Page Text
________________
पणिहाए ओहिणा सव्वओ समंता समभिलोएमाणे-समभिलोएमाणे केवतियं खेत्तं जाणइ केवतियं खेत्तं पासइ गोयमा बहुतरागं खेत्तं जाणति बहुतरागं खेत्तं पासति दूरतरागं खेत्तं जाणइ दूरतरागं खेत्तं पासति वितिमिरतरागं खेत्तं जाणइ वितिमिरतरागं खेत्तं पासइ विसुद्धतरागं खेत्तं जाणति विसुद्धतरागं खेत्तं पासति, से केणटेणं भंते एवं एवं वुच्चति० गोयमा से जहानामए-केइ पुरिसे बहुसमरमणिज्जाओ भूमिभागाओ पव्वयं दुरुहति दुरिहित्ता सव्वओ समंता समभिलोएज्जा तए णं से पुरिसं धरणितलगयं परिसं पणिहाए सव्वओ समंता समभिलोएमाणे-समभिलोएमाणे बहतरागं खेत्तं जाणति बहतरागं खेत्तं पासति जाव विसुद्धतरागं खेत्तं पासति से तेणटेणं गोयमा एवं वुच्चतिकाउलेस्से णं नेरइए नीललेस्सं नेरइयं पणिधाए तं चेव जाव विसुद्धतरागं खेत्तं पासति ।
[४६१] कण्हलेस्से णं भंते जीवे कतिसु नाणेसु होज्जा गोयमा दोसु वा तिसु वा चउसु वा नाणेसु होज्जा-दोसु होमाणे आभिणिबोहिय-सुयनाणेसु होज्जा तिसु होमाणे आभिणिबोहिय-सुयनाणाओहिनाणेसु होज् अहवा तिसु होमाणे आभिणिबोहिय-सुयनाण मणपज्जवनाणेसु होज्जा चउसु होमाणे आभिणिबोहियनाण-जाव मणपज्जवनाणेसु होज्जा एवं जाव पम्ह-लेस्से सुक्कलेस्से णं भंते जीवे कतिस् नणेसु होज्जा गोयमा दोसु वा तिसु वा चउसु वा एगम्मि वा होज्जा-दोसु होमाणे आभिणिबोहियनाण-एवं जहेव कण्हलेस्साणं तहेव भाणियव्वं जाव चउहिं एगम्मि होमाणे होज्जा एगम्मि केवलनाणे होज्जा |
. सत्तरसमे पये तइसमो उद्देसो समत्तो .
पय-१७
[ चउत्थो-उद्देसओ ॥ [४६२] परिणाम वण्ण रस गंध सुद्ध अपसत्थ संकिलिहण्हा ।
गति परिणाम पदेसावगाए वग्गण ठाणा [४६३] कति णं भंते लेस्साओ पन्नत्ताओ गोयमा छलेस्साओ पन्नत्ताओ तं जहाकण्हलेस्सा जाव सुक्कलेस्सा, से नूणं भंते कण्हलेस्सा नीललेस्सा पप्प तारूवत्ताए तावण्णत्ताए तागंधत्ताए तारसत्ताए ताफासत्ताए भुज्जो-भुज्जो परिणमति हंता गोयमा कण्हलेस्सा नीललेस्सं पप्प तारूवत्ताए जाव ताफासत्ताए भुज्जो-भुज्जो परिणमति, से केणतुणं भंते एवं वुच्चति० गोयमा से जहानामए-खीरे दूसिं पप्प सुद्धे वा वत्थे रागं पप्प तारूवत्ताए जाव ताफासत्ताए भुज्जो-भुज्जो परिणमति,
से केणटेणं भंते एवं वुच्चति० गोयमा से जहानामए-खीरे दूसिं पप्प सुद्धे वा वत्थे रागं पप्प तारूवत्ताए जाव ताफासत्ताए भुज्जो-भुज्जो परिणमति से तेणद्वेणं गोयमा एवं वुच्चइ-कण्हलेस्सा नीललेस्सं पप्प तारूवत्ताए जाव भुज्जो-भुज्जो परिणमति, एवं एतेणं अभिलावेणं नीललेस्सा काउलेस्सं पप्प काउलेस्सा तेउलेस्सं पप्प तेउलेस्सा पम्हलेस्सं पप्प पम्हलेस्सा सुक्कलेस्सं पप्प जाव भुज्जो-भुज्जो परिणमति, से नूणं भंते कण्हलेस्सा नीललेस्सं जाव सुक्कलेस्सं पप्प तारुवत्ताए जाव ताफासत्ताए भुज्जो-भुज्जो परिणमति हंता गोयमा कण्हलेस्सा नीललेस्सं जाव सुक्कलेस्सं पप्प तारूवत्ताए जाव ताफासत्ताए भुज्जो-भुज्जो परिणमंति से केणटेणं भंते एवं वुच्चति० गोयमा से जहानामए-वेरुलियमणी सिया किण्हसुत्तए वा लसुत्तए वा लोहियसुत्तए वा हालिद्दसुत्तए वा सुक्किलसुत्तए वा आइए समाणे तारूवत्ताए जाव भुज्जो-भुज्जो परिणमति से तेणटेणं गोयमा एवं वुच्चइ-किण्हलेस्सा नीललेस्सं जाव सुक्कलेस्सं पप्प तारूवत्ताए जाव भुज्जो-भुज्जो परिणमति,
दीपरत्नसागर संशोधितः]
[133]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |