Page Text
________________
पन्नत्ता गो
संजोयणाहिकरणिया य निव्वत्तणाहिकरणिया य पादोसिया णं भंते किरिया कतिविहा पन्नत्ता गोयमा तिविहा० जेणं अप्पणो वा पररस्स वा तदुभयस्स वा असुभं मणं पधारेति से त्तं
पादोसिय पय-२२
किरिया पारियावणिया णं भंते किरिया कतिविहा पन्नत्ता गोया तिविहा० जेणं अप्पणो वा परस्स वा तदभयस्स वा असायं वेदणं उदीरेति से त्तं पारियावणियाकिरिया पाणातिवातकिरिया णं भंते कतिविहा गोयमा तिविहा० जेणं अप्पाणं वा परं वा तदुभयं वा जीवियाओ ववरोवेइ से त्तं पाणावाइवायकिरिया ।
५२६] जीवा णं भंते किं सकिरिया अकिरिया गोयमा जीवा सकिरिया वि अकिरिया वि से केणतुणं भंते एवं वुच्चति० गोयमा जीवा दुविहा पन्नत्ता तं जहा- संसारसमावण्णगा य असंसारसमावण्णगा य तत्थ णं जेते असंसारसमावण्णगा ते णं सिद्धा सिद्धा णं अकिरिया तत्थ णं जेते संसारसमावण्णगा
सेलेसिपडिवण्मगा य असेलेसिपडिवण्मगा य तत्थ णं जेते सेलेसिपडिवण्णगा ते णं अकिरिया तत्थ णं जेते असेलेसिपडिवण्णगा ते णं सकिरिया से तेणटेणं गोयमा एवं वुच्चति-जीवा सकिरिया वि अकिरिया वि, अत्थि णं भंते जीवाणं पाणाइवाएणं किरिया कज्जति हंता गोयमा अत्थि कम्हि णं भंते जीवाणं पाणाइवाएणं किरिया कज्जइ गोयमा छसु जीवनिकाएसु अत्थि णं भंते नेरइयाणं पाणाइवाएणं किरिया कज्जति गोयमा एवं चेव एवं जाव निरंतरं वेमाणियाणं अत्थि णं भंते जीवाणं मुस्सावाएणं किरिया कज्जति हंता अत्थि कम्हि णं भंते जीवाणं अदिन्नादाणेणं किरिया कज्जइ गोयमा गहणधारणिज्जेस् दव्वेस् एवं नेरइयाणं निरंतरं जाव वेमाणियाणं अत्थि णं भंते जीवाणं मेहणेणं किरिया कज्जति हंता अत्थि कम्हि णं भंते जीवाणं मेहणेणं किरिया कज्जति गोयमा रूवेस वा रूवसहगतेस् वा दव्वेस् एवं नेरइयाणं निरंतरं जाव वेमाणियाणं अत्थि णं भंते जीवाणं परिग्गहेणं किरिया कज्जति हता अत्थि कम्हि णं भंते जीवाणं परिग्गहेणं किरिया कज्जति गोयमा सव्वदव्वेसु एवं नेरइयाणं जाव वेमाणियाणं एवं कोहेणं माणेणं मायाए लोभेणं पेज्जेणं दोसेणं कलहेणं अब्भक्खाणेणं पेसुण्णेणं परपरिवाएणं अरतिरतीए मायामोसेणं मिच्छादसणसल्लेणं सव्वेस् जीव-नेरइयभेदेसु भाणियव्वं निरंतरं जाव वेमाणियाणं ति एवं अट्ठारस एते दंडगा ।
[५२७] जीवे णं भंते पाणाइवाएणं कति कम्मपगडीओ बंधति गोयमा सत्तविहबंधए वा अट्ठविहबंधए वा एवं नेरइए जाव निरंतरं वेमाणिए जीवा णं भंते पाणाइवाएणं कति कम्मपगडीओ बंधति गोयमा सत्तविहबंधगा वि अट्ठविहबंधगा वि नेरइया णं भंते पाणाइवाएणं कति कम्मपगडीओ बंधति गोयमा सव्वे वि ताव होज्जा सत्तविहबंधगा अहवा सत्तविहबंधगा य अट्ठविहबंधगे य अहवा सत्तविहबंधगा य अट्ठविहबंधगा य एवं असुरकुमारा वि जाव थणियकमारा, पढवि-आउ-तेउ-वाउवणप्फइकाइया य एते सव्वे वि जहा- ओहिया जीवा अवसेसा जहा- नेरइया एवं एते जीवेगिंदियवज्जा तिण्णि-तिण्णि भंगा सव्वत्थ भाणियव्वं त्ति जाव मिच्छादसणसल्लेणं एवं एगत्तपोहत्तिया छत्तीसं दंडगा होति ।
[५२८] जीवे णं भंते नाणावरणिज्जं कम्मं बंधमाणे कतिकिरए गोयमा सिय तिरिकिए सिय चउकिरिए सिय पंचकिरिए एवं नेरइए जाव वेमाणिए जीवा णं भंते नाणावरणिज्जं कम्मं बंधमाणा कतिकिरिया गोयमा तिकिरिया वि चउकिरिया वि पंचकिरिया वि एवं नेरइया निरंतरं जाव वेमाणिया एवं दरिसणावरणिज्जं वेयणिज्जं मोहणिज्जं आउयं नाम गोयं अंतराइयं च अट्ठविहकम्मपगडीओ भाणियव्वाओ
[दीपरत्नसागर संशोधितः]
[158]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |