Page Text
________________
से नूणं भंते नीललेस्सा किण्हलेस्सं जाव सुक्कलेस्सं पप्प तारूवत्ताए जाव भुज्जो-भुज्जो परिममति हंता गोयमा एवं चेव, एवं काउलेस्सा कण्हलेस्सं नीललेस्सं तेउलेस्सं पम्हलेस्सं सुक्कलेस्सं एवं तेउलेस्सा किण्हलेस काउलेस्सं पम्हलेस्सा कण्हलेसं नीललेस काउलेसं तेउलेसं सुक्कलेस्सं पप्प जाव भुज्जो-भुज्जो परिणमि हंता गोयमा तं चेव, से नूणं भंते सुक्कलेस्सा किण्हलेस्सं जाव पम्हलेस्सं पप्प जाव भुज्जो-भुज्जो परिणमति हंता गोयमा तं चेव ।
[४६४] कण्हलेस्सा णं भंते वण्णेणं केरिसिया पन्नत्ता गोयमा से जहानामए-जीमूए इ वा अंजणे इ वा संजणे इ वा कज्जले इ वा गवले इ वा जंबूफले इ वा अद्दारिद्वए इ वा परपुढे इ वा भमरे इ वा भमरावली इ वा गयकलभे इ वा किण्हकेसरे इ वा आगासथिग्गले इ वा किण्हासोए इ वा किण्हकणवीरए इ वा किण्हबंधुजीवए इ वा भवेतारूवा गोयमा नो इणढे समढे किण्हलेस्सा णं एत्तो अणिद्वतरिया चेव अकंततरिया चेव अप्पियतरिया चेव अमणुण्णतरिया चेव अमणामतरिया चेव वण्णेणं पन्नत्ता, नीललेस्सा णं भंते केरिसिया वण्णेणं पन्नत्ता गोयमा से जहानामए-भिंगे इ वा भिंगपत्ते इ वा चासे इ वा चासपिच्छे इ वा सुएइ वा सुयपिच्छे इ वा सामा इ वा वणराई इ वा उच्चतए इ वा पारेवयगीवा इ वा मोरगीवा इ वा हलधरवसणे इ वा अयसिकुसुमे इ वा बाणकुसुमे इ वा अंजणकेसियाकुसुमे इ वा नीलप्पले इ वा नीलासोए इ वा नीलकणवीरए इ वा नीलबंधुजीवए इ वा भवेतारूवा गोयमा नो इणद्वे समटे नीललेसा णं एत्तो अणिद्वतरिया जाव अमणामतरिया चेव वण्णेणं
पय-१७
पन्नत्ता, काउलेस्सा णं भंते पुच्छा गोयमा से जहानामए-खइरसारे इ वा कइरसारे इ वा धमाससारे इ वा तंबे इ वा तंबकरोडए इ वा तंबछिवाडिया इ वा वाइंगणिकुसुमए इ वा कोइ-लच्छदकुसुमए इ वा जवासाकुसुमे इ वा कलकुसुमे इ वा भवेतारूवा गोयमा नो इणढे समढे काउलेस्सा णं एत्तो अणिद्वतरिया चेव अकंततरिया जाव अमणामतरिया चेव वण्णेणं पन्नत्ता, तेउलेस्सा णं पुच्छा गोयमा से जहानामएससरुहिरे इ वा उरब्भरुहिरे इ वा वराहरुहिरे इ वा संबररुहिरे इ वा मणुस्सरुहिरे इ वा बालिंदगोवे इ वा बालदिवागरे इ वा संझब्भरागे इ वा गुंजद्धरागे इ वा जाइहिंगुलए इ वा पवालंकुरे इ वा लक्खारसे इ वा लोहियक्खमणी इ वा किमिरागकंबले इ वा गयतालुए इ वा चीणपिट्ठरासी इ वा पालियायकुसुमे इ वा जासुमणुकुसुमे इ वा किंसुयपुप्फरासी इ वा रत्तुप्पले इ वा रत्तासोगे इ वा रत्तकणवीरए इ वा रत्तबंधुजीवए इ वा भवेयारूवा गोयमा नो इणढे समढे तउलेस्सा णं एत्तो इद्वतरिया चेव जाव मणामतरिया चेव वण्णेणं पन्नत्ता, पम्हलेस्सा णं पुच्छा गोयमा से जहामामए-चंपे इ वा चंपछल्ली इ वा चंपभेदे इ वा हलिद्दा इ वा हालिद्दगुलिया इ वा हिलाद्दभेदे इ वा हरियाले इ वा हरियालगुलिया इ वा हरियालभेदे इ वा चिउरे इ वा चिउररागे इ वा सुवण्णसिप्पी इ वा वरकणगणिहसे इ वा वरपुरिसवसणे इ वा अल्लइकुसुमे इ वा चंपयकुसुमे इ वा कणियारकुसुमे इ वा कुहंडियाकुसुमे इ वा सुवण्णजूहिया इ वा सुहिरण्मियाकुसुमे इ वा कोरेंटमल्लदामे इ वा पीयासोगे इ वा पीयकणवीरए इ वा पीयबंधुजीवए इ वा भवेतारूवा गोयमा नो इणडे समढे पम्हलेस्सा णं एत्तो इट्टतरिया चेव जाव मणामतरिया चेव वण्णेणं पन्नत्ता, सुक्कलेस्सा णं पुच्छा गोयमा से जहानामएअंके इ वा संखे इ वा चंदे इ वा कुंदे इ वा दगे इ वा दगरए इ वा दही इ वा दहिघणे इ वा खीरे इ वा खीरपूरे इ वा सुक्कछिवाडिया इ वा पेहणमिजिया इ वा धंत-धोयरुप्पट्टे इ वा सारइयबलाहए इ वा कुमददल इ वा पोंडरियदले इ वा सालिपिट्ठरासी इ वा कुडगपुप्फरासी इ वा सिंदुवारवरमल्लदामे इ वा सेयासोए इ वा सेयकणवीरे इ वा सेयबंधुजीवए इ वा
दीपरत्नसागर संशोधितः]
[134]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |