदणिज्जं तहा भाणियव्वं जीवे णं भंते मोहणिज्जं कम्मं वेदमाणे नियमा अट्ठ कम्मपगडीओ वेदेति एवं नेरइए जाव वेमाणिए एवं पुहत्तेणं वि ।
मुनि दीपरत्नसागरेण संसोधितः संपादितश्च सत्तावीसइमं पयं समत्तं
[] पढमो उद्देसओ
[५५०] सच्चित्ताहारट्ठी केवति किं वा वि सव्वओ चेव । कतिभागं सव्वे खलु परिणामे चेव बोधव्वे । [५५१] एगिंदिसरीरादी लोमाहारे तहेव मणभक्खी |
[दीपरत्नसागर संशोधितः ]
[176]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |