Page Text
________________
विरयस्स णं पुच्छा गोयमा आरंभिया वि किरिया कज्जति जाव अपच्चक्खाणकिरिया वि कज्जति मिच्छादंसणवत्तिया किरिया नो कज्जति एवं जाव थणियकुमारस्स मिच्छादंसणसल्लविरयस्स णं भंते पंचेंदियतिरिक्खजोणियस्स एवमेव पुच्छा गोयमा आरंभिया किरिया कज्जइ जाव मायावत्तिया किरिया कज्जइ अपच्चक्खाणकिरिया सिय कज्जइ सिय नो कज्जइ मिच्छादंसणवत्तिया किरिया नो कज्जति मणूस जहा- जीवस्स वाणमंतर - जोइसिय-वेमाणियाणं जहा- नेरइयस्स एतासि णं भंते आरंभियाणं जाव
पय-२२
मिच्छादंसणवत्तियाण य कयरे कयरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवाओ मिच्छादंसणवत्तियाओ किरियाओ अप्पच्चक्खाणकिरियाओ विसेसाहियाओ परिग्गहियाओ विसेसाहियाओ आरंभियाओ किरियाओ विसेसाहियाओ मायावत्तियाओ विसेसाहियाओ ।
मुनि दीपरत्नसागरेण संसोधितः संपादितश्च बावीसइमं पयं समत्तं
[] तेवीसइमं कम्मपगडी पयं
पढमो- उद्देसओ
[५३४] कति पगडी कह बंधति कतिहि व ठाणेहिं बंधए जीवो ।
कति वेदेइ य पयडी अनुभावो कतिविहो कस्स ।
[ ५३५] कति णं भंते कम्मपगडीओ पन्नत्ताओ गोयमा अट्ठ कम्मपगडीओ पन्नत्ताओ तं जहा- नाणावरणिज्जं दंसणावरणिज्जं वेदणिज्जं मोहणिज्जं आउयं नामं गोयं अंतराइयं नेरइयाणं भंते कति कम्मपगडीओ पन्नत्ताओ गोयमा एवं चेव एवं जाव वेमाणियाणं ।
-
[ ५३६ ] कहण्णं भंते जीवे अट्ठ कम्मपगडीओ बंधइ गोयमा नाणावरणिज्जस्स कम्मस्स उदएणं दंसणावरणिज्जं कम्मं नियच्छति दंसणावरणिज्जस्स कम्मस्सउदएणं दंसणमोहणिज्जं कम्मं नियच्छति दंसणमोहणिज्जस्स कम्स्स उदएणं मिच्छत्तं नियच्छति मिच्छत्तेणं उदिण्णेणं गोयमा एवं खलु जीवे अट्ठ कम्मपगडीओ बंधइ कहण्णं भंते नेरइए अट्ठ कम्मपगडीओ बंधति गोयमा एवं चेव एवं जाव वेमाणिए कहण्णं भंते जीवा अट्ठ कम्मपगडीओ बंधति गोयमा एवं चेव एवं जाव वेमाणिया । [५३७] जीवे णं भंते नाणावरणिज्जं कम्मं कतिहिं ठाणेहिं बंधति गोयमा दोहिं ठाणेहिं तं जहा- रागेण य दोसेण य रागे दुविहा पन्नत्ते तं जहा- माया य लोभे य दोसे दुविहे पन्नत्ते तं जहाकोहे य माणे य इच्चेतेहिं चउहिं ठाणेहिं वीरिओवग्गहिएहिं एवं खलु जीवे नाणावरणिज्जं कम्मं बंधत एवं नेरइए जाव वेमाणिए जीवा णं भंते नाणावरणिज्जं कम्मं० दोहिं ठाणेहिं एवं चेव एवं नेरइया जाव वेमाणिया एवं दंसणावरणिज्जं जाव अंतराइयं एवं एते एगत्तं- पोहत्तिया सोलस दंडगा ।
[ ५३८] जीवे णं भंते नाणावरणिज्जं कम्मं वेदेति गोयमा अत्थेगइए वेदेति अत्थेगइए नो वेदेति नेरइए णं भंते नाणावरणिज्जं कम्मं वेदेति गोयमा नियमा वेदेति एवं जाव वेमाणिए नवरं - मणूसे जहा- जीवे, जीवा णं भंते नाणावरणिज्जं कम्मं वेदेंति गोयमा एवं चेव एवं जाव वेमाणिया एवं जाव नाणावणिज्जं तहा दंसणावरणिज्जं मोहणिज्जं अंतराइयं च वेदणिज्जाउय-नाम- गोयाइं एवं चेव नवरंसे विनियमा वेदेति एवं एते एगत्तं - पोहत्तिया सोलस दंडगा ।
[५३९] नाणावरणिज्जस्स णं भंते कम्मस्स जीवेणं बद्धस्स पुट्ठस्स बद्ध- फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स
[दीपरत्नसागर संशोधितः]
[163]
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |