Page Text
________________
पप्प तारूवत्ताए तावण्णत्ताए तागंधत्ताए तारसत्ताए ताफासत्ताए भुज्जो-भुज्जो परिणमति एवं नीललेस्सा काउलेस्सं पप्प तारूवत्ताए जाव ताफासत्ताए परिणमंति एवं काउलेस्सा वि तेउलेस्सं तेउलेस्सा वि पम्हलेस्सं पम्हलेस्सा वि सुक्कलेस्सं पप्प तारूवत्ताए जाव ताफासत्ताए परिणमति से त्तं लेस्सागती, से किं तं लेस्साणवायगती-जल्लस्साइं दव्वाइं परियाइत्ता कालं करेति तल्लेस्सेसु उववज्जति तं जहाकण्हलेस्ससु वा जाव सुक्कलेस्सुसु वा से त्तं लेस्साणुवायगती, से किं तं उद्दिस्सपविभत्तगती जेणं
ज्झायं वा थेरं वा पवतिं वा गणिं वा गणहरं वा गणावच्छेयं वा उद्दिसिय-उद्दिसिय गच्छति से त्तं उद्दिस्सपविभत्तगती, से किं तं चउपुरिसपविभत्तगती से जहानामए-चत्तारि पुरिसा समगं पद्वित्ता समग
मगं पज्जवद्विया समगं पद्विया विसमं पज्जवद्विया विसमं पद्विया समगं पज्जवद्विया विसमं पज्जुवट्ठिया से तं चउपुरिसप-विभत्तगती, से किं तं वंकगती चउव्विहा० घट्टणया थंभणया लेसणया पवडणया से त्तं वंकगती, से किं तं पंकगती से जहानामए-केइ पुरिसे सेयंसि वा पंकसि वा उदयंसि वा कायं उब्बहिया गच्छंति से त्तं पंकगती, से किं तं बंधणविमोयणगती जणं अंबाण वा अंबाडगाण वा ण वा बिल्लाण वा कविट्ठाण वा भव्वाण वा फणसाण वा दालिमाण वा पारेवताण वा अक्खोडाण चाराण
वा
बोराण पय-१६
वा
तिंद्याण वा पक्खाणं परियागयाणं बंधणाओ विप्पमुक्काणं निव्वाधाएणं अहे वीससाए गती पवत्तइ से त्तं बंधणविमोयगणती से त्तं विहायगती [से त्तं गइप्पवाए] | मुनि दीपरत्नसागरेण संसोधितः संपादितश्च सोलसमं पयं समत्तं
॥ सत्तरसमं लेस्सापयं । __ [४४२] आहार सम सरीरा उस्सासे कम्म वण्ण लेस्सासु ।
समवेदण समकिरिया माउया चेव बोधव्वा । [४४३] नेरइया णं भंते सव्वे समाहारा सव्वे समसरीरा सव्वे समुस्सासणिस्सा गोयमा नो इणढे समढे से केणटेणं भंते एवं वुच्चति० गोयमा नेरइया दुविहा० महासरीरा य अप्पसरीरा य तत्थ णं जेते महासरीरा ते णं बहुतराए पोग्गले आहारेंति एवं परिणामेंति एवं ऊससंति एवं नीससंति, अभिक्खणं आहारेंति एवं परिणामेंति एवं ऊससंति एवं नीससंति तत्थ णं जेते अप्पसरीरा ते णं अप्पतराए पोग्गले आहारेंति एवं परिणामेंति एवं ऊससंति एवं नीससंति आहच्च आहारेंति आहच्च परिणामेति आहच्च ऊससंति आहच्च नीससंति से तेणटेणं गोयमा एवं वुच्चइ-नेरइया नो सव्वे समाहारा नो सव्वे समसरीरा नो सव्वे समस्सासणीसासा ।
[४४४] नेरइया णं भंते सव्वे समकम्मा गोयमा नो इणढे समढे, से केणद्वेणं भंते एवं वुच्चति० गोयमा नेरइया दुविहा पन्नत्ता तं जहा- पुव्वोववण्णगा य पच्छोववण्णगा य तत्थ णं जेते पुव्वोववण्णगा ते णं अप्पकम्मतरागा तत्थ णं जेते पच्छोववण्णगा ते णं महाकम्मतरागा से तेणटेणं गोयमा एवं वुच्चति-नेरइया नो सव्वे समकम्मा, नेरइया णं भंते सव्वे समवण्णा गोयमा नो इणढे समढे से केणटेणं भंते एवं वुच्चति० गोयमा नेरइया दुविहा० पुव्वोववण्णगा य पच्छोववण्णगा य तत्थ णं जेते पुव्वोववण्णगा ते णं विसुद्धवण्णतरागा तत्थ णं जेते पच्छोववण्णगा ते णं अविसुद्धवण्णतरागा से तेणद्वेणं गोयमा एवं वुच्चति-नेरइया नो सव्वे समवण्णा, एवं जहेव वण्णेण भणिया तहेव लेस्सासु वि
दीपरत्नसागर संशोधितः]
[125]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |