Page Text
________________
नो परंपरोगाढाइं आहारेंति जाइं भंते अनंतरोगाढाइं आहारेति ताई किं अणूइं पि आहारेंति बादराई आहारेंति गोयमा अणूई पि आहारेंति बादराई पि आहारेंति जाइं भंते अणूई पि आहारेंति बादराई पि आहारेंति ताई किं उड्ढं आहारेंति अहे आहारेंति तिरियं आहारेंति गोयमा उड्ढं पि आहारेंति अहे वि आहारेंति तिरियं पि आहारेंति जाइं भंते उड्ढे पि आहारेंति अहे वि आहारेति तिरियं पि आहारेति ताई किं आदिं आहारेंति मज्झे आहारेंति पज्जवसाणे आहारेति गोयमा आदि पि आहारेंति मज्झे वि आहारेंति पज्जवसाणे वि आहारति जाइं भंते आदिं पि आहारेंति मज्झे वि आहारेंति पज्जवसाणे वि आहारति ताई किं सविसए आहारेंति अविसए आहारेंति गोयमा सविसए आहारेंति नो अविसए आहारेंति जाइं भंते सविसए आहारेंति ताइं किं आनुपुव्विं आहारेंति अनानुपुव्विं आहारेंति गोयमा आणुपुव्विं आहारेंति नो अणाणुपुव्विं आहारेंति जाइं भंते आणुपुट्विं आहारेति ताइं किं तिदिसिं आहारेति जाव छद्दिसिं आहारेति गोयमा नियमा छद्दिसिं आहारेति ।
ओसण्णकारणं ण भवति वण्णतो काल-नील-लोहिय-हालिद्द-सुक्किलाइं गंधओ सुब्भिगंधाई रसओ तित्त-कडुय-कसाय-अंबिल-महुराई फासतो कक्खड-मध्य-गरुअ-लय-सीय-उसिण-निद्ध-लुक्खाइं तेसिं पोराणे वण्णगुणे गंधगुणे रसगुणे फासगुणे विप्परिणामइत्ता परिपीलइत्ता परिसाडइत्ता परिविद्धसइत्ता
अण्णे पय-२८
अपुव्वे वण्णगुणे गंधगुणे रसगुणे फासगुणे उप्पाएत्ता आयसरीरखेत्तोगाढे पोग्गले सव्वप्पणयाए आहारमाहारेंति मणूसा णं भंते सव्वतो आहारेंति सव्वतो परिणामेति सव्वओ ऊससंति सव्वओ नीससंति अभिक्खणं आहारेंति अभिक्खणं परिणामेंति अभिक्खणं ऊससंति अभिक्खणं नीससंति आहच्च आहारेंति आहच्च परिणामेंति आहच्च ऊससंति आहच्च नीससंति हंता गोयमा मणूसा सव्वत्तो आहारेंति एवं तं चेव जाव आहच्च नीससंति मणूसा णं भंते जे पोग्गले आहारत्ताए गेण्हति ते णं तेसिं पोग्गलाणं सेयालंसि कतिभागं आहारेंति कतिभागं आसाएंति गोयमा असंखेज्जतिभागं आहारेंति अनंतभागं आसाएंति मणूसा णं भंते जे पोग्गले आहारत्ताए गेण्हति ते किं सव्वे आहारेंति नो सव्व आहारति गोयमा मणूसाणं दुविहे आहारे पन्नत्ते तं जहा- लोमाहारे य पक्खेवाहारे य जे पोग्गले लोमाहारत्ताए गेहंति ते सव्वे अपरिसेसे आहारेंति जे पोग्गले पक्खेवाहारत्ताए गेण्हंति तेसिं असंखेज्जइभागमाहारेति नेगाइं च णं भागसहस्साई अणग्घाइज्जमाणाइं अफासाइज्जमाणाई अणस्साइज्जमाणाई विद्धंसमागच्छंति एतेसि भंते पोग्गलाणं अणाघाइज्जमाणाणं अणासाइज्जमाणाणं अफासाइज्जमाणाण य कतरे कतरेहिंतो अप्पा वा बया वा तुल्ला वा विसेसाहिया वा गोयमा सव्वोत्था पोग्गला अणग्घाइज्जमाणा अणास्साइज्जमाणा अनंतगुणा अफासइज्जमाणा अनंतगुणा मणुसा णं भंते जे पोग्गले आहारत्ताए गेण्हंति ते णं तेसिं पोग्गला कीसत्ताए भुज्जो-भुज्जो परिणमंति गोयमा सोइंदिय-चक्खिंदिय-धाणिंदिय-जिब्भिंदिय-फासिंदिय-वेमायत्ताए भुज्जो-भुज्जो परिणमंति]
वाणमंतरा जहा- नागकुमारा एवं जोइसिया वि नवरं-आभोगनिव्वत्तिए जहण्णेणं दिवसपुहत्तस्स उक्कोसेणं वि दिवसपुहत्तस्स आहारट्टे समुप्पज्जति एवं वेमाणिया वि नवरं-आभोगणिव्वत्तिए जहण्णेणं दिवसपहत्तस्स उक्कोसेणं तेतीसाए वाससहस्साणं आहारट्ठे समप्पज्जति सेसं जहाअसुरकुमाराणं जाव ते तेसिं भुज्जो-भुज्जो परिणमंति सोहम्मे आभोगनिव्वत्तिए जहण्णेणं दिवसपुहत्तस्स उक्कोसेणं दोण्हं वाससहस्साणं आहारट्टे समुप्पज्जइ ईसाणे पुच्छा गोयमा जहण्णेणं दिवसपुहत्तस्स
दीपरत्नसागर संशोधितः]
[180]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |