Page Text
________________
संकिलिट्ठाओ तओ संकिलिट्ठाओ तओ असंकिलिट्ठाओ तओ सीयलुक्खाओ तओ निझुण्हाओ तओ दुग्गइगामिणीओ तओ सुगइगामिणीओ |
[४६७] कण्हलेस्सा णं भंते कतिविधं परिणाम परिणमति गोयम तिविहं वा नवविहं वा सत्तावीसतिविहं वा एक्कासीतिविहं वा बेतेयालसतविहं वा बहुं वा बहुविहं वा परिणामं परणमति एवं जाव सुक्कलेसा कण्हलेस्सा णं भंते कतिपदेसिया पन्नत्ता गोयमा अनंतपदेसिया पन्नत्ता एवं जाव सुक्कलेस्सा, कण्हलेस्सा णं भंते कइपएसोगाढा पन्नत्ता गोयमा असंखेज्जपएसोगाढा पन्नत्ता एवं जाव सुक्कलेस्सा, कण्हलेस्साए णं भंते केवतियाओ वग्गणाओ पन्नत्ताओ गोयमा अनंताओ वग्गणाओ पन्नत्ताओ एवं जाव सुक्कलेस्साए |
____ [४६८] केवतिया णं भंते कण्हलेस्साठाणा पन्नत्ता गोयमा असंखेज्जा कण्हलेस्साठाणा पन्नत्ता एवं जाव सुक्कलेस्साए, एतेसि णं भंते कण्हलेस्साठाणाणं जाव सुक्कलेस्साठाणाण य जहण्णगाणं दव्वट्ठयाए पएसट्ठयाए दव्वट्ठ-पएसट्ठयाए कयरे कयरेहिंतो अप्पा वा बहया वा तुल्ला वा विसेसाहिया वा गोयमा सव्वत्थोवा जहण्णगा काउलेस्साठाणा दव्वट्ठयए, जहण्णगा नीललेस्साठाणा दव्वट्ठयाए असंखेज्जगुणा, जहण्णगा कण्हलेस्साठाणा दव्वट्ठयाए असंखेज्जगुणा जहण्णअणगा तेउलेस्साठाणा दव्वट्ठयाए असंखेज्जगुणा जहण्णगा पम्हलेस्साठाणा दव्वट्ठयाए असंखेज्जगुणा जहण्णगा सुक्कलेस्सा-ठाणा दव्वट्ठयाए असंखेज्जगुणा, पदेसट्ठयाए-सव्वत्थोवा जहण्णगा काउलेस्साठाणा पएसट्ठयाए जहण्णपय-१७
गा नीललेस्सट्ठाणा पएसट्टयाए असंखेज्जगुणा जहण्णगा कण्हलेस्साठाणा पएसट्टयाए असंखेज्ज-गुणा जहण्णगा तेउलेस्सट्ठाणा पदेसट्ठयाए असंखेज्जगुणा जहण्णगा पम्हलेस्सट्ठाणा पएसट्ठयाए असंखेज्जगुणा जहण्णगा सक्कलेस्साठाणा पदेसदयाए असंखेज्जगणा, दव्वद-पदेसयाए-सव्वत्थोवा जहण्णगा काउलेस्सट्ठाणा दव्वट्ठयाए जहण्णगा नीललेस्सट्ठाणा दव्वट्ठयाए असंखेज्जगुणा एवं कण्हलेस्सट्ठाणातेउलेस्सट्ठाणा पम्हलेस्सट्ठाणा जहण्णगा सुक्कलेस्सट्ठाणा दव्वट्ठयाए असंखेज्जगुणा, जहण्णएहिंतो सुक्कलेस्सट्ठाणेहिंतो दव्वट्ठयाए जहण्णगा काउलेस्सट्ठाणा पदेसट्टयाए अनंतगुणा, जहण्णगा नीललेस्सट्ठाणा पएसट्ठयाए असंखेज्जगुणा एवं जाव सुक्कलेस्सट्ठाणा, एतेसि णं भंते कण्हलेस्सट्ठाणाणं जाव सुक्कलेस्सट्ठाणाण य उक्कोसगाणं दव्वट्ठयाए पएसट्ठयाए दव्वट्ठ-पएसट्ठयाए कतरे कतरेहितो अप्पा वा० गोयमा सव्वत्थोवा उक्कोसगा काउलेस्सट्ठाणा दव्वट्ठयाए, उक्कोसगा नीललेस्सट्ठाणा दव्वट्ठयाए असंखेज्जगणा एवं जहेव जहण्णगा तहेव उक्कोसगा वि नवरं-उक्कोस त्ति अभिलाओ, एतेसि णं भंते कण्हलेस्सट्ठाणाणं जाव सुक्कलेस्सट्ठाणाण य जहण्णुक्कोसगाणं दव्वट्ठयाए पएसट्ठयाए दव्वट्ठ-पएसट्ठयाए कतरे कतरेहिंतो अप्पा वा० गोयम सव्वत्थोवा जहण्णगा काउलेस्सट्ठाणा दव्वट्ठयाए, जहण्णया नीललेस्सट्ठाणा दव्वट्ठयाए असंखेज्जगुणा एव कण्हलेस्सट्ठाणा तेउलेस्सट्ठाणा पम्हलेस्सट्ठाणा जहण्णगा सुक्कलेसट्ठाणा दव्वट्ठयाए असंखेज्जगुणा, जहण्णएहिंतो सुक्कलेस्सट्ठाणेहिंतो दव्वट्ठयाए उक्कोसा काउलेस्सट्ठाणा दव्वट्ठयाए असंखेज्जगुणा, उक्कोसा नीललेसट्ठाणा दव्वट्ठयाए असंखेज्जगुणा, एवं कण्हलेसट्ठाणा तेउलेसट्ठाणा पम्हलेसट्ठाणा उक्कोसा सुक्कलेस्सट्ठाणा दव्वट्ठयाए असंखेज्जगुणा, पदेसट्ठयाएसव्वत्थोवा पम्हलेसट्टाणा उक्कोसा सुक्कलेस्सठाणा दव्वट्ठयाए असंखेज्जगुणा, पदसट्टयाए-सव्वत्थोवा जहण्णगा काउलेस्सट्ठाणा पएसट्ठाए, जहण्णगा नीललेसट्ठाण पएसद्वधाए असंखेज्जगुणा एवं जहेव
दीपरत्नसागर संशोधितः]
[136]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |