Page Text
________________
विसुद्धलेस्सतरागा अविसुद्धलेस्सतरागा य भाणियव्वा, नेरइया णं भंते सव्वे समवेदणा गोयमा नो इणट्टे समट्ठे से केणट्टेणं भंते एवं वच्चति० गोयमा नेरइया दुविहा० सण्णिभूया य असण्णिभूया य तत्थ णं जेते सण्णिभूया ते णं महावेदणतरागा तत्थ णं जेते असण्मिभूया ते णं अप्पवेदणतरागा से तेणट्टेणं गोयमा एवं वच्चति-नेरइया नो सव्वे समवेदणा ।
[४४५] नेरइया णं भंते सव्वे समकिरिया गोयमा नो इणट्ठे समट्ठे से केणट्टेणं भंते एवं वुच्चति० गोयमा नेरइया तिविहा० सम्मद्दिट्ठी मिच्छद्दिट्ठी सम्मामिच्छद्दिट्ठी तत्थ णं जेते सम्मद्दिट्ठी सि णं चत्तारि किरियाओ कज्जंति, आरंभिया परिग्गहिया मायावत्तिया अपच्चक्खाणकिरिया, तत्थ णं जेते मिच्छद्दिट्ठी जे य सम्मामिच्छदिट्ठी तेसि णं नियतियाओ पंचकिरियाओ कज्जंति, आरंभिया परिग्गहिया मायावत्तिया अपच्चक्खाणकिरिया मिच्छादंसणवत्तिया से तेणट्टेणं गोयमा एवं वुच्चतिनेरइया नो सव्वे समकिरिया, नेरइया णं भंते सव्वे समाउया गोयमा नो इणट्ठे समट्ठे से केणट्टेणं० गोयमा नेरइया चउव्विहा० अत्थेगइयासमाउयासमोववण्णगा अत्थेगइयासमाउया विसमोववण्णगा अत्थेगइयाविसमाउयासमोववण्णगा अत्थेगइयाविसमाउयाविसमोववण्णगा से तेणद्वेणं गोयमा एवं वच्चइ-नेरइया नो सव्वे समाउया नो सव्वे समोववन्नगा |
पय- १७
[४४६] असुरकुमारा णं भंते सव्वे समाहारा स चेव पुच्छा गोयमा नो इणट्ठे समट्ठे जहानेरइया असुरकुमारा णं भंते सव्वे समकम्मा गोयमा नो इणट्ठे समट्ठे, से केणणं भंते एवं वच्चति गोयमा असुरकुमारा दुविहा० पुववोववण्णगा य पच्छोववण्णगा य तत्थ णं जेते पुव्वोववण्णगाणं महाकम्मतरागा तत्थ णं जेते पच्छोववण्णगा ते णं अप्पकम्मतरागा से तेणद्वेणं० असुरकुमारा नो सव्वे समकम्मा एवं वण्ण-लेस्साए पुच्छा तत्थ णं जेते पुव्वोववण्णगा ते णं अविसुद्धवण्णतरागा तत्थ णं जेते पच्छोववण्णगा ते णं विसुद्धवण्णतरागा से तेणद्वेणं० असुरकुमारा नो सव्वे समवण्णा एवं लेस्साए वि वेदणाए जहा- नेरइया अवसेसं जहा- नेरइया एवं जाव थणियकुमारा ।
[४४७] पुढविक्काइया आहार- कम्म-वण्ण-लेस्साहिं जहा- नेरइया, पुढविक्काइया णं भंते सव्वे समवेदणा हंता गोयमा सव्वे समवेदणा से केणद्वेणं० भंते एवं वुच्चति गोयमा पुढविक्काइया सव्वे असण्णी असण्णीभूयं अनिययं वेदणं वेदेंति से तेणद्वेणं० पुढविक्काइया सव्वे समवेदणा, पुढविक्काइयाणं भंते सव्वे समकिरिया हंता गोयमा पुढविकाइया सव्वे समकिरिया से केणद्वेणं गोयमा पुढविक्काइया सव्वे माइमिच्छद्दिट्ठी तेसिं नेयतियाओ पंच किरियाओ कज्जंति तं जहा- आरंभिया परिग्गहिया मायावत्तिया अपच्चक्खाणकिरिया मिच्छादंसणवत्तिया एवं जाव चउरिंदिया पंचिंदियतिरिक्खजोणिया जहा- नेरइया नवरं-किरियाहिं सम्मद्दिट्ठी मिच्छद्दिट्ठी सम्मामिच्छद्दिट्ठी तत्थ णं जेते सम्मद्दिट्ठी ते दुविहा० असंजया य संजयासंजया य तत्थ णं जेते संजायसंजया तेसि णं तिण्णि किरियाओ कज्जंति तं जहा- आरंभिया जाव तत्थ णं जेते असंजया तेसि णं चत्तारि किरियाओ कज्जंति तं जहा- आरंभिया परिग्गहिया मायावत्तिया अपच्चक्खाणकिरिया तत्थ णं जेते मिच्छद्दिट्ठी जे य सम्मामिच्छद्दिट्ठी तेसि णं नियतियाओ पंचकिरियाओ कज्जंति तं जहा- आरंभिया मिच्छादंसणवत्तिया सेसं तं चेव ।
[४४६] मणूसाणं भंते सव्वे समाहारा गोयमा नो इणट्ठे समट्ठे से केणट्टेणं गोयमा मणूसा दुविहा० महासरीरा य अप्पसरीरा य तत्थ णं जेते महासरीरा ते णं बहुतराए पोग्गले आहारें बहुतराएपोग्गले नीससंति आहच्च आहारेंति जाव आहच्च नीससंति तत्थ णं जेते अप्पसरीरा ते णं [दीपरत्नसागर संशोधितः]
[126]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |