Page Text
________________
एगत्त-पोहत्तिया सोलस दंडगा, जीवे णं भंते जीवातो कतिकिरिए गोयमा सिय तिकिरिए सिय चउकिरिए सिय अकिरिए एवं जाव थणियकुमाराओ पुढविक्काइयाओ जाव वणस्सइकायाओ बेइंदिय-जाव पंचिंदियतिरिक्खजोणिया मणसातो जहा- जीवातो वाणमंतर-जोइसिय-वेमाणियाओ जहा- नेरइयाओ जीवे णं भेते जीवेहिंतो कतिकिरिए गोयमा सिय तिकिरिए सिय चउकिरियए सिय पंचकिरिए सिय अकिरिए पय-२२
जीवे णं भंते नेरइएहिंतो कतिकिरिए गोयमा सिय तिकिरिए सिय चउकिरिए सिय अकिरिए एवं जहेव पढमो दंडओ तहा एसो वि बितिओ भाणियव्वो जीवा णं भंते जीवाओ कतिकिरिया गोयमा तिकिरिया वि चउकिरिया वि पंचकिरिया वि अकिरिया वि जीवा णं भंते नेरइयाओ कतिकिरिया गोयमा जहेव आइल्लदंडओ तहेव भाणियव्वो जाव वेमाणिय त्ति जीवा णं भंते जीवेहिंतो कतिकिरिया गोयमा तिकिरिया वि जाव अकिरिया वि जीवा णं भंते नेरइएहिंतो कतिकिरिया गोयमा तिकिरिया वि चउकिरिया वि अकिरिया वि असुरकुमारेहिंतो वि एवं चेव जाव वेमाणिएहिंतो ओरालियसरीरेहिंतो जहा- जीवेहिंतो नेरइए णं भंते जीवातो कतिकिरिए गोयमा सिय तिकिरिए सिय चउकिरिए सिय पंचकिरिए नेरइए णं भंते नेरइयाओ कतिकिरिए गोयमा सिय तिकिरिए सिय चउकिरिए एवं जाव थणियकुमाराओ पुढविकाइयाओ जाव मणस्साओ जहा- जीवाओ वाणमंतर-जोइसिय-वेमाणियाओ जहा- नेरइयाओ, नेरइए णं भंते जीवेहिंतो कइकिरिए गोयमा सिय तिकिरिए सिय चउकिरिए सिय पंचकिरिए नेरइए णं भंते नेरइएहिंतो कइकिरिए गोयमा सिय तिकिरिए सिय चउकिरिए एवं जहेव पढमो दंडओ तहा एसो वि बितिओ भाणियव्वो एवं जाव वेमाणिएहिंतो नवरं-नेरइस्स नेरइएहिंतो देवेहिंतो य पंचमा किरिया नत्थि, नेरइया णं भंते जीवाओ कतिकिरिया गोयमा सिय तिकिरिया सिय चउकिरिया सिय पंचकिरिया एवं जाव वेमाणियाओ नवरंनेरइयाओ देवाओ य पंचमा किरिया नत्थि नेरइया णं भंते जीवहिंतो कतिकिरिया गोयमा तिकिरियावि जाव पंचकिरियाविनेरइया णं भंते नेरइएहिंतो कतिकिरिया गोयमा तिकिरिया वि चउकिरिया वि एवं जाव वेमाणिएहिंतो नवरं-ओरालियसरीरहिंतो जहा- जीवेहिंतो असरकमारे णं भंते जीवातो कतिकिरिए गोयमा जहेव नेरइए चत्तारि दंडगा तहेव असुरकुमारे वि चत्तारि दंडगा भाणियव्वा एवं उवउज्जिऊण भाणेयव्वं ति-जीवे मणूसे य अकिरिए वुच्चति सेसा अकिरिया न वुच्चंति सव्वजीवा ओरालियसरीरेहिंतो पंचकिरिया नेरइय-देवेहिंतो य पंचकिरिया न वच्चंति एवं एक्केक्कजीवपए चत्तारि चत्तारि दंडगा भाणियव्वा एवं एयं दंडगसयं सव्वे वि य जीवादीया दंडगा ।
[५२९] कति णं भंते किरियाओ पन्नत्ताओ गोयमा पंच किरियाओ पन्नत्ताओ तं जहाकाइया जाव पाणाइवायकिरिया नेरइयाणं भंते कति किरियाओ पन्नत्ताओ गोयमा पंच किरियाओ० काइया जाव पाणाइवायकिरिया एवं जाव वेमाणियाणं जस्स णं भंते जीवस्स काइया किरिया कज्जइ तस्स अहिगरणिया किरिया कज्जति जस्स अहिगरणिया किरिया कज्जति तस्स काइया किरिया कज्जति गोयमा जस्स णं जीवस्स किया किरिया कज्जति तस्स अहिगरणी नियमा कज्जति जस्स अहिगरणी किरिया कज्जति तस्स वि काइया किरिया नियमा कज्जति, जस्स णं भंते जीवस्स काइया किरिया कज्जति तस्स पाओसिया किरिया कज्जति जस्स पाओसिया किरिया कज्जति तस्स काइया किरिया कज्जति गोयमा एवं चेव, जस्स णं भंते जीवस्स काइया किरिया कज्जड़ तस्स पारियवणिया किरिया कज्जइ जस्स पारियावणिया किरिया कज्जइ तस्स काइया किरिया कज्जति गोयमा जस्स णं जीवस्स काइया किरिया कज्झइ तस्स पारियावणिया किरिया सिय कज्जति सिय नो कज्जति जस्स पुण
दीपरत्नसागर संशोधितः]
[159]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |