Page Text
________________
[५०२] पुढविक्काइए णं भंते पुढविक्काइएहितो अनंतरं उवट्टित्ता पुढविक्काइएस उववज्जेज्जा गोयमा अत्थेगइए उववज्जेज्जा अत्थेगइ नो उववज्जेज्जा, जे णं भंते उववज्जेज्जा से णं केवलिपन्नत्तं धम्मं लेभेज्जा सवणयाए गोयमा नो इणढे समढे एवं आउक्काइयादीसु निरंतरं भाणियव्वं जाव चउरिंदिएस् पंचेंदिय-तिरिक्खजोणिय-मणूसेसु जहा- नेरइए वाणमंतर-जोइसिय-वेमाणिएस पडिसेहो, एवं जहा- पुढविक्काइओ भणिओ तहेव आउक्काइओ वि वणप्फकाइओ वि भाणियव्वो, तेउक्काइए णं भंते तेउक्काइएहितो अनंतरं उव्वट्टित्ता नेरइएसु उववज्जेज्जा गोयमा नो इणढे समढे एवं असुरकुमारेसु वि जाव थणियकुमारेसु वि, पुढविक्काइय-आउ-तेउ-वाउ-वणस्सइय-बेइंदिय-चरिंदिएस अत्थेगइए उववज्जेज्जा अत्थेगइए नो उववज्जेज्जा, जे णं भंते उववज्जेज्जा से णं केवलिपन्नत्तं धम्मं लभेज्जा सवणताए गोयमा नो इणढे समढे, तेउक्काइए णं भंते तेउक्काइएहिंतो अनंतरं उव्वट्टित्ता पंचेंदिय-तिरिक्खजोणिएस उववज्जेज्जा गोयमा अत्थेगइए उववज्जेज्जा अत्थेगइए नो उववज्जेज्जा, जे णं भंते उवज्जेज्जा से णं केवलिपन्नत्तं धम्म लभेज्जा सवणयाए गोयमा अत्थेगइए लभेज्जा अत्थेगइए नो लभेज्जा जे णं भंते केवलिप्नत्तं धम्म लभेज्जा सवणयाए से णं केवलं बोहिं बज्झेज्जा गोयमा नो इणढे समढे मणसवाणमंतर-जोइसिय-वेमाणिएस् पुच्छा गोयमा नो इणढे समढे एवं जहेव तेउक्काइए निरंतरं एवं वाउक्काइए वि ।
[५०३] बेइंदिए णं भंते बेइंदिएहिंतो अनंतरं उव्वटित्ता नेरइएस उववज्जेज्जा गोयमा जहापुढविक्काइए नवरं-मणूसेसु जाव मणपज्जवनाणं उप्पाडेज्जा, एवं तेइंदिय-चरिंदिया वि जाव मणपज्जवनाणं उप्पाडेज्जा जेणं भंते मणपज्जवनाणं उप्पाडेज्जा से णं केवलनाणं उप्पाडेज्जा गोयमा नो इणढे समटे ।
[५०४] पंचेंदियतिरिक्खजोणिए णं भंते पंचिदियतिरिक्खजोणिएहिंतो अनंतरं उवट्टित्ता नेरइएसु उववज्जेज्जा गोयमा अत्थेगइए उववज्जेज्जा अत्थेगइए नो उववज्जेज्जा, जे णं भंते उववज्जेज्जा से णं केवलिपन्नत्तं धम्मं लभेज्जा सवणयाए गोयमा अत्थेगइए लभेज्जा अत्थेगइए नो लभेज्जा, जे णं केवलिपन्नत्तं धम्म लभेज्जा सवणयाए से णं केवलं बोहिं बुज्झेज्जा गोयमा अत्थेगइए बुज्झेज्जा अत्थेगइए नो बुज्झेज्जा, जे णं भंते केवलं बोहिं बुज्झेज्जा से णं सद्दहेज्जा पत्तिएज्जा रोएज्जा हंता गोयमा जाव रोएज्जा, जे णं भंते सद्दहेज्जा जाव रोएज्जा से णं आभिणिबोहियनाणसयनाण-ओहिनाणाणि उप्पाडेज्जा हंता गोयमा उप्पाडेज्जा, जे णं भंते आभिणिबोहियनाण-जाव उप्पाडेज्जा
ग
पय-२०
संचाएज्जा सीलं वा जाव पडिवज्जित्तए गोयमा नो इणढे समढे एवं असुरकुमारेसु वि जाव थणियकुमारेसु एगिंदिय-विगलिदिएसु जहा- पुढविक्काइए पंचेंदियतिरिक्खजोणिएसु मणूसेसु य जहा- नेरइए वाणमंतर-जोतिसिय-वेमाणिएसु जहा- नेरइएसु उववज्जेज्जत्ति पुच्छाए भणियाए एवं मणूसे वि वाणमंतरजोतिसिय-वेमाणिए जहा- असुरकुमारे ।
[५०५] रयणप्पभापुढविनेरइए णं भंते रयणप्पभापुढविनेरइएहितो अनंतरं उव्वट्टित्ता तित्थगरत्तं लभेज्जा गोयमा अत्थेगइए लभेज्जा अत्थेगइए नो लभेज्जा, से केणद्वेणं भंते एवं वुच्चति० गोयमा जस्स णं रयणप्पभापुढविनेरइयस्स तित्थगरनाम-गोयाइं कम्माइं बद्धाइं पुट्ठाई कडाइं पट्टवियाई निविट्ठाइं अभिनिविट्ठाइं अभिसमण्णगयाइं उदिण्णाइं नो उवसंताई भवंति से णं रयप्पभापुढविनेरइए
दीपरत्नसागर संशोधितः]
[147]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |