Page Text
________________
जीवेणं निव्वत्तियस्स जीवेणं परिणामियस्स सयं वा उदिण्णस्स परेण वा उदीरियस्स तभएण व उदीरिज्जमाणस्स गतिं पप्प ठितिं पप्प भवं पप्प पोग्गलं पप्प पोग्गलपरिणामं पप्प कतिविहे अनुभावे पन्नत्ते गोयमा नाणावरणिजस्स णं कम्मस्स जीवेणं बद्धस जाव पोग्गलपरिणामं पप्प दसविहे अनुभावे पन्नत्ते तं जहा- सोयावरणे सोयाविन्नाणावरणे नेत्तावरणे नेत्तविन्नाणावरणे घाणावरणे धाणविन्नाणावरणे रसावरणे रसविन्नाणावरणे फासावरणे फासविन्नाणावरणे जं वेदेति पोग्गलं वा पोग्गले वा पोग्गलपरिणामं पय-२३
वा वीससा वा पोग्गलाणं परिणामं तेसिं वा उदएणं जाणियव्वं न जाणइ जाणिउकामे वि न याणति जाणित्ता वि न याणति उच्छण्णनाणी यावि भवति नाणावरणिज्जस्स कमस्स उदएणं एस णं गोयमा नाणावरणिज्जे कम्मे एस णं गोयमा नाणावरणिज्जस्स कम्मस्स जीवेणं बद्धस्स जाव पोग्गलपरिणाम पप्प दसविहे अनुभावे पन्नत्ते, दरिसणावरणिज्जस्स णं भंते कम्मस्स जीवेणं बद्धस्स जाव पोग्गलपरिणामं पप्प कतिविहे अनुभावे पन्नत्ते गोयमा दरिसणावरणिज्जस्स णं कम्मस्स जीवेणं बद्धस्स जाव पोग्गलपरिणामं पप्प नवविहे अनुभावे पन्नत्ते तं जहा- निद्दा निद्दानिद्दा पयला पयलापयला थीणद्धी चक्खुदंसणावरणे अचक्खुदंसणावरणे ओहिदंसणावरणे केवलदंसणावरणे जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणाम तेसिं वा उदएणं पासियव्वं न पासति पासिउकामे वि न पासति पासित्ता वि न पासति उच्छन्नदंसणी यावि भवति दरिसणावरणिज्जस्स कम्मस्स उदएणं एस प्पं गोयमा दरिसणावरणिज्जे कम्मे एस णं गोयमा दरिसणावरणिज्जस्स कम्मस्स जीवेणं बद्धस्स जाव पोग्गलपरिणामं पप्प नवविहे अनुभावे पन्नत्ते ।
सातावेदणिज्जस्स णं भंते कम्मस्स जीवेणं बद्धस्स जाव पोग्गलपरिणामं पप्प कतिविहे अनुभावे पन्नत्ते गोयमा सायावेदणिज्जस्स णं कम्मस्स जीवेणं बद्धस्स जाव पोग्गलपरिणामं पप्प अट्ठविहे अनुभावे पन्नत्ते तं जहा- मणुण्णासद्दा मणुण्णारूवा मणुण्णागंधा मणुण्णारसा मणुण्णा फासा मणोसुहता वइसुहता कायसुहता जं वेइए पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं तेसिं वा उदएणं सातावेदणिज्जं कम्मं वेदेति एस णं गोयमा सातावेदणिज्जे कम्मे एस णं गोयमा सातावेयणिज्जस्स कम्मस्स जीवेणं बद्धस्स जाव पोग्गलपरिणामं पप्प अट्टविहे अनभावे पन्नत्ते, अस्सातावेयणिज्जस्स णं भंते कम्मस्स जीवेणं जाव पोग्गलपरिणामं पप्प कतिविहे अनुभावे पन्नत्ते गोयमा अस्सातावेदणिज्जस्स णं कम्मस्स जीवेणं बद्धस्स जाव पोग्गलपरिणामं पप्प अट्ठविहे अनुभावे पन्नत्ते तं जहा- अमणुणअणा सद्दा जाव कायदुहता जं वेएइ पोग्गलं वा पोग्गलेवा पोग्गलपरिणामं वा वीससा वा पोग्गलाणं परिणाम तेसिं वा उदएणं असायावेयणिज्जं कम्मं वेदेति एस णं गोयमा असायावेदणिज्जे कम्मे एस णं गोयमा असायवेयणिज्जस्स कम्मस्स जीवेणं बद्धस्स जाव पोग्गलपरिणाम पप्प अट्ठविहे अनभावे पन्नत्ते,
मोहणिज्जस्स णं भंते कम्मस्स जीवेणं बद्धस्स जाव पोग्गलपरिणामं पप्प कतिवहे अनुभावे पन्नत्ते गोयमा मोहणिज्जस्स णं कम्मस्स जीवेणं बद्धस्स जाव पोग्गलपरिणामं पप्प पंचविहे अनुभावे पन्नत्ते तं जहा- सम्मत्तवेयणिज्जे मिच्छत्तवेयणिज्जे सम्मामिच्छत्तवेयणिज्जे कसायवेयणिज्जे नोकसायवेयणिज्जे जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणाम तेसिं वा उदएणं मोहणिज्जं कम्मं वेदेति एस णं गोयमा मोहणिज्जे कम्मे एस णं
दीपरत्नसागर संशोधितः]
[164]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |