Page Text
________________
जाव
सपडिदिसिं सिद्धखेत्तोववायगती कालोयसमुद्दे सपक्खिं सपडिदिसिं सिद्धखेत्तोववायगती पुक्खरवरदी वड्ढपुरिमड्ढ भरहेवयवाससपक्खिं सपिडिदिसिं सिद्धखेत्तो वायगति एवं पुक्खरवरदीवड्ढपच्छिमड्ढमं दरपव्वयसपक्खिं सपिडिदिसिं सिद्धेत्तोववायगती से त्तं सिद्धखेत्तोववायगती से त्तं खेत्तोववायगती, से किं तं भवोवगायगती, चउव्विहा० नेरइय भवोववायगती जाव देवभवोववायगती, से किं तं नेरइयभवोववायगती नेरइयभवोववायगती सत्तविहा पन्नत्ता तं जहा एवं सिद्धवज्जो भेओ भाणियव्वो जो चेव खेत्तोववायगतीए सो चेव भववोववायगतीए से त्तं भवोववायगती, से किं तं नोभवोववायगती दुविहा० पोग्गलनोभवोववाय य सिद्धनोभवोववायगती य, से किं तं पोग्गलनोभवोववायगती जण्णं परमाणुपोग्गले लोगस्स पुरत्थिमिल्लाओ चरिमंताओ पच्चत्थिमिल्लं चरिमंतं एगसमएणं गच्छति पच्चत्थिमिल्लाओ वा चरिमंताओ पुरत्थिमिल्लं चरिमंतं एगसमएणं गच्छति दाहिणिल्लाओ वा चरिमंताओ उत्तरिल्लं चरिमंतं एगसमएणं गच्छति एवं उत्तरिल्लओ दाहिणिल्लं उवरिल्लाओ हेट्ठिल्लं हेट्ठिल्लाओ वा उवरिल्लं से त्तं पोग्गलनोववायगती से किं तं सिद्धभवोववायगति अनंतरसिद्धनोभवोववयागती
परंपरसिद्धनोभ
दु
पय-१६
य
वोववयागती य से किं तं अनंतरसिद्धनोभवोववायगती, पन्नरसविहा० तित्थसिद्धअनंतरसिद्धनोभवोववायगती य जाव अनेगसिद्धनोभवोववायगती य से त्तं अनंतरसिद्धनोभवोववायगती, से किं तं परंपरसिद्धनोभवोववायगती अनेगविहा० अपढमसमयसिद्धनो भवोववायगती एवं दुसमयसिद्धनो भवोववायगती जाव अनंतसमयसिद्धनोभवोववायगती से त्तं परंपरसिद्धनोभवोववायगती से त्तं सिद्धनोभवोववायगती से त्तं नोभवोववायगती से त्तं उववायगती ।
से किं तं विहायगती विहायगती सत्तरसविहा पन्नत्ता तं जहा- फुसमाणगती अफुसमाणगती उवसंपज्जमाणगती अनुवसंपज्जमाणगती पोग्गलगती मंडूयगती नावागत नय छायागती छायाणुवाय-गती लेसागती लेस्साणुवायगती उद्दिस्सपविभत्तगती चउपुरिसपविभत्तगत वकी पंकगती बंधणविमोयण-गती, से किं तं फुसमाणगती जण्णं परमाणुपोग्गले दुपदेसिय जाव अनंतपदेसियाणं खंधाणं अण्णमण्णं फुसित्ता णं गती पवत्तइ से त्तं फुसमाणगती, से किं तं अफुसमाणगती जण्णं एतेसिं चेव अफुसित्ता णं गती पवत्तइ से त्तं अफुसमाणगती, से किं तं उवसंपज्जमाणगती जण्णं रायं वा जुवरायं वा ईसरं वा तलवरं वा माडंबियं वा कोडुंबियं वा इब्भं वा सेट्ठि वा सेणावई वा सत्थवाहं वा उवसंपज्जित्ता णं गच्छति से त्तं उवसंपज्जमाणगती, से किं तं अनुवसंपज्ञमाणगती जण्णं एतेसिं चेव अण्णमण्णं अनुवसंपजित्ता णं गच्छति से त्तं अनुवसंपज्जमाणगती, से किं तं पोग्गलगती-जण्णं परमाणुपोग्गलं जाव अनंतपएसियाणं खंधाणं गती पवत्तत्ति से त्तं पोग्गलगती, से किं तं मंडूयगती, जण्णं मंडूए उप्फिडिया-उप्फिडिया गच्छति से त्तं मंडूयगती, से किं तं नावागती-जणं नावा पुव्ववेयालीओ दाहिणवेयालिं जलपहेणं गच्छतिं दाहिणवेयालीओ वा अवरवेयालिं जलपहेणं गच्छति से त्तं नावागती, से किं तं नयगती जण्णं नेगम-संगह-ववहार-उज्जुसुय-सद्दसमभिरूढ - एवंभूयाणं नयाणं जा गती अहवा सव्वनया वि जं इच्छंति से त्तं नयगती, से किं तं छायागती जण्णं हयच्छायं वा गयच्छायं वा नरच्छायं वा किन्नरच्छायं वा महोरगच्छायं वा गंधव्वच्छायं वा उसहच्छायं वा रहच्छायं वा छत्तच्छायं वा उवसंपज्जित्ताणं गच्छति से त्तं छायागती, से किं तं छायाणुवायगती जण्णं पुरिसं छाया अनुगच्छति नो पुरिसे छायं अनुगच्छति से त्तं छायाणुवायगती, से किं तं लेस्सागती, जण्णं कण्हलेस्सा नीललेस्सं [दीपरत्नसागर संशोधितः ]
[124]
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |