Page Text
________________
किरिया कज्जइ तस्स आरंभिया किरिया कज्जति गोयमा जस्स णं जीवस्स आरंभिया किरिया कज्जति तस्स परिग्गहिया किरिया सिय कज्जति सिय नो कज्जइ जस्स पुण परिग्गहिया किरिया कज्जइ तस्स आरंभिया किरिया नियमा कज्जति जस्स णं भंते जीवस्स आरंभिया किरिया कज्जति तस्स मायावत्तिया किरिया कज्जइ पुच्छा गोयमा जस्स णं जीवस्स आरंभिया किरिया कज्जइ तस्स मायावत्तिया किरिया नियमा ज्जइ
पय-२२
जस्स पुण मायावत्तिया किरिया कज्जइ तस्स आरंभिया किरिया सिय कज्जइ सिय नो कज्जइ जस्स णं भंते जीवस्स आरंभिया किरिया कज्जइ तस्स अपच्चक्खाणकिरिया कज्जइ पुच्छा गोयमा जस्स णं जीवस्स आरंभिया किरिया कज्जइ तस्स अप्पज्जक्खाणकिरिया सिय कज्जइ सिय नो कज्जइ जस्स पुण अपच्चक्खाणकिरिया कज्जति तस्स आरंभिया किरिया नियमा कज्जति एवं मिच्छादंसणवत्तिया वि समं एवं परिगग्हिया वि तिहिं उवरिल्लाहिं समं चारेयव्वा जस्स मसायावत्तिया किरिया कज्जति तस्स उवरिल्लाओ दो वि सिय कज्जंति सिय नो कज्जंति जस्स उवरिल्लाओ दो कज्जंति तस्स मायावत्तिया नियमा कज्जति जस्स अपच्चक्खाणकिरिया कज्जति तस्स मिच्छादंसणवत्तिया किरिया सिय कज्जइ सिय नो कज्जइ जस्स पुणमिच्छादंसणवत्तिया किरिया कज्जति तस्स अपच्चक्खाणकिरिया नियमा कज्जति नेरइयस्स आइल्लियाओ चत्तारि परोप्परं नियमा कज्जंति जस्स एताओ चत्तारि कज्जंति तस्स मिच्छादंसणवत्तिया किरिया भइज्जति जस्स पुण मिच्छादंसणवत्तिया किरिया कज्जति तस्स एयाओ चत्तारि नियमा कज्जंति एवं जाव थणियकुमारस्स पुढविक्काइयस्स जाव चउरिंदियस्स पंच वि परोप्परं नियमा कज्जंति पंचेंदियतिरिक्खजोणियस्स आइल्लियाओ तिण्णि वि परोप्परं नियमा कज्जंति जस्स एयाओ कज्जंति तस्स उवरिल्लाओ दो भइज्जंति जस्स उवरिल्लाओ दोण्णि कज्जंति तस्स एताओ तिण्णि वि नियमा कज्जंति जस्स अपच्चक्खाणकिरिया तस्स मिच्छादंसणवत्तिया सिय कज्जति सिय नो कज्जति जस्स पुण मिच्छादंसणवत्तिया किरिया कज्जति तस्स अप्पच्चक्खाणकिरिया नियमा कज्जति मणूसस्स जहा- जीवस्स वाणमंतर - जोतिसियवेमाणियस्स जहा- नेरइयस्स जं समयं णं भं जीवस्स आरंभिया किरिया कज्जति तं समयं परिग्गहिया किरिया कज्जति एवं एते जस्स जं समयं जं देसं जं पदेसं णंचत्तारि दंडगा नेयव्वा जहा- नेरइयाणं तहा सव्वदेवाणं नेयव्वं जाव वेमाणियाणं । [५३१] अत्थि णं भंते जीवाणं पाणाइवायवेरमणे कज्जति हंता अत्थि कम्हि णं भंते जीवाणं पाणाइवायवेरमणे कज्जति गोयमा छसु जीवनिकाएस अत्थि णं भंते नेरइयाणं पाणाड्याणं पाणाइवायवेरमणे कज्जति गोयमा नो इणट्ठे समट्ठे एवं जाव वेमाणियाणं नवरं मणूसाणं जहा- जीवाणं एवं मुसावाएणं जाव मायामोसेणं जीवस्स य मणूस्स य सेसाणं नो इणट्ठे समट्ठे नवरं अदिन्नादाणे गहणधारणिज्जेसु दव्वेसु मेहुणे रूवेसु वा रुवसहगएसु वा दव्वेसु सेसाणं सव्वदव्वेसु अत्थि णं भंते जीवाणं मिच्छादंसणसल्लेवेरमणे कज्जति हंता अत्थि कम्हि णं भंते जीवाणं मिच्छादंसणसल्लवेरमणे कज्जइ गोयमा सव्वदव्वेसु एवं नेरइयाणं जाव वेमामियाणं नवरं - एगिंदियविगलिंदियाणं नो इणट्ठे समट्ठे ।
[५३३] पाणाइवायविरए णं भंते जीवे कति कम्पगडीओ बंधति गोयमा सत्तविहबंध वा अट्ठविहबंधए वा छव्विहबंधए वा एगविहबंधए वा अबंधए वा एवं मणूसे वि भाणियव्वे पाणाइवायविरया णं भंते जीवा कति कम्मपगडीओ बंधंति गोयमा सव्वे वि ताव होज्जा सत्तविहबंधगा य एगविहबंधगा य अहवा सत्तविहबंधगा य एगविहबंधगा अट्ठविहबंधगे य अहवा सत्तविहबंधगा य एगविहबंधगा य [दीपरत्नसागर संशोधितः ]
[१५- पन्नवणा]
[161]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |