Page Text
________________
नपुंसगा, एएसि णं एवमाइयाणं पज्जत्तापज्जत्ताणं उरपरिसप्पाणं दस जाइकुलकोडीजोणिप्पमुहसतसहस्सा भवंतीति मक्खातं से त्तं उरपरिसप्पा, से किं तं भयपरिसप्पाअमेगविहा पन्नत्ता तं जहा- नउला गोहा सेहा सरडा सल्ला सरंडा सारा घरोइला विस्संभरा मूसा मंगुसा पयलाइया छीरविरालिया जाहा चउप्पाइया जे यावऽण्णे तहप्पगारा ते समासतो दुविहा-सम्मुच्छिमा य गब्भवक्कंतिया य तत्थ णं जेते सम्मुच्छिमा ते सव्वे नपुंसगा तत्थ णं जेते गब्भवक्कंतिया ते णं तिविहा-इत्थी पुरिसा नपुंसगा एतेसि णं एवमाइयाणं पज्जत्तापज्जत्ताणं भयपरिसप्पाणं नव जाइकुलकोडिजोणीपमुहसयसहस्सा हवंतीति मक्खायं से त्तं भुयपरिसप्पथलयर पंचेंदियतिरिक्खजोणिया से त्तं परिसप्पथलयरपंचेंदियतिरिक्खजोणिया ।
[१६३] से किं तं खहयरपंचेंदियतिरिक्खजोणिया - चउव्विहा पन्नत्ता तं जहा- चम्मपक्खी लोमपक्खी समुग्गपक्खी विततपक्खी, से किं तं चम्मपक्खी अनेगविहा पन्नत्ता तं जहा- वग्गुली जलोया अडिला भारंडपक्खी जीवंजीवा समुद्दवायसा कण्णत्तिया पक्खिबिराली जे यावण्णे तहप्पगारा से त्तं चम्मपक्खी, से किं तं लोमपक्खी-अनेगविहा पन्नत्ता तं जहा- ढंका कंका कुरला वायसा चक्कगा हंसा कलहंसा पायहंसा रायहंसा अडा सेडी बगा बलागा पारिप्पवा कोंचा सारसा मेसरा मसूरा सतवच्छा गहरा पद-१
पोंडरीया कागा कामंजुगा वंजुलगा तित्तिरा वट्टगा लावगा कवोया कविंजला पारेवया चिडगा चासा कुक्कुडा सुगा बरहिणा मदणसलागा कोइला सेहा वरेल्लगमादी से त्तं लोमपक्खी, से किं तं समुग्गपक्खी-एगागारा पन्नत्ता ते णं नत्थि इहं बाहिरएस दीव-समुद्दएसु भवंति से त्तं समुग्गपक्खी, से किं तं विततपक्खीएगागारा पन्नत्ता ते णं नत्ति इहं बाहिरएसु दीवसमुद्दएस भवंति से त्तं विततपक्खी, ते समासतो दुविहा पन्नत्ता तं जहा- सम्मुच्छिगा य गब्भवक्कंतिया य तत्थ णं जेते सम्मुच्छिमा ते सव्वे नपुंसगा तत्थ णं जेते गब्भवक्कंतिया तेणं तिविहा पन्नत्ता तं जहा- इत्थी पुरिसा नपुंसगा एएसि णं एवमाइयाणं खहयरपंचेंदियतिरिक्खजोणियाणं पज्जत्तापज्जत्ताणं बारस जातिकुलकोडीजोणिप्पमुहसतसहस्सा भवंतीति मक्खायं ।
[१६४] सत्तट्ठ जातिकुलकोडिलक्ख नव अद्धतेरसाइं च ।
दस दस य होति नवगा तह बारस चेव बोधव्वा । [१६५] से त्तं खहयरपंचेदियतिरिक्खजोणिया से त्तं पंचेंदियतिरिक्खजोणिया से त्तं तिरिक्खजोणिया ।
[१६६] से किं तं मणुस्सा-दुविहा पन्नत्ता तं जहा- समुच्छिममणुस्सा य गब्भवक्कंतियमणुस्सा य, से किं तं सम्मुच्छिमणुस्सा, कहि णं भंते सम्मुच्छिममणुस्सा सम्मुच्छंति गोयमा अंतोमणुस्सखेत्ते पणतालीसाए जोयणसयसहस्सेसु अड्ढाइज्जेसु दीव-समुद्देसु पन्नरससु कम्मभमीसुतीसाए अकम्मभूमीसु छप्पण्णाए अंतरदीवएसु गब्भवक्कंतियमणुस्साणं चेव उच्चारेसु वा पासवणेसु वा खेलेसु वा सिंधाणेसु वा वंतेसु वा पित्तेसु वा पूएसु वा सोणिएसु वा सुक्केसु वा सुक्कपोग्गलपरिसाडेसु वा विगतजीवकलेवरेसु वा थी-पुरिससंजोएसु वा नगरनिद्धमणेसु वा सव्वेसु चेव असुइएस ठाणेसु एत्थ णं सम्मुच्छिममणुस्सा सम्मुच्छंति अंगुलस्स असंखेज्जइभागमेत्तीए ओगाहणए असण्णी मिच्छद्दिट्ठी अन्नाणी सव्वाहिं पज्जत्तीहिं अपज्जत्तगा अंतोमुहुत्ताउया चेव कालं करेंति से त्तं सम्मच्छिममणुस्सा, से किं तं गब्भवक्कंतियमणुस्सा तिविहा पन्नत्ता तं जहा- कम्मभूमगा अकम्मभूमगा अंतरदीवगा से किं तं
[दीपरत्नसागर संशोधितः]
[18]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |