Page Text
________________
[४५१] कति णं भंते लेस्साओ पन्नत्ताओ गोयमा छल्लेस्साओ पन्नत्ताओ तं जहाकण्हलेस्सा नीललेस्सा काउलेस्सा पम्हलेस्सा सुक्कलेस्सा ।
[ ४५२] नेरइयाणं भंते कति लेस्साओ पन्नत्ताओ गोयमा तिण्णि, तं जहा- किण्हलेस्सा नीललेस्सा काउलेस्सा, तिरिक्खजोणियाणं पुच्छा गोयमा छल्लेस्साओ, कण्हलेस्सा जाव सुक्कलेस्सा, एगिंदियाणं पुच्छा गोयमा चत्तारि लेस्साओ, कण्हलेस्सा जाव तेउलेस्सा, पुढविक्काइयाणं पुच्छा गोयमा [चत्तारि] एवं चेव आउ-वणप्फति-काइयाण वि एवं चेव तेउ वाउ - बेइंदिय-तेइंदिय- चउरिंदियाणं जहानेरइयाणं पंचेंदियतिरिक्खजोणियाणं पुच्छा गोयमा छल्लेस्साओ-कण्हलेस्सा जाव सुक्कलेस्सा, सम्मुच्छिपंचेंदियतिरिक्खजोणियाणं पुच्छा गोयमा जहा- नेरियाणं गब्भवक्कंतियपंचेंदियतिरिक्खजोणियाणं पुच्छा गोयमा छल्लेसाओ तं जहा- कण्हलेस्सा जाव सुक्कलेस्सा, तिरिक्खजोणिणीणं पुच्छा गोयमा छल्लेस्साओ एताओ चेव, मणुस्साणं पुच्छा गोयमा छल्लेस्साओ एताओ चेव, सम्मुच्छिममणुस्साणं पुच्छा गोयमा जहा- नेरइयाणं, गब्भवक्कंतियमणूसाणं पुच्छा गोयमा छल्लेसाओ, कण्हलेस्सा जाव सुक्कलेस्सा, मणुस्सीणं पुच्छा गोयमा एवं चेव, देवाणं पुच्छा गोयमा छ एताओ चेव, देवीणं पुच्छा गोयमा चत्तारि, कण्हलेस्सा जाव तेउलेस्सा भवणवासीणं पुच्छा गोयमा एवं चेव एवं भवणवासिणीण वि, वाणमंतरदेवाणं पुच्छा गोयमा एवं चैव एवं वाणमंतरीण वि, जोइसायणं पुच्छा गोयमा एगा तेउलेस्सा एवं जोइसिणी
पय-१७
वि, वेमाणियाणं पुच्छा गोयमा तिण्णि, तेउलेस्सा जाव सुक्कलेस्सा वेमाणिणीणं पुच्छा गोयमा एगा उसा ।
[४५३] एतेसि णं भंते सलेस्साणं जीवाणं कण्हलेस्साणं जाव सुक्कलेस्साणं अलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा जीवा सुक्कलेस्सा, पम्हलेस्सासंखेज्जगुणा तेउलेस्सासंखेज्जगुणा अलेस्साअनंतगुणा काउलेस्साअनंतगुणा नीललेस्सा विसेसाहिया कण्हलेस्साविसेसाहिया सलेस्सा विसेसाहिया ।
[४५४ ] एतेसि णं भंते नेरइयाणं कण्हलेस्साणं नीललेस्साणं काउलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा नेरइया कण्हलेस्सा, नीलस्सा असंखेज्जगुणा काउलेस्सा असंखेज्जगुणा ।
[४५५] एतेसि णं भंते तिरिक्खजोणियाणं कण्हलेस्साणं जाव सुक्कलेसाण य कतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा तिरिक्खजोणिया सुक्कलेस्सा एवं जहा- ओहिया नवरं अलेस्सवज्जा एतेसि णं भंते एगिंदियाणं कण्हलेस्साणं जाव तेउलेस्साण य कतरे कतरेहिंतो अप्पा वा० जाव विसेसाहिया वा गोयमा सव्वत्थोवा एगिंदियातेउलेस्सा, काउलेस्साअनंतगुणा नीललेस्साविसेसाहिया कण्हलेस्साविसेसाहिया, एतेसि णं भंते पुढविक्काइयाणं कण्हलेस्साणं जाव तेउलेस्साण य कतरे कतरेहिंतो अप्पा वा० गोयमा जहा- ओहिया एगिंदिया नवरं - काउलेस्सा असंखेज्जगुणा एवं आक्काइयाण वि, एतेसि णं भंते तेउक्काइयाणं कण्हलेस्साणं जाव काउलेस्साणं य कतरे कतरेहिंतो अप्पा वा० गोयमा सव्वत्थोवा तेउक्काइया काउलेस्सा, नीललेस्साविसेसाहिया कण्हलेस्साविसेसाहिया एवं वाउक्काइयाण वि, एतेसि णं भंते वणप्फइकाइयाणं कण्हलेस्साणं जाव तेउलेस्साण य कतरे कतरेहिंतो अप्पा वा० जहा- एगिंदियओहियाणं बेइंदिय-तेइंदिय - चउरिंदियाणं जहा- तेउइक्काइयाणं, [दीपरत्नसागर संशोधितः]
[128]
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |