Page Text
________________
गोयमा मोहणिज्जस्स कम्मस्स जीवेणं बद्धस्स जाव पोग्गलपरिणामं पप्प पंचविहे अनुभावे पन्नत्ते, आउयस्स णं भंते कम्मस्स जीवेणं बद्धस्स जाव कतिविहे अनुभावे पन्नत्ते गोयमा आउयस्स णं कम्मस्स जीवेणं बद्धस्स जाव पोग्गल्लपरिणामं पप्प चउविहे अनुभावे पन्नत्ते तं जहा- नेरइयाउए तिरियाउ मया देवा जं वेइए पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं सिं वा उदएणं आउयं कम्मं वेदेति एस णं गोयमा आउए कम्मे एस णं गोयमा आउयस्स कम्मस्स जीवेणं बद्धस्स जाव पोग्गलपरिणामं पप्प चउव्विहे अनुभावे पन्नतते, सुभनामस्स णं भंते कम्मस्स जीवेणं
पय-२३
बद्धस्स० कतिविहे अनुभावे पन्नत्ते गोयमा सुभनामस्स णं कम्मस्स जीवेणं बद्धस्स जाव पोग्गलपरिणामं पप्प चोद्दसविहे अनुभावे पन्नत्ते तं जहा- इट्ठासद्दा इट्ठारूवा इट्ठागंधा इट्ठारसा इट्ठाफासा इट्ठागती इट्ठाठी इट्ठेलावण्णे इट्ठाजसोकित्ती इट्ठेउट्ठाण-कम्मबल-वीरिय-पुरिसक्कार-परक्कमे इट्ठस्सरता कंतस्सरता पियस्सरता मणुण्णस्सरता जं वेइए पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं तेसिं वा उदएणं सुभनामं कम्मं वेदेति एस णं गोयमा सुभनामे कम्म एस णं गोयमा सुभनामस्स कम्मस्स जीवेणं बद्धस्स जाव पोग्गलपरिणामं पप्प चोद्दसविहे अनुभावे पन्नत्ते, दुहनामस् णं भंते कम्मस्स जीवेणं बद्धस्स जाव कतिविहे अनुभावे पन्नत्ते गोयमा दुहनामस्स णं कम्मस्स जीवेणं बद्धस्स जाव पोग्गलपरिणामं पप्प चोद्दसविहे अनुभावे पन्नत्ते तं जहा - अणिट्ठासद्दा अणिट्ठारूवा अणिट्ठागंधा अणिट्ठारसा अणिट्ठाफासा अणिट्ठागती अणिट्ठाठिती अणिट्ठेलावण्णे अणिट्ठाजसोकित्ती अणिट्ठेउट्ठाण-कम्म-बल-वीरिय- पुरिसक्कार -परक्कमे हीणस्सरता दीणस्सरता अणिट्ठस्सरता अकंतस्सरता जं वेएइ पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं तेसिं वा उदएणं दुहनामं कम्मं वेदेति एस णं गोयमा दुहनामे कम्मे एस णं गोयमा दुहणामस्स कम्मस्स जीवेणं बद्धस्स ज पोग्गलपरिणामं पप्प चोद्दसविहे अनुभावे पन्नत्ते ।
उच्चागोयस्स णं भंते कम्मस्स जीवेणं बद्धस्स जाव कतिविहे अनुभावे पन्नत्ते गोयमा उच्चागोयस्स णं कम्मस्स जीवेणं बद्धस्स जाव पोग्गलपरिणामं पप् अट्ठविहे अनुभावे पन्नत्ते तं जहाजातिविसिट्ठया कुलविसिट्ठया बलविसिट्ठया रूवविसिट्ठया तवविसिट्ठया सुयविसिट्ठया लाभविसिट्ठया इस्सरियविसिट्ठया जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं तेसिं वा उदएणं उच्चागोयं कम्मं वेदेति एस णं गोयमा उच्चागोए कम्मे एस णं गोयमा उच्चागोयस्स कम्मस्स जीवेणं बद्धस्स जाव पोग्गलपरिणामं पप्प अट्ठविहे अनुभावे पन्नत्ते, नीयागोयस्स णं भंते कम्मस्स जीवेणं बद्धस्स जाव कतिविहे अनुभावे पन्नत्ते गोयमा नीयागोयस्स णं कम्मस्स जीवेणं बद्ध जाव पोग्गलपरिणामं पप्प अट्ठविहे अनुभावे पन्नत्ते तं जहा- जातिविहीणया कुलविहीणया बलविहीणया रूववहीणया तवविहीणया सुयविहीणया लाभविहीणया इस्सरियविहीणया जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं तेसिं वा उदएणं [नीयागोयं कम्मं वेदेति एस णं गोयमा नीयागोए कम्मे एस णं गोयमा नीयागोयस्स कम्मस्स जीवेणं बद्धस्स जाव पोग्गलपरिणामं पप्प] अट्ठविहे अनुभावे पन्नत्ते, अंतराइयस्स णं भंते कम्मस्स जीवेणं बद्धस्स जाव कतिविहे अनुभावे प गोयमा अंतराइयस्स णं कम्मस्स जीवेणं बद्धस्स जाव पोग्गलपरिणामं पप्प पंचविहे अनुभावे तं जहा- दानंतरए लाभंतराए भोगंतराए उवभोगंतराए विरियंतराए जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं तेसिं वा उदएणं अंतराइयं कम्मं वेदेति एस णं गोयमा [दीपरत्नसागर संशोधितः ]
[165]
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |