Page Text
________________
पारियावणिया किरिया कज्जति एवं पाणाइवायकिरियावि एवं आदिल्लाओ परोप्परं नियमा तिण्णि कज्जंति जस्स आदिल्लाओ तिण्णि कज्जंति तस्स उवरिल्लाओ दोण्णि सिय कज्जंति सिय नो कज्जंति जस्स उवरिल्लाओ दोण्णि कज्जति तस्स आइल्लाओ तिण्णि नियमा कज्जंति जस्स णं भंते जीवस्स पारियावणिया किरिया कज्जइ तस्स पाणाइवायकिरिया कज्जति जस्स पाणाइवायकिरिया कज्जति तस्स पय-२२
पारियावणिया किरिया कज्जति गोयमा जस्स णं जीवस्स पारियावणिया किरिया कज्जति तस्स पाणइवायकिरिया सिय कज्जति सिय नो कज्जति जस्स पण पाणाइवायकिरिया कज्जति तस्स पारियावणिया किरिया नियमा कज्जति जस्स णं भंते नेरइयस्स काइया किरिया कज्जति तस्स अहिगरणिया किरिया कज्जति गोयमा जहेव जीवस्स तहेव नेरइयस्स वि एवं निरंतरं जाव वेमाणियस्स, जं समयं णं भंते जीवस्स काइया किरिया कज्जति तं समयं अहिगरणिया किरिया कज्जति जं समयं अहिगरणिया किरिया कज्जति तं समयं काइया किरिया कज्जति एवं जहेव आइल्लओ दंडओ भणिओ तहेव भाणियव्वो जाव वेमाणियस्स जं देसं णं भंते जीवस्स काइया किरिया कज्जति तं देसं णं अहिगरणिया किरिया कज्जति तहेव जाव वेमाणियस्स जं पएसं णं भंते जीवस्स काइया किरिया कज्जति तं पएसं अहिगरणिया किरिया कज्जति एवं तहेव जाव वेमाणियस्स एवं एते-जस्स जं समयं जं देसं जं पएसं णं-चत्तारि दंडगा होति, कति णं भंते आजोजिताओ किरियाओ पन्नत्तओ गोयमा पंच० जहाकाइया जाव पाणाइवायकिरिया एवं नेरइयाणं जाव वेमाणियाणं जस्स णं भंते जीवस्स काइया आओजिया किरिया अत्थि तस्स अहिगरणिया आओजिया किरिया अत्थि जस्स अहिगरणिया आओजिया किरिया अत्थि तस्स काइया आओजिया किरिया अत्थि एवं एतेणं अभिलावेणं ते चेव चत्तारि दंडगा भाणियव्वाजस्स जं समयं जं देसं जं पदेसं जाव वेमाणियाणं जीवे णं भंते जं समयं काइयाए अहिगरणियाए पाओसियाए किरियाए पुढे तं समयं पारियावणियाए किरियाए पुढे पाणाइवायकिरियाए पुढे गोयमा अत्थेगइए जीवे एगइयाओ जीवाओ जं समयं काइयाए अहिगरणियाए पाओसियाए किरियाए पुढे तं समयं पारियावणियाए किरियाए पुढे पाणाइवाय किरियाए पुढे अत्थेगइए जीवे एगइओ जीवाओ जं समयं काइयाए अहिगरणियाए पाओसियाए किरियाए पुढे तं समयं पारियावणियाए किरियाए पुढे पाणाइवायकिरियाए अपुढे अत्थेगइए जीवे एगइयाओ जीवाओ जं समयं काइयाए अहिगरणियाए पाओसियाए किरियाए पुढे तं समयं पारियावणियाए किरियाए अपुढे पाणाइवायकिरियाए अपुढे अत्थेगइए जीवे एगइयाओ जीवाओ जं समयं काइयाए अहिगरणियाए पाओसियाए किरियाए अपुढे तं समयं पारियावणियाए किरियाए अपुढे पाणाइवायकिरियाए अपुढे ।
[५३०] कइ णं भंते किरियाओ पन्नत्ताओ गोयमा पंच० आरंभिया परिग्गहिया मायावत्तिया अपज्जक्खाणकिरिया मिच्छादंसणवत्तिया, आरंभिया णं भंते किरिया कस्स कज्जति गोयमा अण्णयकस्सावि पमत्तसंजयस्स परिग्गहिया णं भंते किरिया कस्स कज्जति गोयमा अण्णयरकस्सावि संजयासंजयस्स मायावत्तिया णं भंते किरिया कस्स कज्जति गोयमा अण्णयरस्सावि अपमत्तसंजयस्स अपच्चक्खाणकिरिया णं भंते कस्स कज्जति गोयमा अम्णयरस्सावि अपच्चक्खाणिस्स मिच्छादंसणवत्तिया णं भंते किरिया कस्स कज्जति गोयमा अण्णयरस्सावि मिच्छदंसणिस्स नेरइयाणं भंते कति किरियाओ पन्नत्ताओ गोयमा पंच० आरंभिया जाव मिच्छादंसणवत्तिया एवं जाव वेमाणियाणं जस्स णं भंते जीवस्स आरंभिया किरिया कज्जति तस्स परिग्गहिया किरिया कज्जति जस्स परिग्गहिया
दीपरत्नसागर संशोधितः]
[160]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |