Page Text
________________
वउव्वियसरीरंगोवंगनामे आहारगसरीरंगोवंगानामे सरीरबंधणणनामे णं भंते गोयमा पंचविहे पन्नत्ते तं जहा- ओरालियसरीरबंधणनामे जाव कम्मगसरीरबंधणनामे सरीरसंघायनामे णं भंते गोयमा पंचवि पन्नत्ते तं जहा- ओरालियसरीरसंघातनामे जाव कम्मगसरीरसंघायनामे संघयणनामे णं भंते गोयमा छव्विहे पन्नत्ते तं जहा- वइरोसभनारायसंघयणनामे उसभनारायसंघयणनामे नारायसंघयणनामे अद्धनारायसंघयणनामे खीलियसंघयणनामे छेवट्टसंघयणनामे संठाणनामे णं भंते गोयमा छव्विहे समचउरससंठाणनामे नग्गोहपरिमंडलसंठाणनामे सातिसंठाणनामे वामणसंठाणनामे खुज्जसंठाणा हुंडसंठाणनामे वण्णनामे णं
पय-२३
भंते कम्मे गोयमा पंचविहे कालवण्णनामे जाव सुक्किलवण्णनामे गंधनामे णं भंते कम्मे पुच्छा गोयमा दुविहे सुरभिगंधणामे दुरभिगंधणामे रसनामे णं पुच्छा गोयमा पंचविहे पन्नत्ते तं जहा- तित्तरसणा जाव महुररसणामे फासनामे णं पुच्छा गोयमा अट्ठविहे पन्नत्ते तं जहा- कक्खडफासणामे व लुक्खफासणामे अगुरुलहुअनामे एगागारे पन्नत्ते उवधायनामे एगागारे पन्नत्ते पराधायनामे गागारे पन्नत्ते आणुपुव्विनामे चउव्विहे पन्नत्ते तं जहा- नेरइयाणुपुव्विणामे जाव देवाणुपुव्विणामे उसासा गागारे पन्नत्ते सेसाणि सव्वाणि एगागाराई पन्नत्ताइं जाव तित्थगरनामे नवरं विहायगतिनामे दुविहे पसत्थविहायगतिणामे य अपसत्थविहायगतिणामे य, गोए णं भंते कम्मे कतिविहे पन्नत्ते गोयमा दुव उच्चागोए य नीयागोए य उच्चागोए णं भंते कम्मे गोयमा अट्ठविहे पन्नत्ते तं जहा- जाइविसिट्ठया जाव इस्सरियविसिट्ठिया एवं नीयागोए वि नवरं जातिविहीणया जाव इस्सरियविहीणया अंतराइए णं भंते कम्मे गोयमा पंचविहे पन्नत्ते तं जहा- दानंतरइए जाव वीरियंतराइए ।
[५४१] नाणावरणिज्जस्स णं भंते कम्मस्स केवतियं कालं ठिती पन्नत्ता गोयमा जहण्णेणं अंतोमुहुत्तं उक्कोसेणं तीसं सागरोवमकोडाकोडीओ तिण्णि य वाससहस्साइं अबाहा अबाहूणिया कम्मठितीकम्मनिसेगो, निद्दापंचयस्स णं पुच्छा गोयमा जहण्णेणं सागरोवमस्स तिण्णि सत्तभागा पलिओवमस्स असंखेज्जइभागेणं ऊणया उक्कोसेणं तीसं सागरोवमकोडाकोडीओ तिण्णि य वाससहस्साइं अबाहा अबाहूणिया कम्मठिती-कम्मनिसेगो दंसणचउक्कस्स णं पुच्छा गोयमा जहण्णेणं अंतोमुहुत्तं उक्कोसेणं तीसं सागरोवमकोडाकोडीओ तिण्णि य वाससहस्साइं अबाहा अबाहूणिया कम्मठिती-कम्मनिगो सातावेयणिज्जस्स इरियावाहियबंधगं पडुच्च अजहण्णमणुक्कोसेणं दो समया संपराइयबंधगं पडुच्च जहण्णेणं बारस मुहुत्ता उक्कोसेणं पन्नरस सागरोवम कोडाकोडीओ पन्नरस य वाससताइं अबाहूणिया कम्मठिती - कम्मनिसेगो असायावेयणिज्जस्स जहण्णेणं सागरोवमस्स तिण्णि सत्तभागा पलिओवमस्स असंखेज्जइभागेणं ऊणया उक्कोसेणं तीसं सागरोवमकोडोकोडीओ तिण्णि व वाससहस्साइं अबाहा अबाहूणिया कम्मठितीकम्मनिसेगो सम्मत्तवेयणिज्जस्स पुच्छा गोयमा जहण्णेणं अंतोमुहुत्तं उक्कोसेणं छावट्ठिसागरोवमाइंसाइरेगाई मिच्छत्तवेयणिज्जस्स जहणेणं सागरोवमंपलिओवमस्सअसंखेज्जिइभागेणं ऊणगं उक्कोसेणं सत्तरिं कोडाकोडीओ सत्त य वाससहस्साइं अबाहा अबूहणिया कम्मठिती-कम्मनिसेगो सम्मामिच्छत्तवेदणिज्जस्स जहणणेणं अंतोमुहुत्तं उक्कोसेणं वि अंतोमुहुत्तं कसायबासगस्स जहण्णेणं सागरोवमस्स चत्तारि सत्तभागा पलिओवमस्स असंखेज्जइभागेणं ऊणया उक्कोसेणं चत्तालीसं सागरोवमकोडाकोडीओ चत्तालीसं वाससताई अबाहा जाव कम्मणिसेगो कोहसंजलणाए पुच्छा गोयमा जहण्णेणं दो मासा उक्कोसेणं चत्तालीसं सागरोवमकोडाकोडीओ चत्तालीसं [दीपरत्नसागर संशोधितः ] [१५- पन्नवणा]
[167]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |