Page Text
________________
अप्पतराए पोग्गले आहारेंति जाव अप्पतराए पोग्गले नीससंति अभिक्खणं आहारेंति जाव अभिक्खणं नीससंति से तेणट्टेणं० मणूसा नो सव्वे समाहारा सेसं जहा- नेरइयाणं नवरं - किरियाहिं मणूसा तिविहा० सम्मद्दिट्ठी मिच्छद्दिट्ठी सम्मामिच्छद्दिट्ठी तत्थ णं जे ते सम्मद्दिट्ठी ते तिविहा० संजया असंजया संजयासंजया तत्थ णं जेते संजया ते दुविहा० सरागसंजया य वीतरागसंजया य तत्थ णं जेते वीतरागसंजया ते णं अकिरिया तत्थ णं जेते सरागसंजया ते दुविहा० पमत्तसंजया य अपमत्तसंजया य तत्थ णं जेते अपमत्तसंजया तेसिं एगा मायावत्तिया किरिया कज्जति तत्थ णं जेते पमत्तसंजया तेसिं दो किरियाओ कज्जंति तं जहा- आरंभिया मायावत्तिया य तत्थ णं जेते संजया संजया तेसिं तिण्णिकिरियाओ कज्जंति तं जहा- आरंभिया परिग्गहिया मायावत्तिया तत्थ णं जेते असंजया तेसिं चत्तारिकिरियाओ कज्जंति, आरंभिया अपच्चक्खाणकिरिया तत्थ णं जेते मिच्छद्दिट्ठी जे य सम्मामिच्छद्दिट्ठी तेसिं नेयतियओ पंच किरियाओ कज्जंति, आरंभिया जाव मिच्छादंसणवत्तिया सेसं जहा- नेरइयाणं ।
[४४९] वाणमंतराणं जहा- असुरकुमाराणं एवं जोइसिय-वेमाणियाण वि नवरं ते वेदणाए दुविहा पन्नत्ता तं जहा- माइमिच्छद्दिट्ठीउववण्णगा य अमाइसम्मद्दिट्ठीउववण्णगा य तत्थ णं जेते
पय- १७
माइमिच्छद्दिट्ठिउववण्णगा ते णं अप्पवेदणतरागा तत्थ णं जेते अमाइसम्मद्दिट्ठीउववण्णगा ते णं महावेदणतरागा से तेणद्वेणं गोयमा एवं वच्चइ- सेसं तहेव ।
[४५०] सलेस्सा णं भंते नेरइया सव्वे समाहारा समसरीरा समुस्सासनिस्सासा स च्चेव पुच्छा एवं जहा - ओहिओ गमओ तहा सलेस्सगमओ वि निरवसेसो भाणियव्वो जाव वेमाणिया, कण्हलेस्सा णं भंते नेरइया सव्वे समाहारा समसरीरा समुस्सासणिस्सासा पुच्छा गोयमा जहा - ओहिया नवरं - नेरइया वेदणाए माइमिच्छद्दिट्ठीउववण्णगा य अमाइसम्मद्दिट्ठीउववण्णगा य भाणियव्व सेसं तहेव जहा- ओहियाणं असुरकुमारा जाव वाणमंतरा एते जहा- ओहिया नवरं मणूसाणं किरियाहिं विसेसो जाव तत्थ णं जेते सम्मद्दिट्ठी ते तिविहा पन्नत्ता तं जहा- संजया असंजया संजयासंजया य जहा- ओहियाणं जोइसियवेमाणिया आइल्लिगासु तिसु लेस्सासु न पुच्छिज्जंति, एवं जहा- किण्हलेस्सा चारिया तहा नीललेस्सा वि चारियव्वा, काउलेस्सा नेरइएहिंतो आरब्भं जाव वाणमंतराच नवरं काउलेस्सा नेरइया वेदणाए जहाओहिया, तेउलेस्साणं भंते असुरकुमाराणं ताओ चेव पुच्छाओ गोयमा जहेव ओहिया तहेव नवरं वेदणा जहा- जोतिसिया पुढवि-आउ-वणस्सइ-पंचेंदियतिरिक्खमणूसा जहा- ओहिया तहेव भाणियव्वा नवरं - मणूसा किरियाहिं जे संजया ते पमत्ता य अपमत्ता य भाणियव्वा सरागा वीयरागा नत्थि, वाणमंतरा तेउलेस्साए जहा - असुरकुमारा एवं जोतिसिय-वेमाणिया वि सेसं तं चेव, एवं पम्हलेस्सा वि भाणियव्वा नवरं-जेसिं अत्थि सुक्कलेसा वि तहेव जेसिं अत्थि सव्वं तहेव जहा - ओहियाणं गमओ नवरं पम्हलेस्स - सुक्कलेस्साओ पंचेंदियतिरिक्खजोणिय- मणूस-वेमाणियाणं चेव न सेसाणं ति ।
• सतरसमे पये पढमो उद्देसओ समत्तो
[] बीओ उद्देसओ
[दीपरत्नसागर संशोधितः ]
[127]
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |