Page Text
________________
सोइंदियउवओगद्धा जाव फासिंदियउवओगद्धा एवं नेरइयाणं जाव वेमाणियाणं नवरं-जस्स जति इंदिया अत्थि ।
____एतेसि णं भंते सोइंदिय-जाव फासिंदियाणं जहणियाए उवओगद्धाए उक्कोसियाए उवओगद्धाए जहण्णुक्कोसियाए उववओगद्धाए कतरे कतरेहिंतो अप्पा वा बहया वा तुल्ला वा विसेसाहिया वा गोयमा सव्वत्थोवा चक्खिंदियस्स जहणिया उवओगद्धा, सोइंदियस्सजहणियाविसेसाहिया, घाणिदिपय-१५
यस्सजहण्णियाउवओगद्धाविसेसाहियाजिभिंदियस्सजहण्णियाउवओगद्धाविसेसाहिया फासेंदियस्सजहण्णियाउवओगद्धाविसेसाहिया, उक्कोसियाए उवओगराए सव्वत्थोवा चक्खिंदियस्सउक्कोसियाउवओगद्धा सोइं-दियस्स उक्कोसियाउवओगद्धाविसेसाहिया धाणिंदियस्सउक्कोसियाउवओगद्धा विसेसाहिया जिभिंदियस्स उक्कोसियाउवओगद्धाविसेसाहिया फासेंदियस्स उक्कोसिया उवओगद्धाविसेसाहिया, जहण्णक्कोसियाए उवओगद्धाए सव्वत्थोवा चक्खिंदियस्स जहणिया उवओगद्धा, सोइंदियस्स जहणियाउवओगद्धा-विसेसाहिया धाणिंदियस्स जहण्णियाउवओगद्धा विसेसाहिया जिब्भिंदियस्स जहण्णियाउवओगद्धाविसेसाहिया फासेंदियस्स जहणियाउवओगद्धाविसेसाहिया फासेंदियस्स जहणियाहिंतो उवओगद्धाहिंतोचक्खिंदियस्सउक्कोसिया उवओगद्धाविसेसाहिया, सोइंदियस्स उक्कोसियाउवओगद्धाविसेसाहिया फासेंदियस्स उक्कोसिया उवओगद्धा विसेसाहिया, कतिविहा णं भंते इंदियओगाहणा पन्नत्ता गोयमा पंचविहा इंदियओगाहणा पन्नत्ता तं जहा- सोइंदियओगाहणा जाव फासेंदियओगाहणा एवं नेरइयाणं जाव वेमाणियाणं नवरं-जस्स जइ इंदिया अत्थि ।
[४३६] कतिविहे णं भंते इंदियअवाए० गोयमा पंचविहे इंदियअवाए पन्नत्ते तं जहासोइंदियअवाए जाव फासेंदिय अवाए एवं नेरइयाणं जाव वेमाणियाणं नवरं-जस्स जत्तिया इंदिया अत्थि, कतिविहा णं भंते ईहा पन्नत्ता गोयमा पंचविहा ईहा० सोइंदियईहा जाव फासेंदियईहा एवं जाव वेमाणियाणं नवरं-जस्स जति इंदिया, कतिविहे णं भंते उग्गहे पन्नत्ते गोयमा दुविहे उग्गहे. अत्थोग्गहे य वंजणोग्गहे य, वंजणोग्हहे णं भंते कतिविहे पन्नत्ते गोयमा चउव्विहे पन्नत्ते तं जहासोइंदियवंजणोग्गहे घाणिंदियवंजणोग्गहे जिभिदियवंजणोग्गहे फासिंदियवंजणोग्गहे अत्थोग्गहे णं भंते कतिविहे पन्नत्ते गोयमा छव्विहे. सोइंदियअत्थोग्गहे जाव फासिंदियअत्थोग्गहे नोइंदियअत्थोग्गहे, नेरइयाणं भंते कतिविहे उग्गहे पन्नत्ते गोयमा दुविहे उग्गहे प० अत्थोग्गहे जाव वंजणोग्गहे य एवं असुरकुमाराणं जाव थणियकुमाराणं पुढविकाइयाणं पुच्छा गोयमा दुविहेउग्गहे प० अत्थोग्गहे य वंजणोग्गहे य पुढविकाइयाणं भंते वंजणोग्गहे पुच्छा गोयमा एगे फासिंदियवंजणोग्गहे पन्नत्ते पुढविकाइयाणं भंते अत्थोग्गहे पुच्छा गोयमा एगे फासिंदियअत्थोगहे पन्नत्ते एवं जाव वणप्फइकाइयाणं, एवं बेइंदियाण वि नवरं-बेइंदियाणं वंजणोग्गहे दुविहे पन्नत्ते अत्थोग्गहे दुविहे पन्नत्ते एवं तेइंदियचउरिंदियाणं वि नवरं-इंदियपरिवडढी कायव्वा चउरिंदियाणं वंजणोग्गहे तिविहे-अत्थोग्गहे चउव्विहे पन्नत्ते सेसाणं जहा- नेरइयाणं जाव वेमाणियाणं ।
[४३७] कतिविहा णं भंते इंदिया पन्नत्ता गोयमा दुविहा पन्नत्ता तं जहा- दव्विंदिया य भाविंदिया य कति णं भंते दव्विंदिया पन्नत्ता गोयमा अट्ट दव्विदिया० दो सोत्ता दो नेत्ता दो धाणा जीहा फासे, नेरइयाणं भंते कति दव्विंदिया पन्नत्ता गोयमा अट्ठ एते चेव एवं असुरकुमाराणं जाव थणियकुमाराण वि, पुढविकाइयाणं पुच्छा गोयमा एगे फासेंदिए पन्नत्ते एवं जाव वणस्सतिकाइयाणं बेइंदियाणं पुच्छा गोयमा दो दव्विंदिया पन्नत्ता तं जहा- फासिंदिए य जिभिदिए य, तेइंदियाणं पुच्छा [दीपरत्नसागर संशोधितः]
[115]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |