Page Text
________________
संघयणेसु संठाणेसु वण्णेसु गंधेसु य जहण्णेणं अंतोसागरोवमकोडाकोडीओ उक्कोसेणं जा जस्स ओहिया ठिती भणिया तं बंधति नवरं इमं नाणत्तं-अबाहा अबाहूणिया न वुच्चति एवं आणुपुव्वीए सव्वेसिं जाव अतंराइयस्स ताव भाणियव्वं ।
[५४४] नाणावरणिज्जस्स णं भंते कम्मस्स जहण्णठितिबंधए के गोयमा अण्णयरे सुहमसंपराए-उवसामए वा खवए वा एस णं गोयमा नाणावरणिज्जस्स कम्मस्स जहण्णठितिबंधए तव्वइरित्ते अजहण्णे एवं एतेणं अभिलावेणं मोहाउयवज्जाणं सेसकम्माणं भाणियव्वं मोहणिज्जस्स णं भते कम्मस्स जहण्णठितीबंधए के गोयमा अण्णयरे बायरसंपराए-उवसामए वा खवए वा एस णं गोयमा मोह-णिज्जस्स कम्मस्स जहण्णठितिबंधए तव्वतिरित्ते अजहण्णे आउयस्स णं भंते कम्मस्स जहण्णठितिबंधए के गोयमा जे णं जीवे असंखेप्पद्धप्पविढे सव्वणिरुद्धे से आउए सेसे सव्वमहंतीए आउयबंधद्धाए तीसे णं आउयबंधद्धार चरिमकालसमयंसि सव्वजहणियं ठिइं पज्जत्तापज्जत्तियं निव्वत्तेति एस णं गोयमा आउकम्मस्स जहण्णठितिबंधए तव्वइरित्ते अजहण्णे | पय-२३
[५४५] उक्कोसकालठितीयं णं भंते नणावरणिज्जं कम्मं किं नेरइओ बंधंति तिरिक्खजोणिओ बंधति तिरिक्खजोणिणी बंधति मणुस्सो बंधति मणुस्सी बंधंति देवो बंधति देवी बंधंति गोयमा नेरइओ वि बंधंति जाव देवी वि बंधंति, केरिसए णं भंते नेरइए उक्कोसकालठितीयं नाणावरणिज्जं कम्मं बंधंति गोयमा सण्णी पंचिंदिए सव्वाहिं पज्जत्तीहिं पज्जत्ते सागारे जागरे सुतोवउत्ते मिच्छादिट्ठी कण्हलेसे उक्कोससंकिलिट्ठपरिणामे ईसिमज्झिमपरिणामे वा एरिसए णं गोयमा नेरइए उक्कोसकालठितीयं नाणावरणिज्जं कम्मं बंधंति, केरिसए णं भंते तिरिक्खजोणिए उक्कोसकालठितीयं नाणावरणिज्जं कम्म बंधंति गोयमा कम्मभूमए वा कम्मभूमगपलिभागी वा सण्णी पंचेंदिए सव्वाहिं पज्जत्तीहिं पज्जत्तए सेसं तं चेव जहा- नेरइयस्स एवं तिरिक्खजोणिणी वि मणूसे वि मणूसी वि देव-देवी जहा- नेरइए एवं आउयवज्जाणं सत्तण्डं कम्माणं. उक्कोसकालठितीय णं भंते आउयं कम्मं किं नेरडओ बंधड जाव देवी बंधइ गोयमा नो नेरइओ बंधंति तिरिक्खजोणिओ बंधंति नो तिरिक्खजोणिणी बंधंति मणुस्सो वि बंधंति मणस्सी वि बंधंति नो देवो बंधंति नो देवी बंधंति केरिसए णं भंते तिरिक्खजोणिए उक्कोसकालठितीयं आउयं कम्मं बंधंति गोयमा कम्मभूमए वा कम्मभूमगपलिओभागी वा जाव सुतोवउत्ते मिच्छिद्दिट्ठी परमकिण्हलेस्से उक्कोससंकिलिट्ठपरिणामे एरिसए णं गोयमा तिरिक्खजोणिए उक्कोसकालठितीयं आउयं बंधंति केरिसए णं भंते मणूसे उक्कोसकालठितीयं आउयं कम्मं बंधति गोयमा कम्मभूमगे वा कम्मभूमगपलिभागी वासण्णी पंचेंदिए सव्वाहिं पज्जत्तीहिं पज्जत्तए सागारे जागरे स्तो वा मिच्छद्दिट्टी वा कण्हलेसे वा सुक्कलेसे वा नाणी वा अण्णाणी वा उक्कोससंकिलिट्ठ-परिणामे वा तप्पाउगवि-सुज्झमानपरिणामे वा एरिसए णं गोयमा मणूसे उक्कोसकालठिईयं आउयं कम्मं बंधंति केरिसिया णं भंते मणूसी उक्कोसकालठितीयं आउयं कम्मं बंधंति गोयमा कम्मभूमिगा वा कम्मभूमगपलिभागी वा जाव सुतोवउत्ता सम्मद्दिट्ठी सुक्कलेस्सा तप्पाउग्गविसुज्झमानपरिणामा एरिसिया णं गोयमा मणुस्सी उक्कोसकालठितीयं आउयं कम्मं बंधति अंतराइयं जहा- नाणावरणिज्जं ।
• तेवीसइमे पये बीओ उद्देसो समत्तो . तेवीसइमं पयं समत्तं . मुनि दीपरत्नसागरेण संसोधितः संपादितश्च तेवीसइमं पयं समत्तं
दीपरत्नसागर संशोधितः]
[173]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |