Page Text
________________
कम्मस्स जहण्णेणं अंतोमुत्तं उक्कोसेणं पुव्वकोडिं दोहिं मासेहिं अहियं एवं मणुस्साउअस्स वि सेसं जहा बेइंदियाणं नवरं-मिच्छत्तवेयणिज्जस्स जहन्नेणं सागरोवमसतं पलिओवमस्स असंखेज्जइभागेणं ऊणयं उक्कोसेणं तं चेव पडिपुन्नं बंधंति सेसं जहा- बेइंदियाणं जाव अंतराइयस्स ।
असण्मी णं भंते जीवा पंचेंदिया नाणावरणिज्जस्स कम्मस्स किं बंधंति गोयमा जहण्णेणं सागरोवमसहस्सस्स तिण्णि सत्तभागे पलिओवमस्स असंखेज्जइभागेणंऊणए उक्कोसेणं ते चेव पडिपुन्ने बंधंति एवं सो चेव गमो जहा- बेइंदियाणं नवरं-सागरोवमसहस्सेणं समं भाणियव्वा जस्स जति भाग त्ति मिच्छत्तवेदणिज्जस्स जहण्णेणं सागरोवमसहस्सं पलिओवमस्सं असेज्जइ भागेणं ऊणयं उक्कोसेणं तं चेव पडिपुन नेरइयाउअस्स जहण्णेणं दस वाससहस्साइं अंतोमुत्तब्भहियाइं उक्कोसेणं पलिओवमस्स असंखेज्जइभागं पुव्वकोडितिभागमब्भहियं बंधति एवं तिरिक्खजोणियाउयस्स वि नवरं-जहण्णेणं अंतोमुहत्तं
एवं
पय-२३
मणुस्साउयस्स वि देवाउयस्स जहा- नेरइयाउयस्स असण्णी णं भंते जीवा पंचेंदिया निरयगतिनामाए कम्मस्स किं बंधति गोयमा जहण्णेणं सागरोवमसहस्सस्स दो सतत्भागे पलिओवमस्स असंखेज्जइभागेणं ऊणए उक्कोसेणं ते चेव पडिपुन्ने एवं तिरियगतीए वि मणुयगतिनामाए वि एवं चेव नवरं-जहण्णेणं सागरोवमसहस्सस्स दिवड्ढे सत्तभागं पलिओवमस्स असंखेज्जइभागेमं ऊणयं उक्कोसेणं तं चेव पडिपन्नं बंधति एवं देवगतिनामाए वि नवरं-जहण्णेणं सागरोवमसहस्सस्स एगं सत्तभागं पलिओवमस्स असंखेज्जइ-भागेणं ऊणयं उक्कोसेणं तं चेव पडिपन्नं वेउव्वियसरीरनामाए पुच्छा गोयमा जहण्णेणं सागरोवम-सहस्सस्स दो सत्तभागे पलिओ-वमस्स असंखेज्जइभागेणं ऊणए उक्कोसेणं दो पडिपुन्ने बंधंति, सम्त्त-सम्मामिच्छत्त-आहा-रगसरीरनामाए तित्थगरनामाए य न किंचि बंधंति अवसिटुं जहा- बेइंदियाणं नवरं-जस्स जत्तिया भागा तस्स ते सागरोवमसहस्सेणं सह भाणियव्वा सव्वेसिं आणुपुव्वीए जाव अंतराइयस्स ।
सण्णी णं भंते जीवा पंचेंदिया नाणावरणिज्जस्स कम्मस्स किं बंधंति गोयमा जहण्णेणं अंतोमुहुत्तं उक्कोसेणं तीसं सागरोवमकोडाकोडीओ तिण्णि य वाससहस्साइं अबाहा अबाहूणिया कम्मठितीकम्मणिसेगो, सण्णी णं भंते पंचेंदिया निद्दापंचगस्स किं बंधंति गोयमा जहण्णेणं अंतोसागरो-वमकोडाकोडीओ उक्कोसेणं तीसं सागरोवमकोडाकोडीओ तिण्णि य वासवाससहस्साइं अबाहा जाव कम्मणिसेगो दंसणचउक्कस्स जहा- नाणावरणिज्जस्स सातावेदणिज्जस्स जहा- ओहिया ठिती भणिया तहेव भाणियव्वा इरियावहियाबंधयं पुडच्च संपराइयबंधयं च असातावेयणिज्जस्स जहा निद्दापंचगस्स सम्मत्तवेदणिज्जस्स सम्मामिच्छत्तवेदणिज्जस्स य जा ओहिया ठिती भणिया तं बंधंति मिच्छत्तवेदणिज्जस्स जहण्णेणं अंतोसागरोवमकोडाकोडीओ उक्कोसेणं सत्तरिं सागरोवमकोडाकोडीओ सत्त य वाससहस्साई अबाहा जाव कम्मणिसेगो कसायबारसगस्स जहण्णेणं एवं चेव उक्कोसेणं चत्तालीसं सागरोवमकोडाकोडीओ चत्तालीस य वाससयाइं अबाहा जाव कम्मणिसेगो कोहमान-माया-लोभसंजलणाए य दो मासा मासो अद्धमासो अंतोमुहुत्तो एयं जहण्णगं उक्कोसगं पुण जहा- कसायबारसगस्स चउण्हं वि आउयाणं जा ओहिया ठिती भणिया तं बंधंति आहारगसरीरस्स तित्थगरनामाए य जहण्णेणं अंतोसागरोवकोडाकोडीओ उक्कोसेण वि अंतोसागरोवमकोडाकोडीओ दस य वाससयाई अबाहा जाव कम्मणिसेगो जसोकित्तिनामाए उच्चागोयस्स य एवं चेव नवरं-जहण्णेणं अट्ठ मुहुत्ता अंतराइयस्स जहा- नाणावरणिज्जस्स सेसएसु सव्वेसु ठाणेसु
दीपरत्नसागर संशोधितः]
[172]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |