Page Text
________________
वा जाणति पासति गोयमा नो इणढे समढे से केणटेणं भंते एवं वुच्चति० गोयमा देवे वि य णं अत्थेगइए जे णं तेसिं निज्जरापोग्गलाणं नो किंचि आणत्तं वा जाव लहयत्तं वा जाणति पासति से एणतुणं गोयमा एवं वुच्चति-छउमत्थे णं मणूसे तेसिं निज्जरापोग्गलाणं नो किंचि आणत्तं वा जाव पय-१५
लह्यत्तं वा जाणति पासति सुहुमा णं ते पोग्गलाण पन्नत्ता समणाउसो सव्वलोगं पि य णं ते ओगाहिणत्ताणं चिटुंति, नेरइयाणं भंते ते निज्जरागोग्गले किं जाणंति पासंति आहारेंति उदाह न याणंति नपासंति न आहारेति गोयमा नेरइयाणं ते निज्जरापोग्गले न जाणंति न पासंति आहारेंति एवं जाव पंचेंदियतिरिक्खजोणिया, मणूसा णं पुच्छा उदाहु न जाणंति न पासंति न आहारेंति गोयमा अत्थेगइया जाणंति पासंति आहारेंति अत्थेगइया न जाणंति न पासंति आहारेंति से केणटेणं भंते एवं वुच्चति० गोयमा मणूसा दुविहा पन्नत्ता तं जहा- सण्णिभूयाय असण्णिभूया य तत्थ णं जेते असण्णि-भूया ते णं न जाणंति न पासंति आहारेंति तत्थ णं जेते सण्णिभूया ते दुविहा पन्नत्ता तं जहा- उवउत्ता य अनुवउत्ता य तत्थ णं जेते अनुवउत्ता ते णं न जाणंति न पासंति आहारेंति तत्थ णं जेते उवउत्ता ते णं जाणंति पासंति आहारेंति से एएणतुणं गोयमा एवं वुच्चति-अत्थेगइया जाणंति पासंति आहारेंति अत्थेगइया न जाणंति न पासंति आहारेति वाणमंतरजोइसिया जहा नेरइया, वेमाणिया णं भंते पुच्छा गोयमा जहा- मणूसा नवरं-वेमाणिया दुविहा पन्नत्ता तं जहा- माइमिच्छद्दिविउववण्णगा य अमाइ सम्मद्दिट्ठिउववण्मगा य तत्थ णं जेते माइमिच्छद्दिट्ठिउववन्नगा ते णं न जाणंति न पासंति आहारेति तत्थ णं जेते अमइसम्म-द्दिहिउववन्गा ते दुविहा० अनंतरोववण्णगा य परंपरोववण्णगा य तत्थ णं जेते अनंतरो-ववण्णगा तेणं न जाणंति न पासंति आहारेंति तत्थ णं जेते परंपरोववण्णगा ते दुविहा पन्नत्ता तं जहा- पज्जत्तगा य अपज्जत्तगा य तत्थ णं जेते अपज्जत्तगा ते णं न जाणंति न पासंति आहारेंति तत्थ णं जेत पज्जत्तगा ते दुविहा० तं जहा- उवउत्ता य अनुवउत्ता य तत्थ णं जेते अनुवउत्ता ते णं न जाणंति न पासंति आहारेंति तत्थ णं जेते उवउत्ता ते णं जाणति पासंति आहारेंति से एणटेणं गोयमा एवं वुच्चति-अत्थेगइया जाणंति पासंति आहारेंति अत्थेगइया न जाणंति न पासंति आहारेंति ।
[४१७] अदाए णं भंते पेहमाणे मणसे किं अद्दयं पेहति अत्ताणं पेहति पलिभागं पेहति गोयमा नो अद्दायं पेहति नो अत्ताणं पेहति पलिभागं पेहति एवं एतेणं अभिलावेणं असिं मणिं उड़पाणं तेल्लं फाणियं वसं ।
[४२८] कंबलसाडए णं भंते आवेढिय-परिवेढिए समाणे जावतियं ओवासंतरं फसित्ता णं चिदति विरल्लिए वि य णं समाणे तावतियं चेव ओवासंतरं फसित्ता णं चिति हंता गोयमा कंबलसाडए णं आवेढिय-परिवेढिए समाणे जावतियं तं चेव, थूणा णं भंते उड्ढं ऊसिया समाणी जावतियं खेत्तं ओगाहित्ता णं चिट्ठति तिरियं पि य णं आयता समाणी तावतियं चेव खेत्तं ओगाहित्ता णं चिट्ठति हंता गोयमा थूणा णं उड्ढं ऊसिया तं चेव जाव चिट्ठति आगासथिग्गले णं भंते किणा फुडे कइहिं वा काएहिं फुडे-किं धम्मत्थिकाएणं फुडे किं धम्मत्थिकायस्स देसेणं फुडे धम्मत्थिकायस्स पदेसेहिं फुडे एवं अधम्मत्थिकाएणं आगासत्थिकाएणं एएणं भेदेणं जाव किं पुढविकाइएणं फुडे जाव तसकाएणं फुडे अद्धासमएणं फुडे गोयमा धम्मत्थिकाएणं फुडे नो धम्मत्थिकायस्स देसेणं फुडे धम्मत्थिकायस्स पदेसेहि फुडे एवं अधम्मत्थिकाएणं वि नो आगासत्थिकाएणं फुडे आगासत्थिकायस्स देसेणं फुडे आगसत्थिकायस्स पदेसेहिं फुडे जाव वणप्फइकाइएणं फुडे तसकाएणं सिय फुडेसिय नो फुडे अद्धासमएणं देसे फुडेदेसे नो [दीपरत्नसागर संशोधितः]
[113]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |