Page Text
________________
रयणप्पभापुढविणेरइएहिंतो अनंतरं उव्वट्टित्ता तित्थगरत्तं लभेज्जा जस्स णं रयणप्पभापुढविनेरइयस्स तित्थगरनामगोयाइं नो बद्धाइं जाव नो उदिण्णाई उवसंताई भवंति से णं रयणप्पभापुढविनेरइएहितो अनंतरं उव्वट्टित्ता तित्थगरत्तं नो लभेज्जा, से तेणटेणं गोयमा एवं वुच्चइ-अत्थेगइए लभेज्जा अत्थेगइए नो लभेज्जा, एवं जाव वालुयप्पभापुढविनेइएहितो तित्थगरत्तं लभेज्जा, पंकप्पभापुढविनेरइए णं भंते पंकप्पभापुढविनेरइएहिंतो अनंतरं उव्वट्टित्ता तित्थगरत्तं लभेज्जा गोयमा नो इणढे समढे अंतकिरियं पुण करेज्जा धूमप्पभापुढविनेरइए णं पुच्छा गोयमा नो इणढे समढे विरतिं पुण लभेज्जा, तमापुढविनेरइए णं पुच्छा गोयमा नो इणट्ठ समढे विरयाविरतिं पुण लभेज्जा, अहेसत्तमाए पुच्छा गोयमा नो इणढे समढे समत्तं पण लभेज्जा, असुरकुमारे णं पच्छा गोयमा नो इणढे समढे अंतकिरियं पण करेज्जा एवं निरंतरं जाव आउक्काइए तेउक्काइए णं भंते तेउक्काइएहिंतो अनंतरं उव्वट्टित्ता तित्थगरत्तं लभेज्जा गोयमा नो इणढे समढे केवलिपन्नत्तं धम्मं लभेज्जा सवणयाए एवं वाउक्काइए वि, वणप्फइकाइए णं पुच्छा गोयमा नो इणढे समढे अंतकिरियं पुण करेज्जा वेइंदिय-तेइंदिय-चउरिदिए णं पुच्छा गोयमा नो इणढे समढे मणपज्जवनाणं पुण उप्पाडेज्जा, पंचेंदियतिरिक्खजोणिय-मणूस-वाणमंतर-जोइसिए णं पुच्छा गोयमा नो इणढे समढे अंतकिरियं पुण करेज्जा, सोहम्मगदेवे णं भंते अनंतरं चयं चइत्ता तित्थगरत्तं लभेज्जा गोयमा अत्थेगइए लभेज्जा अत्थेगइए नो लभेज्जा एवं जहा- रयणप्पभापुढविनेरइए एवं जाव सव्वट्ठसिद्धगदेवे ।
[५०६] रयणप्पभापुढविनेरइए णं भंते अनंतरं उव्वट्टित्ता चक्कवट्टित्तं लभेज्जा गोयमा अत्थेगइए लभेज्जा अत्थेगइए नो लभेज्जा, से केणतुणं भंते एवं वुच्चति, गोयमा जहारयणप्पभापुढविनेरइयस्स तित्थगरत्ते सक्करप्पभापुढविनेरइए अनंतरं उव्वट्टित्ता चक्कवट्टित्तं लभेज्जा गोयमा नो इणढे समढे एवं जाव अहेसत्तमापुढविनेरइए, तिरिय-मणुएहितो पुच्छा गोयमा नो इणढे समढे भवणवइ-वाणमंतर-जोइसिय-वेमाणिएहितो पुच्छा गोयमा अत्थेगइए लभेज्जा अत्थेगइए नो लभेज्जा एवं बलदेवत्तं पि नवरं-सक्करप्पभापुढविनेरइए वि लभेज्जा, एवं वासुदेवत्तं दोहिंतो पुढवीहिंतो वेमाणिएहितो य अनुत्तरोववातियवज्जेहिंतो सेसेसु नो इणडे समढे मंडलियत्तं अहेसत्तमा-तेउ-वाउवज्जेहिंतो, सेणावइरयणत्तं गाहावइरयणत्तं वड्ढइरयणत्तं पुरोहियरयणत्तं इत्थिरयणत्तं च एवं चेव नवरं
वाइयवज्जेहिंतो आसरयणत्तं हत्थिरयणत्तं च रयणप्पभाओ निरंतरं जाव सहस्सारो अत्थेगइएलभेज्जा अत्थेगइएनोलभेज्जा चक्करयणत्तं छत्तरयणत्तं चम्मरयणत्तं दंडरयणत्तं असिरयणत्तं
पय-२०
मणिरयणत्तं कागिणिरयणत्तं, एतेसि णं असुरकुमारेहितो आरद्धं निरंतरं जाव ईसाणेहिंतो उववातो सेसेहिंतो नो इणढे समढे ।
___ [५०७] अह भंते असंजयभवियदव्वदेवाणं अविराहियसंजमाणं विराहियसंजमाणं अविराहियसंजमासंजमाणं विराहियसंजमासंजमाणं असण्णीणं तावसाणं कंदप्पियाणं चरगपरिव्वायगाणं किब्बिसियाणं तेरिच्छियाणं आजीवियाणं आभिओगियाणं सलिंगीणं दंसणवावण्णगाणं देवलोगेस उववज्जमाणाणं कस्स कहिं उववाओ पन्नत्तो गोयमा अस्संजयभवियदव्वदेवाणं जहण्णेणं भवणवासीसु उक्कोसेणं उवरिमगेवेज्जगेस् अविराहियसंजमाणं जहण्णेणं सोहम्मे कप्पे उक्कोसेणं सव्वट्ठसिद्धे, विराहियसंजमाणं जहण्णेणं भवणवासीसु उक्कोसेणं सोहम्मेकप्पे, अविराहियसंजमासंजमाणं जहण्णेणं सोहम्मेकप्पे उक्कोसेणं
दीपरत्नसागर संशोधितः]
[148]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |