Page Text
________________
चउप्पयथलयरपंचेंदिय-तिरिक्खजोणिया-चउव्विहा पन्नत्ता तं जहा- एगखुरा दुखुरा गंडीपदा सणप्फदा, से किं तं एगखुरा-अनेगविहा पन्नत्ता तं जहा- अस्सा अस्सतरा घोडगा गद्दभा गोरक्खरा कंदलगा सिरिकंदलगा आवत्ता जे यावण्मे तहप्पगारा से त्तंएगखुरा, से किं तं दुखुरा-अनेगविहा पन्नत्ता तं जहाउट्टा गोणा गवया रोज्झा पसया महिसा मिया संवरा वराहा अय-एलग-रुरु-सरभ-चमर-कुरंग-गोकण्ममादी जे यावण्णे तहप्पगारा से त्तं दुखरा, से किं तं-गंडीपया अनेगविहा पन्नत्ता तं जहा- इत्थी पूयणयामंकणहत्थी खग्गा गंडा जेयावण्णे तहप्पगारा से तं गंडीपया, से किं तं सणप्फदाअमेगविहा पन्नत्ता तं जहा- सीहा वग्धा दीविया अच्छा तरच्छा परस्सरा सियाला बिडाला सुणगा कोलसुणगा कोकंतिया ससगा चित्तगा चित्तलगा जे यावण्णे तहप्पगारासे त्तं सणप्फदा, ते समासतो दुविहा पन्नत्ता तं जहा- सम्मुच्छिमा य गब्भवक्कंतिया य तत्थ णं जेते सम्मुच्छिमा ते सव्वे नपुंसगा तत्थ णं जेते गब्भवक्कंतिया ते तिविहा पन्नत्ता तं जहा- इत्थी पुरिसा नपुं सगा एतेसिणं एवमादियाणं थलयरपंचिंदियतिरिक्खजोणियाणं पज्जत्तापज्जत्ताणं दस जाइकुलकोडिजोणिप्पमुहसहसहस्सा हवंतीति मक्खातं से त्तं चउप्पयथलयरपंचेंदियतिरिक्खजोणिया ।
पद-१
__ [१६२] से किं तं परिसप्पथलयरपंचेंदियतिरिक्खजोणिया - दुविहा पन्नत्ता तं जहा-उरपरिसप्पथलयरपंचेंदियतिरिक्खजोणिया य भयपरिसप्पथलयरपंचेंदियतिरिक्खजोणिया, से किं उरपरिसप्पथलयरपंचेंदियतिरिक्खजोणिया-चउव्विहा पन्नत्ता तं जहा- अही, अयगरा आसालिया महोरगा से किं तं अही अही दुविहा पन्नत्ता तं जहा- दव्वीकरा य मउलिणो य, से किंतं दव्वीकरा अनेगविहा पन्नत्ता तं जहा- आसीविसा दिट्ठीविसा उग्गविसा भोगविसा तयाविसा लालाविसा उस्सासविसा निस्सासविसा कण्हसप्पासेदसप्पा काओदरा दब्भपुप्फा कोलाहा मेलिमिंदा जे यावण्णे तहप्पगारा से त्तं दव्वीकरा, से किं तं मउलिणो-अमेगविहा पन्नत्ता तं जहा- दिव वा गोणसा कसाहिया वइउला चित्तलिणो मंडलिणोमालियो अही अहिसलागा पडागा जे यावण्णे तहप्पगारा से त्तंमउलिणो से त्तं अही, से किं तं अयगरा अयगरा एगागारा पन्नत्ता से त्तं अयगरा से किं तं आसालिया कहि णं भंते आसालिया सम्मुच्छति गोयमा अंतोमणुस्सखित्ते अड्ढाइज्जेसु दीवेसु निव्वाधाएणं पन्नरससु कम्मभूमीसु वाघातं पडुच्च पंचसु महाविदेहेसु
चक्कवट्टिखंधावारेसु वासुदेवखंदावारेसु बलदेवखंधावारेसु मंडलियखंधावारेसु महामंडलियखंधावारेस गामनि-वेसेसु नगरनिवेसेसु निगमनिवेसेसु खेडनिवेसेसु कब्बडनिवेसेसु मडंबनिवेसेसु दोणमुहनिवेसेसु पट्टण-निवेसेसु आगरनिवेसेसु आसमनिवेसेसु संवाहनिवेसेसु रायहाणीनिवेसेसु एतसि णं चेवविणासेसु एत्थ णं आसालिया सम्मुच्छति, जहण्णेमं अंगुलस्स असंखेज्जइभागमेत्तीए ओगाहणाए उक्कोसेणं बारसजोयणाई तयणुरूवं च णं विक्खंभबाहल्लेणं भूमि दालित्ताणं समुद्रुति अस्सण्णी मिच्छद्दिट्ठी अन्नाणी अंतोमहत्त-द्धाउया चेव कालं करेइ से त्तं आसालिया, से किं तं महोरगा अणेगविहा पन्नत्ता तं जहा- अत्थेगइया अंगलुं पि अंगुलपुहत्तिया वि वियत्थिं पि वियत्थिपुहत्तिया वि रयणिं पि रयणिपुहत्तिया वि कुच्छिं पि कुच्छिंपुहत्तिया वि धणुं पि धणुपुहत्तिया वि गाउयं पि गाउयपुहत्तिया वि जोयणं पि जोयणपुहत्तिया वि जोयमसतं पि जोयणसतपुहत्तिया वि जोयणसहस्सं पि ते णं थले जाता जले वि चरंति थले वि चरंति ते नत्थि इहं बाहिरएस दीव-समुद्दएस हवं ति जे यावण्णे तहप्पगारा से त्तं महोरगा ते समासतो दुविहा पन्नत्ता तं जहा- सम्मुच्छिमा य गब्भवक्कंतिया य तत्थ णं जेते सम्मुच्छिमा ते सव्वे नपुंसगा तत्थ णं जेते गब्भवक्कंतिया ते णं तिविहा पन्नत्ता तं जहा- इत्थी पुरिसा [दीपरत्नसागर संशोधितः]
[17]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |