Page Text
________________
जल्लेसे उववज्जति तल्लेसे उव्वदृति एवं नीलकाउलेस्सास वि, से नणं भंते तेउलेस्से पुढविकाइए तेउलेस्सेस पुढविकाइएस् उववज्जइ पुच्छा हंता गोयमा तेउलेसे पुढविकाइए तेउलेसेस पुढविक्काइएस् उववज्जति सिय कण्हलेसे उव्वदृति जाव सिय काउलेसे उव्वट्टति तेउलेसे उववज्जति नो चेव णं तेउलेस्से उव्वट्टति, एवं आउक्काइयवणप्फइकाइया वि तेऊवाऊ एवं चेव नवरं-एतेसिं तेउलेस्सा नत्थि बि-तियचरिंदिया एवं चेव तिसु लेसासु, पंचेंदियतिरिक्खजोणिया मणूसा य जहा- पुढविकाइया आदि-ल्लियासु तिसु लेसासु भणिया तहा छसु वि लेसासु भाणियव्वा नवरं-छप्पि लेसाओ चारियव्वाओ, वाणमंतरा जहाअसुरकुमारा, से नूणं भंते तेउलेसे जोइसिए तेउलेसेसु जोइसिएसु उववज्जति जहेव असुरकुमारा एवं वेमाणिया वि नवरं दोण्ह वि चयंतीति अभिलाओ, से नूणं भंते कण्हलेस्से नीललेस्से काउलेस्से नेरइए कण्हलेस्सेसु जाव काउलेस्सेसु नेरइएसु उवज्जति कण्हलेस्से नीललेस्से काउलेस्से उव्वदृति जल्लेस्से उववज्जति तल्लेसे उववति हंता गोयमा कण्हलेस्स-जाव-काउलेस्सेसु उववज्जति जल्लेसे उववज्जति तल्लेसे उव्वदृति, से नूणं भंते कण्हलेस्से जाव तेउलेस्से असुरकुमारे कण्हलेस्सेसु जाव तेउलेस्सेसु असुरकुमारेसु उववज्जति एवं जहेव नेरइए तहा असुरकुमारे वि जाव थणियकुमारे वि, से नूणं भंते कण्हलेस्से जाव तेउलेस्से पुढविकाइए कण्हलेस्सेसु जाव तेउलेस्सेसु पुढविक्काइएसु उववज्जति एवं पुच्छा जहा- असुरकुमाराणं हंता गोयमा कण्हलेस्से जाव तेउलेस्से पुढविकाइए कण्हलेस्सेसु जाव तेउलेस्सेस् पुढविक्काइएसु उववज्जति,
कण्हलेस्से उव्वदृति जाव पय-१७
सिय
सिय काउलेस्से उव्वट्टति सिय जल्लेस्से उववज्जति तल्लेसे उव्वदृति तेउलेसे उववज्जति नो चेव णं तेउलेस्से उव्वदृति एवं आउक्काइय-वणप्फइकाइया वि भाणियव्वा, से नूणं भंते कण्हलेस्से नीललेस्से काउलेस्से तेउक्काइए कण्हलेसेसु जाव काउलेसेसु तेउक्काइएसु उववज्जति कण्हलेसे जाव काउलेसे उव्वदृति जल्लेसे उववज्जति तल्लसे उव्वदृति हंता गोयमा कण्हलेस्से जाव काउलेस्से तेउक्काइए कण्हलेसेसु जाव काउलेसेसु तेउक्काइएसु उववज्जति सिय कण्हलेसे उव्वदृति जाव सिय काउलेस्से उव्वट्टति सिय जल्लेसे उववज्जति तल्लेसे उव्वदृति एवं वाउक्काइया बेइंदियातेइंदिय-चउरिंदिया वि भाणियव्वा, से नूणं भंते कण्हलेसे जाव सुक्कलेसे पंचेंदियतिरिक्खजोणिए कण्हलेसेसु जाव सुक्कलेसेसु पंचेंदियतिरिक्खजोणिएस उववज्जति पुच्छा हंता गोयमा कण्हलेस्से जाव सुक्कलेस्से पंचेंदियतिरिक्खजोणिए कण्हलेस्सेसु जाव सुक्कलेस्सेसु पंचेंदियतिरिक्खजोणिएसु उववज्जति सिय कण्हलेस्सेसु उव्वदृति जाव सिय सुक्कलेस्से उव्वदृति सिय जल्लेसे उववज्जति तल्लेसे उव्वदृति एवं मणूसे वि वाणमंतरे जहाअसर जोइसिय-वेमाणिए वि एवं चेव नवरं-जस्स जल्लेसा दोण्ह वि चयणं ति भाणियव्वं ।
[४६०] कण्हलेस्से णं भंते नेरइए कण्हलेस्सं नेरइयं पणिहाए ओहिणा सव्वओ समंता समभिलोएमाणे-समभिलोएमाणे केवतियं खेत्तं जाणति केवतियं खेत्तं पासति गोयमा नो बहयं खेत्तं जाणति नो बयं खेत्तं पासति नो दूरं खेत्तं जाणति नो दूरं खेत्तं पासति इत्तरियमेव खेत्तं जाणति इत्तरियमेव खेत्तं पासति, से केणटेणं भंते एवं वुच्चति-कण्हलेसे णं नेरइए तं चेव जाव इत्तरियमेव खेत्तं पासति गोयमा से जहानामए-केइ पुरिसे बहुसमरमणिज्जंसि भूमिभागसि ठिच्चा सव्वओ समंता समभिलोएज्जा तए णं से पुरिसे धरणितलगतं पुरिसं पणिहाए सव्वओ समंता समभिलोएमाणेसमभिलोएमाणे नो बहुयं खेत्तं जाव पासति जाव इत्तरियमेवं खेत्तं पासति, से तेणटेणं गोयमा एवं वुच्चति-कण्हलेसे णं नेरइए जाव इत्तरियमेव खेत्तं पासति, नीललेसे णं भंते नेरइए कण्हलेसं नेरइयं
कमा
[दीपरत्नसागर संशोधितः]
[132]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |