Page Text
________________
दस मणूसीओ वीस वाणमंतरा दस वाणमंतरीओ पंच जोइसिया दस जोइसिणीओ वीस वेमाणिया असतं वेमाणिणीओ वीसं ।
[५००] नेरइया णं भंते नेरइएहिंतो अनंतरं उव्वट्टित्ता नेरइएस उववज्जेज्जा गोयमा नो इणट्ठे समट्ठे, नेरइए णं भंते नेरइएहिंतो अनंतरं उव्वट्टित्ता असुरकुमारेसु उववज्जेज्जा गोयमा नो इट्ठे समट्ठे, एवं निरंतरं जाव चउरिंदिएसु पुच्छा गोयमा नो इणट्टे समट्ठे, नेरइए णं भंते नेरइएहिंतो अनंतरं उव्वट्टित्ता पंचेंदियतिरिक्खजोणिएसु उववज्जेज्जा गोयमा अत्थेगइए उववज्जेज्जा अत्थेगइए नो उववज्जेज्जा जे णं भंते नेरइएहिंतो अनंतरं उव्वट्टित्ता पंचेंदियितिरिक्खजोणिएसु उववज्जेज्जा से केवलिपन्नत्तं धम्मं लभेज्जा सवणयाए गोयमा अत्थेगइए लभेज्जा अत्थेगइए नो लभेज्जा, जे णं भंते केवलिपन्नत्तं धम्म लभेज्जा सावणयाए से णं केवलं बोहिं बुज्झेज्जा गोयमा अत्थेगइए बुज्झेज्जा अत्थेगइए नो बुज्झेज्जा, जे णं भंते केवलं बोहिं बुज्झेज्जा से णं सद्दहेज्जा पत्तिएज्जा रोएज्जा ग सद्दहेज्जा पत्तिएज्जा रोएज्जा, जे णं भंते सद्दहेज्जा पतिएज्जा रोएज्जा से णं आभिणिबोहिनाणसुयनाणाइं उप्पाडेज्जा हंता गोयमा उप्पाडेज्जा, जे णं भंते आभिणिबोहियनाण- सुयनाणाइं उप्पाडेज्जा से णं संचाएज्जा सीलं वा वयं वा गुणं वा वेरमणं वा पच्चक्खाणं वा पोसहोववासं वा पडिवज्जित्तए गोयमा अत्थेगइए संचाएज्जा अत्थेगइए नो संचाएज्जा, जे णं भंते संचाएज्जा सीलं वा जाव पोसहोववासं वा पडिवज्जित्तए से णं ओहिनाणं उप्पाडेज्जा गोयमा अत्थेगइए उप्पाडेज्जा अत्थेगइए नो उप्पाडेज्जा, जे णं भंते ओहिनाणं उप्पाडेज्जा से णं संचाएज्जा मुंडे भवित्ता अगाराओ अणगारियं पव्वइत्तए गोयमा नो इणट्टे समट्ठे, नेरइए णं भंते नेरइएहिंतो अनंतरं उव्विट्टित्ता मणूसेसु उववज्जेज्जा गोयमा अत्थे इ उववज्जेज्जा अत्थेगइए नो उववज्जेज्जा, जे णं भंते उववज्जेज्जा से णं केवलिपन्नत्तं धम्मं लभेज्जा सवणयाए गोयमा जहा- पंचेंदियतिरिक्खजोणिएसु जाव जे णं भंते ओहिनाणं उप्पाडेज्जा से णं संचाएज्जा जेणं भंते संचाज्जा मुंडे भवित्ता अगाराओ अणगारियं पव्वइत्तए से णं मणपज्जवनाणं उप्पाडेज्जा गोयमा अत्थेगइए उप्पाडेज्जा अत्थेगइ नो उप्पाडेज्जा, जे णं भंते मणपज्जवणाणं उप्पाडेज्जा से णं केवलनाणं उप्पाडेज्जा गोयमा अत्थेगइए उप्पाडेज्जा अत्थेगइए नो उप्पाडेज्जा जे णं भंते केवलनाणं उप्पाडेज्जा से णं सिज्झेज्जा बुज्झेज्जा मुच्चेज्जा सव्वदुक्खाणं अंतं करेज्जा गोयमा सिज्झेज्जा जाव सव्वदुक्काणं अंतं करेज्जा, नेरइए णं भंते नेरइएहिंतो अनंतरं उव्वट्टित्ता वाणमंतरं-जोइसियवेमाणिएसु उववज्जेज्जा गोयमा नो इट्ठे- समट्ठे ।
पय- २०
[५०१] असुरकुमारे णं भंते असुरकुमारेहिंतो अनंतरं उव्वट्टित्ता नेरइएस उववज्जेज्जा गोयमा नो इणट्ठे समट्ठे, असुरकुमारे णं भंते असुरकुमारेंहितो अनंतरं उव्वट्टित्ता असुरकुमारेसु उववज्जिज्जा गोयमा नो इणट्ठे समट्ठे एवं जाव थणियकुमारेसु, असुरकुमारे णं भंते असुरकुमारेंहितो अनंतरं उव्वट्ठित्तापुढविकाइएसु उववज्जेज्जाहंता गोयमा अत्थेगइए उववज्जेज्जा अत्थेगइए नो उववज्जेज्जा, जेणं भंते उववज्जेज्जा से णं केवलिपन्नत्तं धम्मं लभेज्जा सवयणाए गोयमा नो इट्टे समट्ठे एवं आठवणप्फईसु वि, असुरकुमारे णं भंते असुरकुमारेहिंतो अनंतरं उव्वट्टित्ता तेउ-वाउ-बेइंदियतेइंदिय-चउरिंदिएसु उववज्जेज्जा गोयमा नो इणट्ठेसमट्ठे अवसेसेसु पंचसु पंचेंदियतिरिक्खजोणियादिसु असुरकुमारे जहा- नेरइए एवं जाव थणियकुमारे, पुढविकाइए णं भंते पुढविक्काइएहिंतो अनंतरं उव्वटित्ता नेरइएसु उववज्जेज्जा गोयमा नो इणट्ठेसमट्ठे एवं असुरकुमारेसु वि जाव थणियकुमारेसु वि ।
[दीपरत्नसागर संशोधितः ]
[146]
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |