Page Text
________________
अंतराइए कम्मे एस णं गोयमा अंतराइयस्स कम्मस्स जीवेणं बद्धस्स जाव पोग्गलपरिणामं पप्प पंचविहे अनुभावे पन्नत्ते ।
तेवीसहमे पये पढ़मो उहेसो समत्तो .
। बीओ-उद्देसो । [५४०] कति णं भंते कम्मपगडीओ पन्नत्ताओ गोयमा अट्ठ कम्मपगडीओ पन्नत्ताओ तं
पय-२३
जहा- नाणावरणिज्जं जाव अंतराइयं नाणावरणिज्जे णं भंते कम्मे कतिविहे पन्नत्ते गोयमा पंचविहे० आभिणिबोहियनाणावरणिज्जे सुयनाणावरणिज्जे ओहिनाणावरणिज्जे मणपज्जवनाणावरणिज्जे केवलनाणा-वरणिज्जे, दरिसणावरणिज्जे णं भंते कम्मे कतिविहे पन्नत्ते गोयमा दुविहे. निद्दापंचए य दंसणचउक्कए य निद्दापंचए णं भंते कतिविहे पन्नत्ते गोयमा दुविहे. निद्दापंचए य दंसणचउक्कए य निद्दापंचए णं भंते कतिविहे पन्नत्ते गोयमा पंचविहे. निद्दा जाव थीणद्धी दंसणचउक्कए णं भंते कतिविहे पन्नत्ते गोयमा चउव्विहे० चक्खुदंसणावरणिज्जे जाव केवलदंसणावरणिज्जे, वेयणिज्जे णं भंते कम्मे कतिविहे पन्नत्ते गोयमा दविहे. सातावेदणिज्जे य असातावेयणिज्जे य सातावेयणिज्जे णं भंते कम्मे कतिविहे पन्नत्ते गोयमा अट्ठविहे० मणुण्णासद्दा जाव कायसुहया अस्सायावेदणिज्जे णं भंते कम्मे कतिविहे पन्नत्ते गोयमा अट्ठविहे अमणुण्णासद्दा जाव कायदुहया,
मोहणिज्जे णं भंते कम्मे कतिविहे पन्नत्ते गोयमा दुविहे. दंसणमोहणिज्जे य चरित्तमोहणिज्जे य दंसणमोहणिज्जे णं भंते कम्मे कतिविहे पन्नत्ते गोयमा तिविहे० सम्मत्तवेयणिज्जे मिच्छत्तवेयणिज्जे सम्मामिच्छत्तवेयणिज्जे, चरित्तमोहणिज्जे णं भंते कम्मे कतिविहे पन्नत्ते गोयमा दुविहे० कसायवेणिज्जे य नोकसायवेयणिजजे य कसायवेयणिज्जे णं भंते कम्मे कतिविहे पन्नत्ते गोयमा सोलसविहे पन्नत्ते तं जहा- अनंताणुबंधी कोहो अनंताणुबंधी माने अनंताणुबंधीमाआ अनंताणुबंधीलोभे अपच्चक्खाणेकोहे एवं माने माया लोभे पच्चक्खाणवरणेकोहे एवं माने माया लोभे संजलणेकोहे एवं माने माया लोभे नोकसायवेयणिज्जे णं भंते कम्मे कतिविहे पन्नत्ते गोयमा नवविहे. इत्थिवेए परिसवेए नपुंसगवेए हासे रती अरती भए सोगे दुगुंछा, आउए णं भंते कम्मे गोयमा चउव्विहे पन्नत्ते तं जहानेरइयाउए जाव देवाउए
नामे णं भंते कम्मे गोयमा बायालीसविहे पन्नत्ते तं जहा- गतिनामे जाइनामे सरीरनामे सरीरंगोवंगनामे सरीरबंधणनामे सरीरसंघायनामे संघयणनामे संठाणनामे वण्णनामे गंधनामे रसनामे फासनामे अगुरलहुनामे उवधायनामे पराधायनामे आणुपुव्वीनामे उस्सासनामे आयवनामे उज्जोयनामे विहायगहतिनामे तसनामे थावरनामे सुहुमनामे बादरनामे पज्जत्तगानामे अपज्जत्तगनामे साहारणसरीरनामे पत्तेयसरीरनामे थिरनामे अथिरनामे सुभनामे असुभनामे सुभगनामे दूभगनामे सूसरनामे दूसरनामे आदेज्जनामे अणादेज्जनामे जसोकित्तिनामे अजसोकित्तिनामे निम्माणनामे |
गतिनामे णं भंते कम्मे गोयमा चउविहे पन्नत्ते तं जहा- निरयगतिनामे तिरियगतिनामे मणुयगतिनामे देवगतिनामे जाइनामे णं भंते कम्मे गोयमा पंचविहे पन्नत्ते तं जहा- एगिंदियजाइनामे जाव पंचेंदियजाइनामे सरीरनामे णं भंते कम्मे गोयमा पंचविहे पन्नत्ते तं जहा- ओरालियसरीरनामे जाव कम्मगसरीरनामे सरीरंगोवंगनामे णं भंते कम्मे गोयमा तिविहे पन्नत्ते तं जहा- ओरालियसरीरंगोवंगनामे
दीपरत्नसागर संशोधितः]
[166]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |